Мәләүез (ҡала)

Ҡала Мәләүез Герб Ил Рәсәй Төбәк Башҡортостан Муниципаль район Мәләүез Координаталар 52°57′ т. к. 55°56′ кс. о.  Башлыҡ Вахитов, Малик Шәкир улы Нигеҙ һалыныу XVIII быуаттың 70-се йылдары Ҡала (башлап) 1958 Рәсми тел Урыҫ теле, башҡорт теле Халыҡ 62 600 кеше (2005) Этнохороним мәләүезле, мәләүездәр Ваҡыт бүлкәте UTC+5, йәй UTC+6 Телефон коды +7 34764 Почта индексы 453850 Автомобиль коды 02 ОКАТО коды 80425

Мәләүез — Башҡортостан Республикаһы Мәләүез районының үҙәге, республика әһәмиәтендәге ҡала, Мәләүез йылғаһының Ағиҙелгә ҡойған ерендә урынлашҡан.

Тарихы

Ул XVIII быуаттың 70-се йылдарында Ырымбур трактында уңайлы сауҙа үҙәге булараҡ барлыҡҡа килгән, 1938 йылдан алып — эшселәр ҡасабаһы, 1958 йылдан — ҡала.

Никах һарайы

Иҡтисад

Мәләүез — республиканың мөһим транспорт үҙәге, бында Өфө—Ырымбур автомобиль һәм тимер юлы, район-ара автомобиль юлдары үтә. Бында химия, аҙыҡ-түлек, еңел сәнәғәт һ.б. тармаҡтар үҫешкән.

Ҡалалағы төп предприятиелар:

• Мәләүез минераль ашламалар производство берекмәһе
• Шәкәр заводы
• Һөт консервалау
• Ит комбинаттары
• Спорт аяҡ кейемдәре эксперименталь комбинаты
• Ағас эшкәртеү предприятиеһы
• Кирбес заводы
• Тимер-бетон конструкциялар заводтары
• Элеватор

Мәғариф һәм мәҙәниәт

Мәләүездә тиҫтәнән ашыу дөйөм белем биреү мәктәптәре, музыка, художество һәм үҫмерҙәр спорт мәктәбе, механика-технология техникумы, профессиональ училищелар бар.

Бында тыуған яҡты өйрәнеү музейы, китапханалар, клубтар, дауаханалар эшләй.

Ҡала халҡы тиҫтәләгән спорт комплекстарына ла ихлас йөрөй. Ат спорты буйынса «Толпар» һәм «Уҡсылар» спорт комплекстары йәштәрҙе лә, өлкәндәрҙе лә йәлеп итә. Мәләүездең үҙәк урамында, Мәләүез йылғаһы ярында урынлашҡан район һәм ҡала мәҙәниәт һарайы социаль әһәмиәте, үҙенсәлекле архитектураһы, зауыҡ менән биҙәлеше йәһәтенән башҡаларҙан айырылып тора. Район һәм ҡаланың никах теркәү йорто ла ошонда урынлашҡан.