«Тыныс атом» һәйкәле (Волгодонск)

Википедия — ирекле энциклопедия мәғлүмәте
Унда күсергә: төп йүнәлештәр, эҙләү
Һәйкәл
Тыныс атом
Мирный атом.jpg
Ил Рәсәй
Ҡала Волгодонск
Скульптор Ю. В. Александров
Материал тутламаған ҡорос, латунь

«Тыныс атом» һәйкәле — Волгодонскта ҡуйылған монумент ҡалала атом машиналары эшләү һәм энергетика үҫешен символлаштыра. Волгодонсктың төп символдарының береһе булып тора. Скульптор Юрий Владимирович Александровтың эше тәүҙә 1981 йылда Цимлянскта «Волгодонск» аэропорты алдындағы майҙанда урынлаштырыла[1]. Әммә бер нисә айҙан һуң уны Ростов өлкәһе башҡарма комитеты рәйесе М. И. Иваницкий ҡалаға килгәндә монументтың вокзал алды майҙаны һәм аэровокзал бинаһы менән сағыштырғанда бик ҙур булып күренеүе һөҙөмтәһендә күсерергә тура килә. Яңы урынды Курчатов һәм Төҙөүселәр проспекттары киҫелешендә билдәләйҙәр һәм ул бөгөн дә шул урында тора.

Һүрәтләнеше[үҙгәртергә | вики-тексты үҙгәртергә]

Конструкцияның нигеҙен виноград ботағы менән үрелгән стилләштерелгән атом электроны орбитаһы тәшкил итә. Монументтағы виноград тәлгәштәре шарап эшләү традициялары менән билдәле булған Цимлянский менән бәйләнеште символлаштыра. Ҡала үҙенең виноградтары һәм унан эшләнгән, күргәҙмәләрҙә күп тапҡырҙар бүләктәр алған шараптары менән дан тота. Һәйкәл постаменты ҡабырғалары ауыш диуарҙан ғибәрәт. Тәүҙәге проект буйынса, постамент формаһы навигация башняһы һәм аэровокзал бинаһының ауыш диуарҙары менән ауаздаш була. Александров тәҡдим иткән архитектура композицияһы эскизы Волгодонскты монументаль-художестволы биҙәү концепцияһын әҙерләү буйынса ижади төркөм тарафынан оҙаҡҡа һуҙмайынса раҫлана. Монументтың каркасы, тутламаған ҡорос һәм латунь деталдәре «Атоммаш» заводында эшләнә[2].

Иҫкәрмәләр[үҙгәртергә | вики-тексты үҙгәртергә]

  1. Памятник «Мирный атом»  (урыҫ.). Rutraveller. 15 ғинуар 2017 тикшерелгән.(урыҫ.). Rutraveller. 15 ғинуар 2017 тикшерелгән.
  2. Почему «Мирный атом» переехал из Цимлянска в Волгодонск  (урыҫ.). Блокнот. 15 ғинуар 2017 тикшерелгән.