Баймаҡ (ҡала)

Ҡала Баймаҡ Баймаҡ Ил Рәсәй Төбәк Башҡортостан Муниципаль район Баймаҡ районы Координаталар 52°35′ т. к. 58°19′ кс. о.  Ҡала хакимиәте башлығы Замотаев, Константин Петрович Нигеҙ һалыныу 1913 Элекке исемдәре Баймаҡ-Таналыҡ ҡасабаһы Ҡала (башлап) 1938 Үҙәк бейеклеге 500 м Климат төрө континенталь Халыҡ 17069 кеше (2009) Милли состав башҡорттар (70 %), урыҫтар (23 %), татарҙар (5 %) Конфессия составы мосолмандар Этнохороним баймаҡтар Ваҡыт бүлкәте UTC+5, йәй UTC+6 Телефон коды +7 34751 Почта индексы 453630 Автомобиль коды 02, 102 ОКАТО коды 80404 Сайт http://www.baimak.ru/ (урыҫ.) Ҡала сайты Баймак.ru

Баймаҡ — Башҡортостанда республика әһәмиәтендәге ҡала, Баймаҡ районының административ үҙәге.

Ҡала Ирәндек армытында, Көньяҡ Урал тауы битендә, Европа һәм Азия сигендә урынлашҡан.

Тарихы

Таналыҡ—Баймаҡ ҡасабаһы 1748 йылда Каниниколь һәм Преображен баҡыр иретеү заводтарының мәғдән базаһы булараҡ барлыҡҡа килә. Башҡорт ихтилалдары баҫтырылғас, ҡасаба батша карателдәре тарафынан яндырыла, мәғдән табыу туҡтатыла. XIX быуат урталарында Таналыҡ йылғаһы буйлап бөртөклө алтын табылғас, капиталист Жуков алтын приискыларын аса. Был төбәккә урыҫ халҡының күпләп күсеп килеүе ошо ваҡиға менән бәйле. Горяев, Андреев, Кабановтар һәм ЮУГАО инглиз компанияһы прииск хужалары булалар.

Таналыҡ—Баймаҡ ҡасабаһы 1922 йылда Бөрйән—Таналыҡ волосының үҙәге була. 1917 йылдың 7 ноябрендә эшсе депутаттар советы һәм ревком һайлана, уның председателе итеп Леонид Азанов тәғәйенләнә.

1928 йылда Баймаҡ эшселәр ҡасабаһы тип үҙгәртелә, ә 1938 йылда район әһәмиәтендәге ҡала статусы бирелә. 1992 йылда ҡалаға республика әһәмиәтендәге ҡала статусы бирелә.

Башҡортостан Президентының 1994 йылдың мартындағы указы нигеҙендә ҡала һәм район дөйөм территориаль-административ берәмек булып иҫәпләнә.

Халҡы

Ҡала һәм райондың ҙур өлөшө — башҡорттар.

Демографик торғонлоҡ — ҡала һәм райондың мәсьәләһе булып тора. Был халыҡтың күрше район һәм ҡалаларға күсеп китеүе менән бәйле.

Йыл Халыҡ һаны (мең кеше) 1939 13,9 1959 11,3 1970 12,5 1989 16,0 2002 17,2 2008 16,9 2009 17,0

Сәнәғәт ойошмалары

1. Баймаҡ ҡойоу-механика заводы ААЙ
2. Башкомбикорм ААЙ
3. Башприцепром ААЙ
4. ПМК Баймаҡ яуаплылығы сикләнгән ойошмаһы

Белем биреү учреждениелары

1. 105-се һөнәри училище
2. Баймаҡ ауыл хужалығы техникумы
3. Өфө йылылыҡ-энергетика техникумының Баймаҡ филиалы

Һылтанмалар

• Сайт города Баймака
• Баймак в энциклопедии «Мой город»