Лобов Владимир Николаевич

Википедия — ирекле энциклопедия мәғлүмәте
Перейти к навигации Перейти к поиску
Лобов Владимир Николаевич
Рәсем
Заты ир-ат
Гражданлығы Flag of the Soviet Union.svg СССР
Хеҙмәт итеүе СССР
Тыуған көнө 22 июль 1935({{padleft:1935|4|0}}-{{padleft:7|2|0}}-{{padleft:22|2|0}}) (84 йәш)
Тыуған урыны СССР, РСФСР, Башҡорт АССР-ы, Борай районы,Борай ауылы
Һөнәр төрө хәрби хеҙмәткәр, сәйәсмән
Биләгән вазифаһы Special Guest of the Parliamentary Assembly of the Council of Europe[d][1]
Бүләктәре һәм маҡтаулы исемдәре
Ҡыҙыл Байраҡ ордены Почёт ордены Ҡыҙыл Йондоҙ ордены орден Кутузова II степени орден «За службу Родине в Вооружённых Силах СССР» II степени орден «За службу Родине в Вооружённых Силах СССР» III степени медаль «За отличие в охране государственной границы СССР» медаль «За укрепление боевого содружества» медаль «За освоение целинных земель» Дуҫлыҡ ордены орден Мужества медаль «В память 850-летия Москвы» "СССР-ҙың Ҡораллы Көстәре ветераны" миҙалы медаль «Воину-интернационалисту от благодарного афганского народа»
Уҡыу йорто Императорская военная академия[d]
Ғилми дәрәжә хәрби фәндәр докторы[d] һәм тарих фәндәре кандидаты[d]
Сәйәси фирҡә ағзаһы Советтар Союзы Коммунистар партияһы[d]
Хәрби звание Генерал армии[d]
Командовал Среднеазиатский военный округ[d]
Һуғыш/алыш операция «Дунай»[d]
Ғәскәр төрө мотострелковые войска[d]
Commons-logo.svg Лобов Владимир Николаевич Викимилектә

Лобов Владимир Николаевич (22 июль 1935 йыл, Башҡорт АССР-ы, Борай районы Борай ауылы) — совет хәрби етәксеһе, армия генералы (1989). СССР Ҡораллы Көстәренең Генераль штабы начальнигы (1991). Профессор, хәрби фәндәр докторы, тарих фәндәре кандидаты, СССР халыҡ депутаты (1989—1991).

Биографияһы[үҙгәртергә | вики-тексты үҙгәртергә]

Күп балалы ғаиләлә тыуған (6 бала). Атаһы машина-трактор станцияһында механик булып эшләгән (МТС-ТАР). 10 йәшенән уҡыу менән бер рәттән МТС-та һәм колхозда эшләй.

Хәрби хеҙмәт башы[үҙгәртергә | вики-тексты үҙгәртергә]

1954 йылда Совет Армияһына ашығыс хеҙмәткә саҡырыла. Сталинабад ҡалаһында (хәҙер Тажикстандың баш ҡалаһы Дүшәмбе) Төркөстан хәрби округының 201-се тау-уҡсылар дивизияһының артиллерия полкында хеҙмәт итә . 1956 йылдың сентябрь айында сержант В. Н. Лобов Рязань артиллерия училищеһына уҡырға ебәрелә, уны 1959 йылда тамамлай. Училищены тамамлағандан һуң курсанттар взводы командиры булып ҡалдырыла.

1960 йылда хәрби курстарҙа белемен күтәрә һәм сентябрь айында яңы ғына ойошторолған СССР-ҙың стратегик тәғәйенләнештәге ракета ғәскәрҙәренә юнәлтелә, курсанттар взводы командиры булып хеҙмәт итә, 1964 йылға тиклем Чита өлкәһенең ракета дивизияһында сержанттар әҙерләү мәктәбендә уҡытыусы һәм уҡытыу өлөшө начальнигы ярҙамсыһы була. КПСС ағзаһы.

Өлкән команда вазифаларында[үҙгәртергә | вики-тексты үҙгәртергә]

1967 йылда М. В. Фрунзе исемендәге Хәрби академияны тамамлай, Германияла совет ғәскәрҙәре төркөмөндә мотоуҡсылар батальоны командиры итеп тәғәйенләнә. 1968 йылдың август айында ғәскәрҙәрҙе Чехословакияға индереүҙә ҡатнаша, үҙенең батальон көстәре менән Прага янындағы хәрби аэродромды, ә һуңынан Прагала бер нисә мөһим объекттарҙы баҫып ала.1969 йылдың май айынан — штаб начальнигы, ә 1970 йылдан — Германия совет ғәскәрҙәре төркөмөндә 74-се айырым өйрәнеү мотоуҡсылар полкы командиры.

1973 йылдың октябренән — Ленинград хәрби округында 63-сө гвардия өйрәнеү мотоуҡсылар дивизияһы командиры, генерал-майор (1975). 1975 йылдың декабренән — Архангельск ҡалаһында 26-сы армия корпусы командиры. 1979 йылда К. Е. Ворошилов исемендәге СССР Ҡораллы Көстәре Генераль штабының Хәрби академияһын тамамлай. 1979 йылдан — Белорус хәрби округында 28-се дөйөм ғәскәри армияһы командующийы. Армия етәкселегендә ҙур совет хәрби «Көнбайыш-81» күнегеүҙәрендә ҡатнаша. Генерал-лейтенант (1980).

