Борзик Вера Михайловна

Борзик Вера Михайловна
	Борзик Вера Михайловна
Заты	ҡатын-ҡыҙ
Гражданлығы	СССР
Тыуған көнө	30 сентябрь 1920
Тыуған урыны	Николаевская[d], Константиновский район[d], Ростов өлкәһе, СССР
Вафат булған көнө	7 февраль 1990 (69 йәш)
Вафат булған урыны	Октябрьский район[d], Ростов өлкәһе, РСФСР, СССР
Маҡтаулы исемдәре һәм башҡа бүләктәре

Борзик Вера Михайловна (30 сентябрь 1920 йыл — 7 февраль 1990 йыл) — СССР-ҙың ауыл хужалығы хеҙмәткәре, һауынсы, Социалистик Хеҙмәт Геройы (1971).

Биографияһы[үҙгәртергә | вики-тексты үҙгәртергә]

Вера Михайловна Борзик (Самойлова) 1920 йылдың 30 сентябрендә Николаевская станицаһында (хәҙер — Ростов өлкәһе, Константиновский районы) тыуған.

Шахты районында йәшелсәселек тресында эшләй. Немец оккупацияһын кисерә. 1943 йылдан «Горняк»^[1] тоҡомсолоҡ һөт-тауар фермаһында һауынсы булып эшләй.

Ҡыҫҡа ваҡыт эсендә Борзик юғары һөҙөмтәләргә өлгәшә. Бер нисә тапҡыр СССР-ҙың Халыҡ хужалығы ҡаҙаныштары күргәҙмәһендә (ВДНХ) ҡатнаша. 1960-сы йылдарҙа үҙенә беркетелгән һәр һыйырҙан һауымды 500 килограммға арттырған, ә 1970 йылда 1 һыйырҙан йыллыҡ һауым 4700 кг тәшкил итә.

СССР Юғары Советы Президиумының 1971 йылдың 8 апрель Указы менән, «ауыл хужалығы призводствоһы үҫешендә һәм дәүләткә игенселек һәм малсылыҡ продукттарын һатыу буйынса биш йыллыҡ планын үтәүҙә ҙур уңыштарға өлгәшкән өсөн», Вера Борзик Ленин ордены һәм «Ураҡ һәм Сүкеш» миҙалы^[1] тапшырылып, «Социалистик Хеҙмәт Геройы» тигән юғары исемгә лайыҡ була.

Октябрь районы Красногорняцкий ҡасабаһында йәшәй.

1990 йылдың 7 февралендә^[1] вафат була.

Маҡтаулы исемдәре һәм башҡа бүләктәре[үҙгәртергә | вики-тексты үҙгәртергә]

Хеҙмәт Ҡыҙыл Байраҡ ордены һәм миҙалдар
ВДНХ-ның алтын, көмөш һәм бронза миҙалдары
Завод, район һәм өлкә почёт китабына индерелә.

Хәтер[үҙгәртергә | вики-тексты үҙгәртергә]

Красногорняцкий ҡасабаһының бер урамы^[1] Борзик исемен йөрөтә.

Шулай уҡ ҡарағыҙ[үҙгәртергә | вики-тексты үҙгәртергә]

Список Героев Социалистического Труда Ростовской области

Иҫкәрмәләр[үҙгәртергә | вики-тексты үҙгәртергә]

↑ ^1,0 ^1,1 ^1,2 ^1,3 Борзик Вера Михайловна (билдәһеҙ). «Герои страны» сайты.

Әҙәбиәт[үҙгәртергә | вики-тексты үҙгәртергә]

Борзик Вера Михайловна // Герои труда Дона: биобиблиографический справочник / Донская гос. публичная библиотека. — Ростов-н/Д, 2008.

[wh-1] 1,0 ^1,1 ^1,2 ^1,3 Борзик Вера Михайловна (билдәһеҙ). «Герои страны» сайты.

[1]