Корольков Григорий Михайлович

Википедия — ирекле энциклопедия мәғлүмәте
Перейти к навигации Перейти к поиску
Корольков Григорий Михайлович
Заты ир-ат
Гражданлығы Flag of the Soviet Union.svg СССР
Тыуған көнө 4 сентябрь 1934({{padleft:1934|4|0}}-{{padleft:9|2|0}}-{{padleft:4|2|0}})
Тыуған урыны СССР, РСФСР, Башҡорт АССР-ы, Бүздәк районы, Уртакүл совхозының Һарайғыр бүлексәһе
Вафат булған көнө 20 апрель 2012({{padleft:2012|4|0}}-{{padleft:4|2|0}}-{{padleft:20|2|0}}) (77 йәш)
Вафат булған урыны Рәсәй, Башҡортостан Республикаhы, Өфө
Маҡтаулы исемдәре һәм башҡа бүләктәре
Ленин ордены Социалистик Хеҙмәт Геройы Хеҙмәт Ҡыҙыл Байраҡ ордены

Корольков Григорий Михайлович (4 сентябрь 193420 апрель 2012) — «Востокнефтезаводмонтаж» тресының слесарь-монтажсылар бригадиры, Социалистик Хеҙмәт Геройы.

Биографияһы[үҙгәртергә | вики-тексты үҙгәртергә]

Корольков Григорий Михайлович 1934 йылдың 4 сентябрендә Башҡорт АССР-ы Бүздәк районының Һарайғыр ауылында тыуған. Белеме — урта.

1952 йылдың ғинуарында 7-се трест 9-сы төҙөлөш-монтаж идаралығының металлоконструкциялар йыйыу буйынса слесарь булып хеҙмәт юлын башлай. 1954-1956 йылдарҙа Совет Армияһы сафында хеҙмәт итә. Демобилизациянан һуң элекке эш урыныңа кире ҡайта. 1964 йылда слесарь-монтажсыларҙың бригадиры итеп тәғәйенләнә. Балта оҫтаһы, газ менән иретеп йәбештереүсе һәм электрик һөнәрҙәрен үҙләштерә.

Г. М. Корольковтың хеҙмәт юлының күп өлөшө Башҡорт АССР-ының нефть эшкәртеү, нефть химияһы һәм химияның мөһим объекттарының ҡоролмалары менән бәйле. Ул етәкләгән бригада Стәрлетамаҡ синтетик каучук заводтарының объекттарын төҙөүҙә юғары етештереүсәнле хеҙмәт өлгөһө күрһәтә.

ВЛКСМ-дың 40 йыллығы исемендәге Өфө синтетик спирт заводында фенол һәм ацетон етештереүсе цехтарҙың эре комплексын төҙөүҙә Г.М. Корольков бригадаһы тиҙ монтажлау, бигерәк тә аҙ күләмле аппарат ысулдары инициаторы була. Был алымдарҙы индереү монтажсыларҙың етештереүсәнлеген ҡырҡа арттыра, һәм ваҡытты 1,5 тапҡырға ҡыҫҡарта

Бригада коллективы беренселәрҙән булып бригада подряды ысулдарын үҙләштерә.

1976—1980 йылдарҙа бригада алты йыллыҡ йөкләмәләрҙе ваҡытынан алда үтәй — 1984 йылдың 1 мартына ун беренсе биш йыллыҡтың дүрт йыллыҡ планын башҡара (1981—1985).

КПСС-тың XXII съезы исемендәге Өфө нефть эшкәртеү заводында хуш еҫле углеводородтар етештереү комплексын ҡорганда бригада бик яҡшы хеҙмәт өлгөһө күрһәтә, электрон аппаратура - компьютер менән идарә итә торған ҡатмарлы йыһаздарҙы монтажлай һәм тәҡдим Г.М. Корольков шәхсән 700-се секцияла аппараттарҙы монтажлауҙы еңеләйтә торған яйланмалар тәҡдим итә, был эштәрҙе тәмамлауҙы тиҙләтә һәм юғары сифат тәьмин итә. Иретеп йәбештереү аппараттарын монтажлағанда коллектив көн һайын норманы 140 процентҡа арттырып үтәй. Бригада полдряды ысулы буенса эшләгәндә, уның бригадаһы монтаж эштәрен 1,8 миллион һумға башкара, монтаждың иҫәп-хисабын 4 700 һум күләмендә экономиялаған.

Григорий Михайлович ҙур тәжрибәһе менән уртаҡлаша, 50-нән ашыу йәш эшселәр әҙерләй.

Өфө нефть эшкәртеү заводында хуш еҫле углеводородтар етештереү комплексын төзөгәндә һәм үҙләштергәндәҙе ҙур етештереү ҡаҙаныштары өсөн СССР Юғары Советы Президиумының 1984 йылдың 28 авгусындағы Указы менән Г.М. Корольковҡа Социалистик Хеҙмәт Геройы исеме бирелә.

Григорий Михайлович 1994 йылда пенсияға киткәнсә «Востокнефтезаводмонтаж» тресында эшләй.

Ун беренсе саҡырылыш Башҡорт АССР-ы Юғары Советы депутаты (1985-1990).

Өфө ҡалаһында йәшәгән.

Наградалар[үҙгәртергә | вики-тексты үҙгәртергә]

Әҙәбиәт[үҙгәртергә | вики-тексты үҙгәртергә]

Герои труда/ Справочник о Героях Социалистического Труда и кавалерах ордена Трудовой Славы трех степеней из Башкортостана./ сост. Р. А. Валишин [и др.]. - Уфа : Китап, 2011. - 432 с. : ил. -ISBN 978-5-295-05228-6.

Башкирская энциклопедия. Гл. ред. М.А. Ильгамов т. 3. З-К. 2007. -672 с. ISBN 978-5-88185-064-7.; науч.. изд. Башкирская энциклопедия, г. Уфа.

Һылтанмалар[үҙгәртергә | вики-тексты үҙгәртергә]

http://forums-su.com/viewtopic.php?f=114&t=18773&start=60