Баязитова Әминә Тимерҡаҙыҡ ҡыҙы

Википедия — ирекле энциклопедия мәғлүмәте
Перейти к навигации Перейти к поиску
Баязитова Әминә Тимерҡаҙыҡ ҡыҙы
Эшмәкәрлек төрө:

уҡытыусы

Тыуған көнө:

17 декабрь 1946({{padleft:1946|4|0}}-{{padleft:12|2|0}}-{{padleft:17|2|0}}) (72 йәш)

Тыуған урыны:

Башҡорт АССР-ы Бөрйән районы Ғәлиәкбәр ауылы

Гражданлығы:

Совет Социалистик Республикалар Союзы СССРРәсәй Рәсәй

Награда һәм премиялары:

Рәсәйҙең мәғариф отличнигы, Рәсәйҙең почетлы мәғариф хеҙмәткәре, Уҡытыусы - методист

Баязитова Әминә Тимерҡаҙыҡ ҡыҙы (17.12.1946, Башҡорт АССР-ы Бөрйән районы Ғәлиәкбәр ауылы) — Рәсәйҙең мәғариф отличнигы, Рәсәйҙең почетлы мәғариф хеҙмәткәре, Уҡытыусы — методист, юғары категориялы уҡытыусы, хеҙмәт ветераны.

Биографияһы[үҙгәртергә | вики-тексты үҙгәртергә]

Баязитова Әминә Тимерҡаҙыҡ ҡыҙы 1946 йылдың 17 декабрендә Ғәлиәкбәр ауылында һәҙиә һәм Тимерҡаҙыҡ Кулбаевтар ғаиләһендә 6-сы бала булып донъяға килгән. Тыуған ауылында һигеҙенсе класты тамамлағас, 1962 йылда Салауат педучилищеһына уҡырға инә. 1966 йылда училещены уңышлы тамамлап, тыуған мәктәбенә башланғыс кластар уҡытыусыһы булып эшкә ҡайта.

1967 йылда Баязитов Роберт Ишдәүләт улы (буласаҡ РСФСР-ҙың халыҡ мәғарифы отличнигы, Башҡорт АССР-ы мәктәбенең атҡаҙанған уҡытыусыһы, Рәсәй Федерацияһының атҡаҙанған уҡытыусыһы) менән тормош юлын бәйләп, 1968 йылдан Иҫке Собханғолда "Пионерҙар йорто"ның директоры булып эшләй башлай.

1971 йылда Иҫке Собханғол балалар баҡсаһына эшкә күсә.

1974 йылда Роберт Ишдәүләт улын Байназар мәктәбенә директор итеп тәғәйенләйҙәр. Күсеп килгәндән алып Байназар мәктәбендә башланғыс синыф уҡытыусыһы булып Әминә Тимерҡаҙыҡ ҡыҙы 34 йыл буйы уңышлы хеҙмәт итә.

1981 йылда ситтән тороп Магнитогорск дәүләт педагогик институтының «Башланғыста уҡытыу педагогикаһы һәм методикаһы» бүлеген тамамлай.

Уҡытыу-тәрбиә эшендә гел юғары күрһәткестәргә өлгәшә. Шуға ла, Байназар урта мәктәбенә ҡараған башланғыс мәктәп уҡытыусылары методик берекмәһенә етәксе итеп тәғәйенләйҙәр. 30 йыл дауамында төп эше менән бергә ошо вазифаны ла оло яуаплылыҡ менән алып бара.

Дөйөм педагогик стажы — 42 йыл.

Баязитова Әминә Тимерҡаҙыҡ ҡыҙының фиҙакәр хеҙмәте юғары баһа ала. Уҡытыусы — методист, РСФСР-ҙың мәғариф алдынғыһы, РСФСР халыҡ мәғарифенең маҡтаулы эшмәкәре тигән исемдәргә лайыҡ була.

Шулай уҡ биш бала тәрбиәләп үҫтергән өсөн «Әсәлек даны» миҙалы менән наградлана.

Маҡтаулы исемдәре һәм бүләктәре[үҙгәртергә | вики-тексты үҙгәртергә]

  • Рәсәйҙең мәғариф отличнигы;
  • Юғары категориялы уҡытыусы;
  • Уҡытыусы — методист
  • Рәсәйҙең почетлы мәғариф хеҙмәткәре;
  • 1987 йылда 5 бала әсәһе Әминә Тимерҡаҙыҡ ҡыҙына «Әсәлек миҙалы» бирелә.

Һылтанмалар[үҙгәртергә | вики-тексты үҙгәртергә]