Ҡыҙыл таң (гәзит)

«Ҡыҙыл таң»
Тип	Республика ижтимағи-сәйәси гәзите
Форматы	4 A2 бите
Тиражы	29 мең (2015)
Веб-сайты	http://www.kiziltan.ru/ Наградалары:

Ҡыҙыл таң (татар. Кызыл таң) — Башҡортостан Республикаһының татар телендә Өфөлә нәшер ителгән ижтимағи-сәйәси гәзите. Ойоштороусылары: Башҡортостан Республикаһы Дəүлəт Йыйылышы — Ҡоролтай, Башҡортостан Республикаһы Хɵкүмəте.

Тарихы

• 1918 йылдың 1 мартында «Башҡортостан» гәзите менән бергә Ырымбурҙа баҫтырыла башлай. Ошо дата гәзиттең барлыҡҡа килеү көнө тип иҫәпләнә.
• 1924 йылдың апреленән башлап «Башҡортостан» гәзитенең татар телендә ҡушымтаһы булып сыға. Ошо уҡ йылдың 2 авгусынан «Яңы ауыл» («Яңа авыл») исеме менән баҫыла.
• 1930 йылдан 1941 йылғаса «Коммуна» исеме менән нәшер ителә.
• 1941 йылдың 8 июленән 1944 йылдың 12 мартына хәтлем гәзитте сығарыу туҡтатылып тора — гәзиттең бар журналистары һуғышҡа китә.
• 1944 йылдың 12 мартынан башлап үҙаллы баҫма булып хәҙерге исеме менән баҫтырыла.

Баш мөхәррирҙәре

• 1918—????: Бәхтигәрәй Шәфиев.
• 1924—1937: Муса Йосопов, Ғайса Ғәббәсов һәм Имай Насыри;
• 1937—1941: Мөхәммәт Бикбулатов, Шәрәфи Шаймарҙанов;
• 1944: Ғәли Ризуанов;
• 1944—1948: Ғата Нурулла улы Алмаев;
• 1948—1950: Ғарифулла Ғөзәйеров;
• 1950—1951: Фәйзи Ғилметдин улы Шаяпов;
• 1951—1964: Ғата Нурулла улы Алмаев;
• 1964—1967: Таһир Ахунйәнов;
• 1967—1986: Рәмил Мирғәзиән улы Дашкин;
• 1986—1991: Муса Ғайса улы Мулюков;
• 1991—1994: Рәсих Ханнанов;
• 1994—2001: Марат Нуриәхмәт улы Муллаҡаев;
• 2001 йылдың 1 февраленән — Фаил Фәтхетдинов.

Билдәле хеҙмәткәрҙәре

Гәзиттә Башҡортостандың күп танылған яҙыусылары һәм шағирҙары эшләгән:

• Мәжит Ғафури, Әнғәм Атнабаев, Сәйфи Ҡудаш — Башҡортостандың халыҡ шағирҙары;
• Нәжиб Асанбаев — Башҡортостандың халыҡ яҙыусыһы;
• Ғариф Ғүмәр, Фәнил Әсәнов, Әнүәр Бикчәнтәев, Динис Исламов, Хәмит Сәмихов, Әсғәт Мирзаһитов — яҙыусылар;
• фән докторҙары: Үзбәк Ғимаҙиев, Илдар Низамов, Марсель Бакиров һ. б.

Наградалары

• Хеҙмәт Ҡыҙыл Байраҡ ордены (1968).

Ҡаҙаныштары

• «Ҡыҙыл таң» гәзите 2016 йылда Башҡортостанда Бөтә Рәсәй ауыл хужалығы иҫәбен алыуҙы яҡтыртыу буйынса иң яҡшы киң мәғлүмәт сараларының береһе тип танылды.

Һылтанмалар

• Ҡыҙыл таң (гәзит) // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.
• Гәзиттең сайты 2010 йыл 15 февраль архивланған., урыҫ телендә бите 2011 йыл 18 март архивланған.