Шапара йорто

Википедия — ирекле энциклопедия мәғлүмәте
(Дом Шапара битенән йүнәлтелде)
Перейти к навигации Перейти к поиску
Шапара йорто
Дәүләт Flag of Ukraine.svg Украина

Шапара йорто (укр. Будинок Шапара) — Харьков ҡалаһында Конторская урамындағы ике ҡатлы таш бина. 1907 йылда модерн стилендә архитектор Валентин Фельдман проекты буйынса төҙөлгән[1].

Бинаның ҡабырға өлөштәре башня ҡиәфәтендә һәм металдан көмбәҙе бар. Йорт тирәләй сүкеп яһалған ҡоймалар ҡуйылған. Бина эсендә ағас яндауырҙар һәм ишектәр һаҡланған[2].

Тарихы[үҙгәртергә | вики-тексты үҙгәртергә]

Бинаның көмбәҙе (2012 йыл)

Башта хәҙерге бина участкаһы Контора урамында 26 йорт аҫтында прапорщик Григорий Топчиевтыҡы булған, ул унда дөйөм мунса төҙөгән. 1778 йылда ағас йорт, бер нисә төкәтмә һәм айырым аш бүлмәләре төҙөгән. 25 йыл үткәс был участканы мещан Дмитрий Степанович Шатунов һатып ала. Шатунов иҫке биналарҙы емерә һәм ике ҡатлы таш йорт, ә ихатала келәт һәм ат аҙбары төҙөй[3].

Башта бина 20 һәм 22 -се һандары менән нумерлана. 1880 йылдар башында бина 24 һаны менән биләдәләнә, 1883 йылда хәҙерге 26 менән билдәләнә[3]

Дмитрий Шатунов үлгәндән һуң, 1879 йылда, участканы уның ҡатыны Анна Дмитриева Шатунова мираҫ итеп алып ҡала. Һуңыраҡ, хужалар булып һәм уның ҡыҙы Наталья һәм Надежда тора. 1901 йылда биналарға поручик Иван Павлович Харинский эйә була[1]. 1902 йылда һатылғанға тиклем йорттоң бинаһының бер өлөшөн ҡуртымға тапшыралар. Яңы хужаһы булып сауҙагәр Романенко Иван Федосеевич тора, ул ҡоролмаларҙың яртыһын һүтеп ташлай һәм 1907 йылда 8 фатирҙан торған заманса килем йорто төҙөй[3]. Был бинаның архитекторы Фельдман Валентин була[1].

1913 йылдар тирәһендә йорттоң хужаһы сәнәғәтсе Борис Владимирович Шапара була[1]. 1919 йылдың яҙында власҡа килгән болшевиктар йортто национализациялай, ә Шапара Бельгияға күсеп китә. 1920 йылдарҙа бина «Украинрадиоға» ҡарай һәм 32-се торлаҡ кооперативына инә[3].

Әлеге ваҡытта бина коммуналь фатирҙар итеп бирелгән[4][5]. Йорттоң подвалында тегеү цехы эшләй.[6].

Иҫкәрмәләр[үҙгәртергә | вики-тексты үҙгәртергә]

Һылтанмалар[үҙгәртергә | вики-тексты үҙгәртергә]