Белоусов Иван Емельянович
| Белоусов Иван Емельянович | ||||
| Файл:Белоусов Иван Емельянович.jpg | ||||
| Тыуған көнө | ||||
|---|---|---|---|---|
| Тыуған урыны | ||||
| Вафат булған көнө | ||||
| Вафат булған урыны | ||||
| Гражданлығы | ||||
| Наградалары һәм премиялары |
| |||
Белоусов Иван Емельянович (2 ғинуар 1933 йыл — 24 апрель 2000 йыл) — СССР һәм Рәсәй партия эшмәкәре, журналист һәм яҙыусы.
СССР Яҙыусылар союзының ағзаһы (1967).
Биографияһы[үҙгәртергә | сығанаҡты үҙгәртеү]
1933 йылдың 2 ғинуарында Курск өлкәһенең Түбәнге Бабино ауылында крәҫтиән ғаиләһендә тыуған.
Бөйөк Ватан һуғышы йылдарында немецтар баҫып алған биләмәлә була. 1945 йылда атаһы фронттан әйләнеп ҡайта, 1950 йылда ул ғаиләһенә Сахалинға күсергә тәҡдим итә[1]. Бында Иван хеҙмәт эшмәкәрлеген Анивский урман сәнәғәте хужалығының «Высокое» ағас әҙерләү участкаһында һуғыусы булып башлай. 1951 йылда Сахалин диңгеҙ училищеһына уҡырға инә. Мәктәпте тамамлағандан һуң, 1957 йылда райондың «Йәш гвардия» гәзитенә саҡырыла, унда әҙәби хеҙмәткәр, бүлек начальнигы, яуаплы секретарь, мөхәррир урынбаҫары һәм мөхәррир булып эшләй[2].
1962 йылда Сахалин китап нәшриәтенә нәфис һәм балалар әҙәбиәте мөхәррире итеп ебәрелә. 1964 йылдың мартында КПСС-тың Сахалин өлкә комитеты аппаратына партия эшенә күсә, унда инструктор, матбуғат, радио һәм телевидение секторы мөдире, партияның өлкә комитеты беренсе секретары ярҙамсыһы булып эшләй. Үҙәк комсомол мәктәбен (хәҙер Мәскәү гуманитар университеты), һуңынан Көньяҡ Сахалин дәүләт педагогия институтының (хәҙерге Сахалин дәүләт университеты) филология факультетын ситтән тороп тамамлай[2]. Бер үк ваҡытта өлкә әҙәбиәт берекмәһенә етәкселек итә, РСФСР Яҙыусылар союзының беренсе Ойоштороу съезында ҡатнаша.
1967 йылда Сахалин яҙыусылар ойошмаһы ойошторола, уға Иван Белоусов яуаплы секретарь итеп тәғәйенләнә һәм егерме йыл буйына етәкселек итә[1]. 1988 йылда Ставрополгә күсеп килә, унда ижади эшмәкәрлеген дауам итә һәм 1991—1996 йылдарҙа Рәсәй Яҙыусылар союзының Ставрополь край бүлексәһе рәйесе була.
Яҙыусы эшмәкәрлеге осоронда И. Е. Белоусов байтаҡ китаптар һәм шиғри йыйынтыҡтар яҙа, улар иҫәбендә: «Ҡайын ҡоймаһы» (1968), «Рәсәй күге» (1969), «Сахалин туйҙары» (1972), «Офоҡтағы утрауҙар» (1973), «Батырлыҡ» (1975), «Магистраль» (1977), «Алыҫ причалдар» (1979). Ставрополдә уның һуңғы китабы — «Рәсәй яры» (1996) донъя күрҙе. Совет композиторҙары — В. Агафонников, Д. Чумаков, В. Наумов, В. Чернявский менән берлектә ул бер нисә йыр ижад итә, уларҙың ҡайһы берҙәре грампластинкаларға яҙыла[3].
Ставрополдә 2000 йылдың 24 апрелендә вафат була. Ҡаланың Игнатьевский зыяратында ерләнгән[2].
Маҡтаулы исемдәре һәм башҡа бүләктәре[үҙгәртергә | сығанаҡты үҙгәртеү]
- Хеҙмәт Ҡыҙыл Байраҡ ордены
- миҙалдар
- «РСФСР-ҙың атҡаҙанған мәҙәниәт хеҙмәткәре» (1983).