Баймырҙин Ғаяз Исламетдин улы

Баймырҙин Ғаяз Исламетдин улы
Тыуған ваҡыты	1 ғинуар 1913({{padleft:1913|4|0}}-{{padleft:1|2|0}}-{{padleft:1|2|0}})
Тыуған урыны	Ырымбур губернаһы Силәбе өйәҙе Ғәлекәй ауылы
Үлгән ваҡыты	7 май 1948({{padleft:1948|4|0}}-{{padleft:5|2|0}}-{{padleft:7|2|0}}) (35 йәш)
Вафат урыны	Украина
Хеҙмәт иткән урыны	СССР
Хеҙмәт итеү йылдары	1936—1948
Хәрби звание	Майор
Хәрби алыш/һуғыш	Бөйөк Ватан һуғышы
Наградалар һәм премиялар

Баймырҙин Ғаяз Исламетдин улы (1 ғинуар 1913 йыл — 7 май 1948 йыл) — хәрби осоусы, гвардия майоры (1943), Советтар Союзы Геройы (1944), Бөйөк Ватан һуғышында ҡатнашыусы.

Биографияһы

Ғаяз Исламетдин улы Баймырҙин 1913 йылдың 1 ғинуарында Ырымбур губернаһы Силәбе өйәҙе (хәҙерге Силәбе өлкәһе Арғаяш районы) Ғәлекәй ауылында тыуған.

1936 йылдан алып Ҡыҙыл Армияла.

1942 йылдың июненән алып алыҫ араға осоусы авиацияла хеҙмәт итә.

1944 йылдың октябрендә 4-се гвардия корпусы 4-се гвардия авиация дивизияһы 13-сө гвардия авиация полкының эскадрилья командиры урынбаҫары булараҡ, Ғаяз Баймырҙин 220 хәрби осошта дошмандың хәрби-сәнәғәт объекттарын уңышлы бомбаға тотҡаны һәм партизан отрядтарына йөк ташығанда тырышлығы һәм батырлығы өсөн «Советтар Союзы Геройы» исеменә лайыҡ була.

1948 йылдың 7 майында Украинала авиаһәләкәттә һәләк була һәм Умань ҡалаһы янында ерләнә.

Наградалары

• Советтар Союзы Геройы (05.11.1944);
• Ленин ордены (05.11.1944);
• Ҡыҙыл Байраҡ ордены (19.11.1943);
• 1-се дәрәжә Ватан һуғышы ордены (14.04.1944);
• Ҡыҙыл Йондоҙ ордены (12.03.1943).

Хәтер

• Силәбе өлкәһе Арғаяш районы Арғаяш ауылының 2-се урта мәктәбе Ғаяз Баймырҙин исемен йөрөтә, мәктәп бинаһына иҫтәлекле таҡтаташ ҡуйылған;
• Силәбе өлкәһе Ҡоншаҡ районы Ҡоншаҡ ауылы урта мәктәбе янында Ғаяз Баймырҙинға һәйкәл ҡуйылған;
• Ҡоншаҡ ауылындағы урамдарҙың береһенә Ғаяз Баймырҙин исеме бирелгән;
• Ғаяз Баймырҙин уҡыған Белорет металлургия техникумы музейында уға стенд асылған.

Сығанаҡтар

Баймырҙин Ғаяз Исламетдин улы (билдәһеҙ). «Герои страны» сайты.

• Баймырҙин Ғаяз Исламетдин улы // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9.

Әҙәбиәт

• Коваль Ю. Взлёт // Славные сыны Башкирии. Кн. 4. — Уфа, 1979.