Исҡужин Әҙеһәм Динислам улы

Әҙеһәм Исҡужин
Исеме	Исҡужин Әҙеһәм Динислам улы
Тыуған	27 ғинуар 1928({{padleft:1928|4|0}}-{{padleft:1|2|0}}-{{padleft:27|2|0}})
Тыуған урыны	Башҡорт АССР-ы Баймаҡ районы Темәс ауылы
Үлгән	19 март 2003({{padleft:2003|4|0}}-{{padleft:3|2|0}}-{{padleft:19|2|0}}) (75 йәш)
Үлгән урыны	Өфө ҡалаһы
Ил	СССР → Рәсәй
Инструменттар	ҡурай
Наградалар	Башҡортостандың атҡаҙанған мәҙәниәт хеҙмәткәре (1993)

Исҡужин Әҙеһәм Динислам улы (27 ғинуар 1928 йыл — 19 март 2003 йыл) — уҡытыусы, ҡурайсы, Башҡортостан Республикаһының атҡаҙанған мәҙәниәт хеҙмәткәре (1993).

Биографияһы

Әҙеһәм Динислам улы Исҡужин 1928 йылдың 27 ғинуарында Башҡорт АССР-ының Йылайыр кантоны Темәс ауылында тыуған. 1945 йылда Темәс педагогия училищеһын, 1954 йылда Уман летчиктар әҙерләү училищеһын, 1971 йылда Башҡорт дәүләт университетын тамамлай. 1961—1996 йылдар — Рәми Ғарипов исемендәге Башҡорт гимназияһында уҡыта. Ҡурай түңәрәктәре алып бара.

Уҡыусылары: Азат Айытҡолов, Юлай Ғәйнетдинов, Роберт Юлдашев һ.б.

2003 йылдың 19 мартында вафат була.

Маҡтаулы исемдәре һәм башҡа бүләктәре

• Башҡортостандың атҡаҙанған мәҙәниәт хеҙмәткәре (1993).

Ғаиләһе

• Ҡатыны — башҡорт тел белгесе, антропонимист, филология фәндәре кандидаты, Башҡортостан Республикаһының атҡаҙанған мәҙәниәт хеҙмәткәре Кусимова Таңһылыу Хажим ҡыҙы (1927—1999)

Әҙәбиәт

• Ю. И.Ғайнетдинов, Ф. Ш. Ҡоҙаҡаев. «Әҙеһәм ҡурайы» китабы (2003)

Хәтер

• Баймаҡ ҡалаһындағы һәм Баймаҡ районының Темәс ауылындағы урамдар Әҙеһәм Исҡужин исемен йөрөтә.
• Республика кимәлендә Ә. Исҡужин исемендәге ҡурайсылар бәйгеһе уҙғарыла.
• Өфө ҡалаһында 9-сы балалар музыка мәктәбенә Әҙеһәм Исҡужин исеме бирелгән.

Һылтанмалар

• Исҡужин Әҙеһәм Динислам улы // Башҡорт энциклопедияһы — Өфө: «Башҡорт энциклопедияһы» ғилми-нәшриәт комплексы, 2015—2017. — ISBN 978-5-88185-143-9.