Әхмәров Ҡасим Закир улы

	Әхмәров Ҡасим Закир улы
Тыуған көнө	7 ноябрь 1900
Тыуған урыны	Өфө губернаһы Бөрө өйәҙе Борай ауылы
Вафат көнө	11 февраль 1969 (68 йәш)
Вафат урыны	Өфө
Ил	Рәсәй империяһы → СССР
Ғилми даирәһе	тел белеме
Альма-матер	Рәсүлиә мәҙрәсәһе
Ғилми дәрәжәһе	филология фәндәре докторы
Ғилми исеме	профессор
	Шаблон: просмотр • обсуждение • править

Википедияла Әхмәров фамилиялы башҡа кешеләр тураһында мәҡәләләр бар.

Әхмәров Ҡасим Закир улы (7 ноябрь 1900 йыл — 11 февраль 1969 йыл) — башҡорт тел белгесе, филология фәндәре докторы (1963), профессор (1965).

Биографияһы[үҙгәртергә | сығанаҡты үҙгәртеү]

Ҡасим Закир улы Әхмәров 1900 йылдың 7 ноябрендә Өфө губернаһы Бөрө өйәҙе^[1] Борай ауылында тыуған.

1919 йылда «Рәсүлиә» мәҙрәсәһен тамамлай.

1928 йылда Башҡортостанды өйрәнеү йәмғиәтендә эшләй башлай.

1938—1969 йылдарҙа Тарих, тел һәм әҙәбиәт институтының ғилми хеҙмәткәре, тел бүлеге мөдире булып эшләй.

Ғилми эшмәкәрлеге[үҙгәртергә | сығанаҡты үҙгәртеү]

Ҡасим Әхмәровтың башҡорт тел ғилеме өлкәһендәге эшмәкәрлеге Башҡортостанды өйрәнеү йәмғиәтендә эшләгән сағында башлана. Уның ғилми хеҙмәттәре башҡорт яҙмаһын һәм орфографияһын, хәҙерге башҡорт теленең синтаксисын өйрәнеүгә арналған.

Ҡ. З. Әхмәров — русса-башҡортса (1948), башҡортса-русса (1958) һүҙлектәрҙе, башҡорт теленең орфографик һүҙлеген (1942) төҙөүселәрҙең береһе. 100-ҙән ашыу ғилми хеҙмәт, уҡытыу-методика эштәре, шулай уҡ башҡорт теленән урта мәктәптәр, педагогия училищелары өсөн дәреслектәр авторы.

Хеҙмәттәре[үҙгәртергә | сығанаҡты үҙгәртеү]

Башҡорт телендә ябай һөйләм синтаксисы. — Өфө, 1957.
Башҡорт телендә теҙмә ҡушма һөйләм синтаксисы. — Өфө, 1960.
Башҡорт яҙыуы тарихынан: Башҡорт әҙәби теленең алфавиты һәм орфографияһы тарихы. — Өфө, 1972.