Башҡорттарым, уҡыу кәрәк, уҡыу кәрәк

Википедия — ирекле энциклопедия мәғлүмәте
Перейти к навигации Перейти к поиску
Башҡорттарым, уҡыу кәрәк, уҡыу кәрәк

Башҡорттарым, уҡыу кәрәк, уҡыу кәрәк! йәки Минең башҡорттар! — башҡорт яҙыусыһы , Мифтахетдин Аҡмулла әҫәре. Прогресҡа, йәмғиәт үҫешенә юлды шағир мәғрифәтселектә, белемгә эйә булыуҙа, практик тормошта кәрәк булған эштәргә өйрәнеүҙә күрә[1].

Тарихы[үҙгәртергә | вики-тексты үҙгәртергә]

XX быуат башында әҙәби гимн йыры, шиғри мөрәжәғәт йәки шиғри хат[2] һымаҡ яҙма татар телендә Ғәрәп яҙмаһы нигеҙендә яҙылған. Беренсе тапҡыр 1931 йылда баҫыла. Башҡорт мәғрифәтсеһе Закир Шакиров уның авторы Аҡмулла тип иҫәпләй.[3]

Далала, башҡорттар һәм ҡаҙаҡтар араһында ил гиҙеп, балалар уҡытып йөрөгәндә яҙылған.

Шағир, Салауат Юлаевтан ҡала беренсе тапҡыр, халыҡҡа «Минең башҡорттарым!» тип мөрәжәғәт итә[4]. 1990-сы һәм 2000-се йылдарҙа шиғыр әүҙем рәүештә популярлаша һәм шағирҙың портреты менән бергә башҡорт гимназияларына ингән ерҙә урынлаштырыла.

Башҡорттарым, уҡыу кәрәк!

Башҡорттарым, уҡыу кәрәк, уҡыу кәрәк!

Арабыҙҙа наҙандар күп, уҡыу һирәк.

Аңғыра айыуҙан Уралдағы ҡурҡҡандай,

Эй, туғандар, наҙанлыҡтан ҡурҡыу кәрәк!

Илтифат ит: уҡыуҙалыр шәрафәттәр,

Яһиллектән килә ятыр ҙур афәттәр.

Уҡығандар күктә осор, һыуҙа йөҙөр,

Юҡтыр унда әүлиәлек, кәрамәттәр.

Уҡығанға был донъяла жәләл булыр,

Харам тигән күп шәйҙәр хәләл булыр.

Ырыҫ, дәүләт шишмәһен асам тиһәң,

Ғилем-һөнәр берҙән-бер әмәл булыр.

Алтыға берҙе ҡушып, һан ун булмай,

Сәғәтте алға бороп, төн көн булмай.

Белемлелек — арыҫландан көслө батыр,

Шуға атланмай, һинең төшөң һис өн булмай.

Иҫкәрмәләр[үҙгәртергә | вики-тексты үҙгәртергә]

  1. http://www.lib.csu.ru/vch/094/101.pdf
  2. [ http://kitap.net.ru/kunafin.php#akk ]
  3. Л. З. Шакирова. Диалектологические экспедиции З. Ш. Шакирова. Опубликовано в сборнике: Актуальные проблемы диалектологии народов России
  4. Татарская электронная библиотека: Мифтахетдин Акмулла 2019 йылдың 14 май көнөндә архивланған.

Һылтанмалар[үҙгәртергә | вики-тексты үҙгәртергә]