Кәлсер

Кәлсер

Һаны һәм йәшәгән урыны
Барлығы: билдәһеҙ Рәсәй Федерацияһы Башҡортостан Башҡортостандың үҙәк өлөшө (Ғафури районы)
Тел	башҡорт
Килеп сығышы	Табын

Кәлсер — көнбайыш табын башҡорттары составындағы ырыу.

Сығышы

Кәлсер 18 ырыуҙан торған Табын ҡәбиләһенә инә.

Урынлашыуы

Ырыуҙың халҡы хәҙерге Башҡортостандың урта өлөшөндә йәшәй. Кәлсер ырыуына Ғафури районының Юрмаш, Аҡташ, Ташаҫты, Имәндәш ауылдары инә.

Кесе Табын улусында эшләгән осоронда, библиограф, С. Р. Минцлов ҡалдырған хәтирәнән :

«Стәрлетамаҡ өйәҙенең Көнсығыш өлөшөндә, бөтә Ағиҙел буйы тау армыттары, эзбизташ менән алебастрҙан тора. Шуларҙың тасуирламаһын, матур тәбиғәтле, Кәлсер-Табын өйәҙенән башлайым. Киң һәм тоноҡ Еҙем, урманлы тарлауыҡтан сыҡҡан урында, төрлө төҫтәге дуғаларҙан һалынған диуарҙы хәтерләтеп, үтә текә Уҡлығая бөғөлә; ярлау битендә ҡарайып мәмерйә күренә. Тарлауыҡ тамағы эсендә кәртәләнгән һымаҡ, йылғанан уң яҡта Ташаҫты ауылы, икенсе бәләкәй ауыл (Юрмаш, авт.) тау итәгенә һыйынып ултырған; бик бейек тауҙар ҡоролмаһында, йорттарҙы ваҡ-бөжәк-мөжәк һымаҡ тояһың. ...».

— Минцлов С. Р. Дебри жизни. — Уфа: Башк. кн. изд-во, 1992. — 176 с.

Әҙәбиәт

• Башкирские шежере (сост., пер. текстов, введ. и комм. Р. Г. Кузеева). — Уфа: Башкирское книжное издательство, 1960. — С. 155—165. — 305 с. — 2000 экз. (рус.)
• Кузеев Р. Г. Происхождение башкирского народа: Этнический состав, история расселения. — М.: Наука, 1974. — 572 с. (рус.)

Һылтанмалар

• Янгузин Р. З. Табын // Башкирская энциклопедия. — Уфа: ГАУН РБ «Башкирская энциклопедия», 2015—2024. — ISBN 978-5-88185-306-8. (рус.)