Юлдашев Марс Тимербулат улы

Википедия — ирекле энциклопедия мәғлүмәте
Юлдашев Марс Тимербулат улы
Тыуған көнө

14 апрель 1937({{padleft:1937|4|0}}-{{padleft:4|2|0}}-{{padleft:14|2|0}}) (86 йәш)

Тыуған урыны

Башҡорт АССР-ы Миәкә районы[1] Аҙнай ауылы

Ил

Совет Социалистик Республикалар Союзы СССР
Рәсәй Федерацияһы Рәсәй Федерацияһы

Ғилми даирәһе

хирургия

Эшләгән урыны

Башҡорт дәүләт медицина университеты

Альма-матер

Башҡортостан дәүләт медицина институты (1962)

Ғилми дәрәжәһе

медицина фәндәре докторы (1990)

Ғилми исеме

профессор

Награда һәм премиялары

Рәсәйҙең атҡаҙанған табибы

Юлдашев Марс Тимербулат улы (14 апрель 1937 йыл) — ғалим-хирург, юғары мәктәп уҡытыусыһы, йәмәғәт эшмәкәре. Медицина фәндәре докторы (1990), профессор (1991). Бөтә донъя башҡорттары ҡоролтайының башҡарма комитет ағзаһы һәм ҡоролтайҙың комиссия рәйесе. Башҡортостан Республикаһының атҡаҙанған фән эшмәкәре, Рәсәй Федерацияһының (2003) һәм Башҡортостандың (1992) атҡаҙанған табибы.

Биографияһы[үҙгәртергә | сығанаҡты үҙгәртеү]

Марс Тимербулат улы Юлдашев 1937 йылдың 14 апрелендә Башҡорт АССР-ының Миәкә районы[2] Аҙнай ауылында уҡытыусы ғаиләһендә тыуған.

Урта белем алғас, Башҡортостан дәүләт медицина институтына уҡырға инә. Уҡыуын тамамлағас, йәш хирургты Саха АССР-ына (хәҙер Яҡут-Саха республикаһы) эшкә ебәрәләр. Башҡортостанға ҡайтып аспирантураға уҡырға инә.

1972 йылдан алып Марс Юлдашев Башҡортостан медицина институтында балалар хирургияһы кафедраһында ассистент, доцент, профессор вазифаһын башҡара. 1 уйлап табыуға таныҡлыҡ, 10 патент, 270 фәнни эш авторы.

Ғалим төп хеҙмәтенән тыш күп йылдар йәмәғәт эшмәкәрлеге менән мәшғүл. Ул Бөтә донъя башҡорттары ҡоролтайы эшендә әүҙем ҡатнаша, республика матбуғатында көнүҙәк мәҡәләләр менән сығыш яһай. Марс Юлдашев шулай уҡ оҫта һәүәҫкәр йырсы булараҡ та киң танылыу алған, күп бәйге һәм конкурстар лауреаты. Ул бигерәк тә башҡорт халыҡ йырҙарын үҙенсәлекле итеп башҡара.

Маҡтаулы исемдәре һәм башҡа бүләктәре[үҙгәртергә | сығанаҡты үҙгәртеү]

  • Башҡортостандың атҡаҙанған врачы (1992)
  • Рәсәйҙең атҡаҙанған врачы (2003).

Йәмәғәт эшмәкәрлеге[үҙгәртергә | сығанаҡты үҙгәртеү]

Профессор Марс Юлдашев Башҡорт ҡатын-ҡыҙҙары йәмғиәте ағзалары менән

Марс Тимербулат улы Юлдашев йәмәғәт эштәрендә лә әүҙем ҡатнаша: I, II һәм III Ҡоролтайҙарға делегат итеп һайлана. Бөтә донъя башҡорттары ҡоролтайының Башҡарма комитеты советы ағзаһы, Әлеге ваҡытта Ҡоролтайҙың экология, һаулыҡ һаҡлау, ғаилә, әсәлек һәм балалыҡ комиссияһы рәйесе[3] .

Иҫкәрмәләр[үҙгәртергә | сығанаҡты үҙгәртеү]

Һылтанмалар[үҙгәртергә | сығанаҡты үҙгәртеү]

Сығанаҡтар[үҙгәртергә | сығанаҡты үҙгәртеү]

— Подробнее на RB7.ru: https://rb7.ru/news/ufa-and-rb/society/61336