Иҫке Айман

Ауыл
Иҫке Айман татар. Иске Айман
Ил	РәсәйРәсәй
Федерация субъекты	Татарстан
Муниципаль район	Аҡтаныш
Координаталар	55°30′36″ с. ш. 53°31′38″ в. д.
Нигеҙләнгән	XVII быуат
Элекке исеме	Аймаҡ
Халҡы	360 человек (2002)
Конфессиональ составы	мосолмандар
Сәғәт бүлкәте	UTC+4
Почта индексы	423739
Һанлы танытмалар
Автомобиль коды	16, 116
ОКАТО коды	92 205 845 001
ОКТМО коды	92 605 445 101
ГКГН номеры	0189674
Иҫке Айман

Иҫке Айман (Аймаҡ) — Рәсәй Федерацияһы Татарстан Республикаһы Аҡтаныш районы ауылы. Иҫке Айман ауыл биләмәһе составына керә һәм уның үҙәге булып тора.

География

Ауыл Бәзән йылғаһы буйында, Аҡтаныш ауылынан көньяҡ-көнбайыштараҡ 54 км алыҫлыҡта урынлашҡан.

Тарих

Иҫке Айман — Бүләр улусы Мышыға түбәһе башҡорттарының ауылы. Ауыл һуңыраҡ Ырымбур губернаһы Минзәлә өйәҙенә ҡарай. 1865 йылда Минзәлә өйәҙе Өфө губернаһына инә. 1866 йылда ырыу улустары бөтөрөлгәс, ауыл Поисево улусы составына керә.

ХХ быуат башында ауылда 2 мәсет, мәктәп, ел тирмәне, икмәк магазины, бакалея кибете теркәлгән.

1920 йылда ауыл яңы ойошторолған Татар АССР-ының Минзәлә кантоны составына керә. 1930 йылдан — Минзәлә районы, 1935 йылдан — Калинин районы, 1959 йылдан — Аҡтаныш районы, 1963 йылдан — Минзәлә районы, 1965 йылдан — йәнә Аҡтаныш районы составында була.

Халҡы

1816 йылда ауылда 66 ихатала 354 башҡорт (улар араһында 2 ҡатынлы 8 йорт хужаһы, 3 ҡатынлы 1 йорт хужаһы); 1848 йылда 116 йортта 592 башҡорт (улар араһында 2 ҡатынлы 2 йорт хужаһы); 1870 йылда 125 йортта — 952 башҡорт; 1902 йылда 221 йортта ир затлы 535 йән башҡорт йәшәй.

1834	1859	1870	1884	1897	1906	1913	1920	1926	1938	1949	1958	1970	1979	1989	2002
225	929	952	1322	983	801	1056	1161	870	823	611	604	640	536	400	366

1. Н/Д

Билдәле шәхестәре

• Ибраһим Айҙағолов (1790—?) — хәрби эшмәкәр. 1812 йылғы Ватан һуғышында һәм Рус армияһының сит илгә 1813—1814 йылдарҙағы походтарында ҡатнашыусы.
• Әхәтов Ғабделхәй Хурам улы — телсе-ғалим, филология фәндәре докторы (1965), профессор (1970).