Живов Павел Евгеньевич

Википедия — ирекле энциклопедия мәғлүмәте
Перейти к навигации Перейти к поиску
Живов Павел Евгеньевич
Заты ир-ат
Гражданлығы Flag of the Soviet Union.svg СССР
Тыуған көнө 15 март 1918({{padleft:1918|4|0}}-{{padleft:3|2|0}}-{{padleft:15|2|0}})
Тыуған урыны Совет Рәсәйе, Өфө губернаһы, Стәрлетамаҡ өйәҙе, Бәрҙешле ауылы
Вафат булыу көнө 9 октябрь 2001({{padleft:2001|4|0}}-{{padleft:10|2|0}}-{{padleft:9|2|0}}) (83 йәш)
Вафат булған урыны Рәсәй, Башҡортостан Республикаhы, Ишембай районы, Бәрҙешле ауылы
Бүләктәре һәм маҡтаулы исемдәре
Ленин ордены Социалистик Хеҙмәт Геройы II дәрәжә Ватан һуғышы ордены
Һуғыш/алыш Бөйөк Ватан һуғышы

Па́вел Евге́ньевич Жи́вов (15 март 1918 йыл — 9 октябрь 2001 йыл) — совет малсыһы, Социалистик Хеҙмәт Геройы (1966 йылда)[1]. Бөйөк Ватан һуғышында ҡатнашҡан[2]. БАССР Юғары Советының 7-се саҡырылышы депутаты.

Биографияһы[үҙгәртергә | вики-тексты үҙгәртергә]

Ишембай районы Петровск ауылында йәшәй. Көтөүсе булып эшләп, юғары наградаға лайыҡ була.

1966 йылда республикала «Ураҡ һәм Сүкеш» алтын миҙалына лайыҡ булыусылар байтаҡ була. СССР Юғары Советы Президиумы 22 мартта һәм 23 июндә Социалистик Хеҙмәт Геройы исеменең бирелеүе тураһында ике Указ сығара. Башҡортостандың хеҙмәт батырҙарының исеме бөтә ил халҡына билдәле була. Указдарҙа Башҡортостандан 25 кешенең был юғары исемгә лайыҡ булыуы теркәлгән. Бына улар — икәүһе район комитеттары секретарҙары Әхмәт Әминев менән Тәлғәт Рахманов, тракторсылар Шиф Рәжәпов, Фәйзулла Шәйәхмәтов, Антон Костарев, һауынсылар Мария Хализова, Евдокия Кириллова, сусҡа ҡараусылар Матрена Шинкова һәм Лидия Ганцева, чабандар Сабир Күҫәков һәм Флүрә Әминева, көтөүсе Павел Живов, быҙау ҡараусы Нәсимә Фазлиәхмәтова һәм Анастасия Птицына һәм башҡалар. Республика тарихында ауыл хужалығында эшләгән 25 ябай хеҙмәткәрҙең эштәрендәге ҙур уңыштары өсөн ошондай ҙур награда — Социалистик Хеҙмәт Геройы исемен алыу бик һирәк күренештер.

Павел Живов Ишембай районының Ленин исемендәге колхозында (1960 йылға тиклем — Маҡар районының А. Матросов исемендәге колхозы) 1940—1978 йылдарҙа эшләй: 1945—1953 һәм 1967—1978 йылдарҙа — һөтсөлөк фермаһы мөдире, 1953 йылда — келәт мөдире, 1960—1967 йылдарҙа — мал ҡараусы-көтөүсе. Мал һимертеүҙә юғары күрһәткестәргә өлгөшө: йәш һыйыр малдарының уртаса тәүлек артымы 1300 грамм тәшкил итә (1965—1966).

Библиография[үҙгәртергә | вики-тексты үҙгәртергә]

  • Павел Евгеньевич Живов. Наш опыт нагула скота [Текст] / П. Е. Живов, скотник колхоза им. Ленина Ишимбайского района БАССР Герой Соц. Труда. — Уфа : Башкнигоиздат, 1966. — 27 с. : портр.; 14 см. — (Трибуна передовика).

Шулай уҡ ҡарағыҙ[үҙгәртергә | вики-тексты үҙгәртергә]

Иҫкәрмәләр[үҙгәртергә | вики-тексты үҙгәртергә]

Һылтанмалар[үҙгәртергә | вики-тексты үҙгәртергә]

Сергей Каргапольцев Живов Павел Евгеньевич. «Герои страны» сайты. 10 июль 2016 тикшерелгән.