Андреев Кирилл Дементьевич

Википедия — ирекле энциклопедия мәғлүмәте
Перейти к навигации Перейти к поиску
Андреев Кирилл Дементьевич
Заты ир-ат
Гражданлығы Flag of the Soviet Union.svg СССР
Принадлежность СССР
Тыуған көнө 7 июль 1901({{padleft:1901|4|0}}-{{padleft:7|2|0}}-{{padleft:7|2|0}})
Тыуған урыны Рәсәй империяһы, Өфө губернаһы, Бәләбәй өйәҙе
Рәсәй, Бишбүләк районы, Баҙлык
Вафат булыу көнө 2 ғинуар 1972({{padleft:1972|4|0}}-{{padleft:1|2|0}}-{{padleft:2|2|0}}) (70 йәш)
Вафат булған урыны СССР, РСФСР, Башҡорт АССР-ы, Бишбүләк ауылы
Һөнәр төрө комиссар
Биләгән вазифаһы мәктәп директоры[d]
Бүләктәре һәм маҡтаулы исемдәре
Ленин ордены Советтар Союзы Геройы медаль «За отвагу»
Сәйәси фирҡә ағзаһы Советтар Союзы Коммунистар партияһы[d]
Хәрби звание Өлкән сержант һәм Лейтенант
Һуғыш/алыш Рәсәйҙә Граждандар һуғышы һәм Бөйөк Ватан һуғышы

Андреев Кирилл Дементьевич (7 июль 1901 йыл — 2 ғинуар 1972 йыл) — граждандар һуғышында ҡатнашыусы һәм Бөйөк Ватан һуғышы яугиры, уҡсылар дивизияһының батальон парторгы, лейтенант. 1941 йылдан ВКП(б)/КПСС ағзаһы. Советтар Союзы Геройы (1943).

Биографияһы[үҙгәртергә | вики-тексты үҙгәртергә]

Кирилл Дементьевич Андреев 1901 йылдың 7 июлендә Өфө губернаһы Бәләбәй өйәҙе Баҙлыҡ‑Васильевка (хәҙер Башҡортостан Республикаһының Бишбүләк районы Баҙлыҡ) ауылында тыуған.

Йәш крәҫтиән Октябрь революцияһы идеялары менән илһамлана һәм граждандар һуғышы фронттарында боронғо режим һаҡсылары менән һуғыша. Әммә ВКП(б) сафына тик Бөйөк Ватан һуғышында, 1941 йылда ғына инә. Граждандар һуғышынан һуң Миәкә районының «Ҡанаш» ауыл хужалығы артеле рәйесе булып эшләй, Бәләбәй педагогия училищеһын тамамлай. 1928 йылдан 1941 йылға тиклем иң тыныс һәм изге хеҙмәт менән шөғөлләнә: уҡытыусы булып эшләй, Миәкә һәм Бишбүләк райондарының бер нисә башланғыс мәктәбенең директоры була.

1941 йылдың авгусында Ҡыҙыл Армия сафына алына. Сәйәси хеҙмәткәрҙәр курсын тамамлап, шул уҡ йылдың сентябрендә хәрәкәт итеүсе армия сафында була. Өлкән сержант, артабан лейтенант Кирилл Андреев Воронеж фронты 38-се армияның 163-сө уҡсылар дивизияһы 1318-се уҡсылар полкы батальоны парторгы була.

Ленин ордены менән «Алтын Йондоҙ» миҙалы тапшырылып, Андреев Кирилл Дементьевичкә 1943 йылдың 29 октябрендә «Советтар Союзы Геройы» исеме бирелә[1].

Уҡытыусы-герой, лейтенант Кирилл Андреев Бөйөк Ватан һуғышында яраланып, 1945 йылдың башында фронттан ҡайтарыла. Тыуған иленә ҡайтҡас, Бишбүләк район Советы рәйесе урынбаҫары булып эшләй, һаҡлыҡ кассаһы мөдире вазифаһын башҡара.

1972 йылдың 2 ғинуарында Андреев Кирилл Дементьевич вафат була. Бишбүләк ауылында ерләнгән.

Батырлығы[үҙгәртергә | вики-тексты үҙгәртергә]

1943 йылдың 3 октябрендә өлкән сержант Андреев бер төркөм һалдат менән Киевтан көньяҡтараҡ Днепр аша сыға. Хәрби подразделениелә урынлашып, ул үҙ һалдаттары менән бейеклеккә үтеп сыға, яҡшы итеп окоп ҡаҙып урынлаша, көслө мылтыҡ-пулемет уты асып, дошман оборонаһын көсһөҙләндерә. Шуның арҡаһында уҡсылар ротаһы урман ситенә яҡынайырға һәм шунда нығынырға мөмкинлек ала.

Немецтар беҙҙең подразделениены плацдармддан алып ташлау маҡсаты менән һөжүм иткәс, Андреев беренсе булып ҡаршы атакаға күтәрелә, фашистарға гранаталар яуҙыра, үҙенең шәхси өлгөһө менән батальон составын рухландыра.

Маҡтаулы исемдәре һәм башҡа бүләктәре[үҙгәртергә | вики-тексты үҙгәртергә]

  • Советтар Союзы Геройы (1943)
  • «Алтын Йондоҙ» миҙалы (29.10.1943)[1]
  • Ленин ордены (29.10.1943)
  • «Батырлыҡ өсөн» миҙалы (17.08.1943)[2]

Хәтер[үҙгәртергә | вики-тексты үҙгәртергә]

  • Бишбүләктә Кирилл Дементьевич Андреев йәшәгән йортҡа мемориаль таҡтаташ ҡуйылған.
  • Бәләбәй педагогия колледжы бинаһында (Бәләбәй ҡалаһы, Пролетар урамы, 41) колледжды тамамлаусы Геройҙар К. Д. Андреев, П. Е. Васильев, В. Ф. Тарасенко һәм А. П. Кузнецовҡа мемориаль таҡтаташ ҡуйылған.

Таҡтаташтағы яҙыу:

«Бында Советтар Союзы Геройҙары Андреев К. Д., Васильев П. Е., Тарасенко В. Ф. һәм Дан орденының тулы кавалеры Кузнецов А. П уҡыны.»

— belebey.bashkortostan.ru/about/places/325996

Иҫкәрмәләр[үҙгәртергә | вики-тексты үҙгәртергә]

  1. 1,0 1,1 Наградные документы «Халыҡ батырлығы» мәғлүмәт электрон базаһында (архив материалдары: ЦАМО, ф. 33, оп. 793756/682525, д. 2/59, л. 17, 206, 207)
  2. Приказ о награждении «Халыҡ батырлығы» мәғлүмәт электрон базаһында (архив материалдары: ЦАМО, ф. 33, оп. 686044, д. 473, л. 2)

Әҙәбиәт[үҙгәртергә | вики-тексты үҙгәртергә]

  • Ерошин А. Память солдатского сердца //Славные сыны Башкирии. Кн.2. Уфа, 1966.

Һылтанмалар[үҙгәртергә | вики-тексты үҙгәртергә]