Абдразаҡов Илдар Әмир улы

Википедия — ирекле энциклопедия мәғлүмәте
Унда күсергә: төп йүнәлештәр, эҙләү
Илдар Абдразаҡов
Портрет
Исеме:

Абдразаҡов Илдар Әмир улы

Эшмәкәрлек төрө:

опера йырсыһы

Тыуған ваҡыты:

26 сентябрь 1976({{padleft:1976|4|0}}-{{padleft:9|2|0}}-{{padleft:26|2|0}}) (38 йәш)

Тыуған урыны:

Өфө

Гражданлығы:

Советтар Союзы СССРРәсәй Рәсәй

Награда һәм премиялары:
Башҡортостандың халыҡ артисы
Татарстандың халыҡ артисы

Абдразаҡов Илдар Әмир улы — йырсы (бас). Башҡортостандың атҡаҙанған (2000), халыҡ (2011), Татарстандың халыҡ (2013)[1] артисы.

1976 йылдың 26 сентәбрендә Өфө ҡалаһында тыуған. Әмир Абдразаҡовтың улы. Өфө дәүләт сәнғәт институтын тамамлаған (2000; М. Ғ. Мортазина класы). 1994 йылдан алып Башҡорт дәүләт опера һәм балет театрында, 2000 йылдан — Мариин театры (Санкт-Петербург) солисты. Бәрхәт тембрлы һәм киң диапазонлы, төрлө регистрҙарҙа тигеҙ яңғырашлы, матур, көслө тауышҡа эйә. Башҡарыу үҙенсәлеге сағыу артистизм, хислелек, бөтә тасуирлау сараларының теүәллеге менән айырыла.

Төп партиялары[үҙгәртергә | Cығанаҡ кодты үҙгәртергә]

Сураман («Салауат Юлаев»; дебют, БДОБТ, 1995), Сурин («Пики дамаһы» — «Пиковая дама», П. И. Чайковский), Дон Базилио («Севилья цирюльнигы» — «Севильский цирюльник», Дж. Россини), Фигаро («Фигароның туйы» — «Свадьба Фигаро», В. А. Моцарт), Руслан («Руслан һәм Людмила» — «Руслан и Людмила», М. И. Глинка), Оровезо («Норма», В. Беллини), Аттила (Дж. Вердиҙың ш. уҡ исемле операһы) һ. б. Россиниҙың «Наполеон III һәм уның ҡыйыу халҡына гимн» («Гимн Наполеону III и его доблестному народу») гимнын тәүге башҡарыусы («Ла Скала», Милан ҡ., Италия, 2000). Концерт репертуарында — Чайковский, С. В. Рахманиновтың вокаль әҫ., урыҫ һәм сит ил композиторҙары операларынан ариялар. «Ковент‑Гарден» (Лондон), «Метрополитен‑опера» театрҙарында һәм «Карнеги‑холл» залында (Нью-Йорк ҡ., АҠШ) һ.б. сығыш яһай. Рәсәй һәм сит илдәр (Англия, Аргентина, Испания, Франция, Япония һ. б.) буйлап гастролдәрҙә була.

Бүләктәре[үҙгәртергә | Cығанаҡ кодты үҙгәртергә]

М. И. Глинка ис. (Ярославль ҡ., 1997), Н. А. Римский‑Корсаков ис. (С.‑Петербург, 1998; Гран‑при) халыҡ‑ара конкурстар, Е. В. Образцова ис. йәш опера йырсылары конкурсы (С.‑Петербург, 1999; Гран‑при), «Верди тауыштары» («Вердиевские голоса») конкурсы (Буссето ҡ., Италия, 2000; Гран‑при), И. К. Архипованың «Мәскәүҙең оло бүләге» («Большой приз Москвы») Бөтә Рәсәй телевизион конкурсы (1997) лауреаты.

Иҫкәрмәләр[үҙгәртергә | Cығанаҡ кодты үҙгәртергә]

Һылтанмалар[үҙгәртергә | Cығанаҡ кодты үҙгәртергә]

Абдразаҡов Илдар Әмир улы // Башҡорт энциклопедияһы — Өфө: НИК «Башкирская энциклопедия», 2013. — ISBN 978-5-88185-143-9.