Илбаев Мөхәмәт Исмәғил улы

Википедия — ирекле энциклопедия мәғлүмәте
Перейти к навигации Перейти к поиску
Илбаев Мөхәмәт Исмәғил улы
Заты ир-ат
Гражданлығы Flag of the Soviet Union.svg СССР
Flag of Russia.svg Рәсәй
Тыуған көнө 13 март 1939({{padleft:1939|4|0}}-{{padleft:3|2|0}}-{{padleft:13|2|0}})
Тыуған урыны СССР, РСФСР, Башҡорт АССР-ы, Ейәнсура районы, Абҙан ауыл Советы, Мөхәмәтйән ауылы
Вафат булған көнө 21 апрель 2015({{padleft:2015|4|0}}-{{padleft:4|2|0}}-{{padleft:21|2|0}}) (76 йәш)
Вафат булған урыны Рәсәй, Башҡортостан Республикаhы, Күмертау
Һөнәр төрө зоотехник, шағир
Уҡыу йорто Башҡорт дәүләт аграр университеты

Илбаев Мөхәмәт Исмәғил улы (13 март 1939 йыл — 21 апрель 2015 йыл) — ауыл хужалығы белгесе, шағир. 2003 йылдан Рәсәй Федерацияһы һәм Башҡортостан Республикаһы Яҙыусылар союздары ағзаһы.

Биографияһы[үҙгәртергә | вики-тексты үҙгәртергә]

Мөхәмәт Исмәғил улы Илбаев 1939 йылдың 13 мартында Башҡорт АССР-ының Ейәнсура районы Мөхәмәтйән ауылында тыуған.

Абзан урта мәктәбен тамамлағас, колхозда эш башлай. 1959—1964 йылдарҙа Башҡортостан ауыл хужалығы институтында зоотехник һөнәренә уҡып сыҡҡас, колхоз-совхоздарҙа эшләй. Күмертауҙағы район-ара тоҡомсолоҡ станцияһында баш зоотехник була. Станция бөтөрөлгәс, «Башкируголь» берекмәһенең тәьминәт бүлегендә эшләй.

2015 йылдың 21 апрелендә Күмертау ҡалаһында вафат була, тыуған ауылы Мөхәмәтйәндә ерләнгән

Ижады[үҙгәртергә | вики-тексты үҙгәртергә]

Мөхәмәт Илбаев, белеме буйынса мал хужалығы белгесе булһа ла, ХХ быуаттың 60-сы йылдарында әҙәбиәткә шағирлыҡ таланты менән юл ярып килеп инде. Уның 1968 йылда баҫылып сыҡҡан «Ерҙәр күрҙем» исемле тәүге шиғри йыйынтығы башҡорт шиғриәтенә талантлы ҡәләм эйәһе килеүен хәбәр итте. Артабанғы йылдарҙа уның ижады «Эскән һыуҙар» (2009) китабында үҫеш тапты. «Ҡорҙар йыры» (2012) китабына балалар өсөн шиғырҙары, шиғри хикәйәһе һәм поэмаһы тупланған. Уның был йыйынтығында Башҡортостан халҡының үткән тарихы, бөгөнгөһө һәм хәүефле киләсәге лә сағыла.

Мөхәмәт Илбаев поэтик әҫәрҙәрендә башҡорт теленең нескәлектәрен, күркәмлеген оҫта ижади файҙаланды, шул ерлектә башҡорт шиғриәтен байытты.

Китаптары[үҙгәртергә | вики-тексты үҙгәртергә]

  • Ерҙәр күрҙем: Шиғырҙар. — Өфө: Башҡортостан китап нәшриәте, 1968.
  • Тамғалар: Шиғри йыйынтыҡ— Өфө: Китап, 2001. — 157-190 б.
  • Эскән һыуҙар: Шиғырҙар, поэмалар. — Өфө: Китап, 2009. — 112 б.
  • Ҡорҙар йыры: Шиғырҙар, шиғри хикәйә, поэма. — Өфө: Китап, 2012.

Әҙәбиәт[үҙгәртергә | вики-тексты үҙгәртергә]

  • Писатели земли башкирской. Справочник / (сост.: Р. Н. Баимов, Г. Н. Гареева, Р. Х. Тимергалина). Переработанное и дополненное второе издание. — Уфа: Китап, 2015. — 672 с. ISBN 978-5-295-06338-1 (рус.) (Тикшерелгән 12 март 2019)
  • Писатели земли башкирской. Справочник / Сост.: Р. Н. Баимов, Г. Н. Гареева, Р. Х. Тимергалина. — Уфа: Китап, 2006. — 496 с.  (рус.) (Тикшерелгән 12 март 2019)

Һылтанмалар[үҙгәртергә | вики-тексты үҙгәртергә]