Суфиянова Сафура Рафиҡ ҡыҙы

Суфиянова Сафура Рафиҡ ҡыҙы
Тыуған көнө	1 июль 1930({{padleft:1930|4|0}}-{{padleft:7|2|0}}-{{padleft:1|2|0}})
Тыуған урыны	Башҡорт АССР-ы Бәләбәй кантоны, Иҫке Аҡҡолай ауылы
Вафат булған көнө	19 октябрь 2001({{padleft:2001|4|0}}-{{padleft:10|2|0}}-{{padleft:19|2|0}}) (71 йәш)
Вафат булған урыны	Әлшәй районы
Гражданлығы	СССР → Рәсәй Федерацияһы
Наградалары һәм премиялары

Суфиянова Сафура Рафиҡ ҡыҙы (1 июль 1930 йыл — 19 октябрь 2001 йыл) — малсылыҡ алдынғыһы. 1959—1989 йылдарҙа Әлшәй районының «Заветы Ленина» колхозы һауынсыһы. КПСС-тың XXV съезы делегаты. Социалистик Хеҙмәт Геройы (1971). Башҡорт АССР-ының иң яҡшы һауынсыһы (1963).

Биографияһы

• Сафура Рафиҡ ҡыҙы Суфиянова 1930 йылдың 1 июлендә БАССР-ҙың Бәләбәй кантоны Иҫке Аҡҡолай ауылында тыуған.
• 1944—1959 йылдарҙа «Заветы Ленина» колхозының быҙау ҡараусы.
• 1959—1989 йылдарҙа шул уҡ хужалыҡта, хаҡлы ялға сыҡҡас та 5 йыл, һауынсы булып эшләй.
• 2001 йылдың 19 октябрендә тыуған ауылында вафат була.

Хеҙмәт юлы

Сафура Суфиянова ярлы крәҫтиән ғаиләһендә үҫә. Бала сағы Бөйөк Ватан һуғышы йылдарына тура килә. 5-се класты тамамлау менән, 12 йәштән «Заветы Ленина» колхозы һөтсөлөк фермаһына эшкә бара. Тәүҙә быҙауҙар ҡарай, 1959 йылдан — һауынсы булып эшләй. Һыйырҙар ул ваҡытта ҡул менән һауыла, механизация 1969 йылдан ғына индерелә.

С. Р. Суфиянова һауымды тәүҙә һәр һыйырҙан 3 000 кг-ға еткерә. Унан был күрһәткес 4 000, 5 000 кг-ға етә. Алдынғы һауынсы районда социалистик ярышта еңеп сыға, КПСС-тың XXV съезына делегат итеп ебәрелә, район Советы депутаты итеп һайлана. Эш тәжрибәһен башҡалар менән ихлас уртаҡлаша, һайлаусылар наказдарын тырышып үтәй. Ауыл хужалығын үҫтереүгә индергән тос өлөшө өсөн уға «Социалистик Хеҙмәт Геройы» (1971) исеме бирелә, Ленин ордены, Хеҙмәт Ҡыҙыл Байраҡ ордены, Почёт грамоталары менән бүләкләнә.

Маҡтаулы исемдәре һәм башҡа бүләктәре

• Социалистик Хеҙмәт Геройы (1971);
• БАССР-ҙың иң яҡшы һауынсыһы (1963);
• Ленин ордены (1971);
• Хеҙмәт Ҡыҙыл Байраҡ ордены (1976).

Хәтер

• Иҫке Аҡҡолай ауылында Герой йәшәгән йортҡа иҫтәлекле таҡтаташ ҡуйылған.

Сығанаҡтар

• Суфиянова Сафура Рафиҡ ҡыҙы  (билдәһеҙ). «Герои страны» сайты.
• Суфиянова Сафура Рафиҡ ҡыҙы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.