Дилмөхәмәтов Әхнәф Мөҙәрис улы
| Дилмөхәмәтов Әхнәф Мөҙәрис улы | |
| Зат | ир-ат |
|---|---|
| Гражданлыҡ |
 СССР Рәсәй |
| Тыуған көнө | 1941 |
| Тыуған урыны | Мырҙағол, Ҡыҙыл ауыл Советы (Әлшәй районы), Әлшәй районы, Башҡорт АССР-ы, РСФСР, СССР |
| Вафат булған көнө | 2012 |
| Вафат булған урыны | Өфө, Рәсәй |
| Һөнәр төрө | дәүләт эшмәкәре |
| Уҡыу йорто | М. В. Ломоносов исемендәге Мәскәү дәүләт университеты |
| Ғилми дәрәжә | тарих фәндәре кандидаты[d] |
| Маҡтаулы исемдәре һәм башҡа бүләктәре |
 |
Дилмөхәмәтов Әхнәф Мөҙәрис улы (1941 йыл — 2012 йыл) — дәүләт һәм йәмәғәт эшмәкәре, тарих фәндәре кандидаты, Халыҡтар дуҫлығы ордены кавалеры[1].
Биографияһы
[үҙгәртергә | сығанаҡты үҙгәртеү]Дилмөхәмәтов Әхнәф Мөҙәрис улы 1941 йылда Башҡорт АССР-ы Әлшәй районының бәләкәй генә башҡорт ауылы Мырҙағолда тыуа. Бик иртә етем ҡала, атаһы фронтта һәләк була, ағалары ла һуғыштан әйләнеп ҡайтмай, әсәһе вафат булғанда малайға ун йәш тә тулмай ҡала. Аслыҡ йылдарын, балалар йорттарын үтергә тура килә уға[2].
Урта мәктәпте алтын миҙалға тамамлап, 1959 йылда М. В. Ломоносов исемендәге Мәскәү дәүләт университетына уҡырға инә. КПСС Үҙәк комитеты ҡарамғындағы ижтимағи фәндәр академияһының аспирантураһында уҡый[3].
Әхнәф Мөҙәрис улы оҙаҡ йылдар партия һәм комсомол органдарында эшләй, ВЛКСМ-дың район һәм ҡала комитеттарын етәкләй, КПСС-тың Өфө ҡалаһы Киров райкомында беренсе секретарь булып эшләй, һуңынан мөғариф, фән һәм мәҙәниәт мәсьәләләре менән шөғөлләнеүсе партияның Башҡорт өлкә комитеты секретары һәм бүлек мөдире итеп тәғәйенләнә. Һуңғараҡ бер нисә йыл рәттән «Нефтегазстрой» акционерҙар фирмаһын уңышлы етәкләй, Өфөнөң Киров районы буйынса Федераль һалым хеҙмәте етәксеһе, Өфө энергетика колледжы директоры була[2].
Әхнәф Дилмөхәмәтов — гражданлыҡ йәмғиәтен формалаштырыу һәм тергеҙеү, милләт-ара мөнәсәбәттәр, йәш быуынды уҡытыу һәм тәрбиәләү мәсьәләләре буйынса фәнни баҫмалар һәм публицистик мәҡәләләр авторы[1]. Бер нисә саҡырылыштың Өфө ҡала һәм Киров районы Советтарының депутаты була, республиканың ун беренсе саҡырылыш Юғары Советы депутаты итеп һайлана[1].
Әхнәф Мөҙәрис улы 2012 йылда 71-се йәшендә Өфөлә вафат була.
Ғаиләһе
[үҙгәртергә | сығанаҡты үҙгәртеү]Ҡатыны Әҙилә менән 46 йыл ғүмер итә, ҡыҙ һәм ул (Айрат Дилмөхәмәтов) үҫтерә.
Маҡтаулы исемдәре һәм бүләктәре
[үҙгәртергә | сығанаҡты үҙгәртеү]- Халыҡтар дуҫлығы ордены[3]
- Рәсәй Федерацияһының почетлы энергетигы[3]
- миҙалдар[3]
Иҫкәрмәләр
[үҙгәртергә | сығанаҡты үҙгәртеү]Һылтанмалар
[үҙгәртергә | сығанаҡты үҙгәртеү]- Не стало Ахнафа Дильмухаметова
- Умер Ахнаф Дильмухаметов, башкирский ученый и общественник
- Изге күңелле кеше ине
| «Шәхестәр» порталы |
- 1941 йылда тыуғандар
- Әлшәй районында тыуғандар
- 2012 йылда вафат булғандар
- Өфөлә вафат булғандар
- Мәскәү дәүләт университетын тамамлаусылар
- Халыҡтар дуҫлығы ордены (Башҡортостан) кавалерҙары
- Башҡортостандың дәүләт эшмәкәрҙәре
- Башҡортостан йәмәғәт эшмәкәрҙәре
- Тарих фәндәре кандидаттары
- 11-се саҡырылыш Башҡорт АССР-ы Юғары Советы депутаттары