Зырҡыуыт

Зырҡыуыт
Фәнни классификация
арауыҡтағы ранг Домен:  Эукариоттар Батшалыҡ:  Хайуандар Суб-батшалыҡ:  Эуметазойҙар Тип/Бүлек:  Ике яҡлы - симметриялы Суб-тип:  Икенсел ауыҙлылар (Вторичноротые) Тип:  Хордалылар Клада:  Баш һөйәклеләр Суб-тип:  Умыртҡалылар Инфратип:  Яңаҡ һөйәкле ауыҙлылар (Челюстноротые) Супер-класс:  Дүрт аяҡлылар Класс:  Ҡоштар Ярым класс:  Яңы аңҡаулылар Отряд:  Ржанка һымаҡтар Аҫ рәт:  Яр көйөлдөһө (Scolopaci) Ғаилә:  Һаралйындар Ырыу:  Һаралйындар Төр:  Зырҡыуыт
Халыҡ-ара фәнни исеме
Gallinago media (Latham, 1787)
Һаҡлау статусы
Хәүефле хәлгә яҡын IUCN 3.1 Near Threatened : 106002989
Викитөркөмдә Систематика Викиһаҡлағыста рәсемдәр ITIS   176704 NCBI   114734 EOL   1049586

Зырҡыуыт, зырҡыуат (урыҫ. Дупель, лат. Gallinago media)— һәр ике ярымшарҙа йәшәй һәм аулана торған күсмә көйөлдө ҡош.

Ҡылыҡһырлама

Сыйырсыҡтан ҙурыраҡ. Күберәк ерҙән йөрөүсе оҙон суҡышлы бик һаҡ ҡош. Түбәндән генә оса. Осҡанда ҡойроҡ ситендә аҡ һыҙыҡтар күренә. Дөйөм төҫө ерәнһыу көрән. Башынан ике киң ҡара һыҙыҡ үтә. һырты һәм кәүҙәһенең аҫ яғы арҡыры ҡара һыҙыҡтар менән ҡапланған. Суҡышының төбө йәшкелт, осо ҡара, аяҡтары һорғолт ҡыҙыл, һаралйындан сыбар ҡорһағы һәм бәләкәйерәк кәүҙәһе менән айырыла.

Тауышы

Осҡандағы тауышы: «үәт-уәт-үәт», яҙғыһын ата ҡоштар йылға сылтырауына оҡшаған тауыш сығаралар.

Йәшәү рәүеше

Еүеш болонда, аҡландарҙа йәшәй. Ямғыр селәүсене, йәш үлән, бөжәктәр менән туҡлана. Күсмә ҡош. Киң генә таралған. Ояһы ерҙә була. Ҡара-көрән таплы 4 бөртөк һарғылт һоро йомортҡа һала. Ите өсөн аулайҙар.

Әҙәбиәт

• Э.Ф. Ишбирҙин. Башҡортостан ҡоштары китабы. Өфө,1986 йыл. ИБ №3478 28.693.35 И 90
• Терминологический словарь по зоологии. Русско-башкирский и башкирско-русский (Т.Г.Баишев, 1952)