Юғары команда вазифаларында[үҙгәртергә | вики-тексты үҙгәртергә]

1981 йылдың октябренән — Ленинград хәрби округы ғәскәрҙәре командующийының беренсе урынбаҫары. 1984 йылдың июненән — Урта Азия хәрби округы ғәскәре командующийы. 1986 йылдың декабрь айында Ҡаҙаҡ ССР-ы Коммунистар партияһы етәкселеге талабы буйынса Алма-Аталағы митингты ҡыуыу өсөн урамдарға ғәскәрҙәрҙе сығарыуҙан баш тарта. Чернобыль һәләкәте аварияһы эҙемтәләрен бөтөрөү буйынса эштәрҙә ҡатнашыу өсөн командировкаға ебәрелә, авария эҙемтәләрен бөтөрөү буйынса Дәүләт комиссияһы рәйесе урынбаҫары була. Генерал-полковник (20.10.1984).

1987 йылдың ғинуарынан алып — СССР Ҡораллы Көстәр Генераль штабы начальнигының беренсе урынбаҫары, КПСС Үҙәк комитетының Генераль секретары М. С. Горбачев ҡушыуы буйынса хәрби реформа проектын әҙерләй, унда, атап әйткәндә, хеҙмәт срогын 2 йылдан 18 айға тиклем ҡыҫҡартыу күҙ уңында тотола. Әммә төп положениелары менән СССР оборона министры Д. Т. Язов риза булмай, һөҙөмтәлә 1988 йылдың ноябрендә Лобов вазифаһынан ситләтелә һәм күпмелер ваҡыт министр ҡарамағында була. 1989 йылдың 24 ғинуарынан — СССР Ҡораллы Көстәре Генераль штабы начальнигының беренсе урынбаҫары — Варшава килешеүе ҡатнашыусыларының— дәүләттәрҙең Берләшкән Ҡораллы Көстәре штабы начальнигы. Варшава килешеүе тарҡалғандан һуң, 1991 йылдың мартынан икенсе тапҡыр министр ҡарамағында була. 1991 йылдың июненән — М. В. Фрунзе исемендәге Хәрби академияның начальнигы.

1991 йылдың 23 август айындағы ғәҙәттән тыш ваҡиғаларҙан һуң СССР Ҡораллы Көстәре Генераль штабы начальнигы итеп тәғәйенләнә[2], ҡабаттан хәрби реформа концепцияһын әҙерләй, тарҡалыуы көсәйә барған СССР-ҙың армия өсөн кире эҙемтәләрен йомшартырға маташа.

1991 йылдың 1 октябренән алып 25 декабргә тиклем — СССР Президенты ҡарамағындағы Оборона советы ағзаһы[3][4].

СССР Президентының 1991 йылдың 7 декабрендәге указы менән Генераль штабы начальнигы вазифаһынан бушатыла[5]. 1992 йылдың ғинуарынан — Оборона министрлығының Генераль инспекторҙар төркөмөнөң хәрби инспектор-советнигы. 1992 йылдың май айында ул тарҡалғас — Рәсәй Федерацияһының Оборона министры ҡарамағында, күпмелер ваҡыт Рәсәй Федерацияһы Президентының хәрби кәңәшсеһе була. Өсөнсө тапҡыр хәрби реформа проекты өҫтөндә эшләй. Ғәскәрҙәр менән етәкселек итеүҙә Оборона министрлығының административ функцияларын ҡыҫҡартыуҙы һәм Генераль штабтың ролен көсәйтеүҙе, дивизия һәм полк звеноларын бөтөрөп, армияны бригада ойошмаларына күсереүҙе, хеҙмәт срогын ҡыҫҡартыуҙы планлаштыра. Барыһы ла тиерлек Рәсәй Оборона министрлығы етәкселеге тарафынан кире ҡағыла, шунан һуң 1993 йылдың декабрь айында-запасҡа, ә 1994 йылдың мартында отставкаға сыға.

2008 йылда ойошторолған Генераль инспекторҙар хеҙмәтендә Рәсәй Федерацияһы Оборона министрлығында Генераль инспекторҙар идаралығының Генераль инспектор була.[6].

Мәскәүҙә йәшәй. СССР Юғары Советының 11-се саҡырылыш депутаты (1984—1989). СССР-ҙың халыҡ депутаты (1989—1991), халыҡ-ара эштәр буйынса СССР Юғары Советы Комитеты ағзаһы. 1992 йылдан алып — Рәсәй Федерацияһы хөкүмәте һәм Рәсәй Федерацияһы Президенты ҡарамағындағы Эксперт советы ағзаһы була. Бер нисә йәмәғәт ойошмаларында әүҙем эшләй.

Күп ғилми хеҙмәттәр авторы, шул иҫәптән «Искусство военной хитрости» (1983), «Ставка на хитрость» (1984), «Информация в экономическом противоборстве систем» (1985), «Военная хитрость в истории войн» (1987), «Место и роль информации» (1987), «Воспитание чести и достоинства в Российской армии» (1988), «Военная реформа: связь времён» (1991), «Военная хитрость» (1992), «Военная хитрость и внезапность», «Энергия власти — Александр I и Наполеон» (2011), йыйынтыҡтарҙа һәм хәрби журналдарҙа 200-ҙән ашыу мәҡәләләре бар.

Бүләктәре[үҙгәртергә | вики-тексты үҙгәртергә]

СССР һәм Рәсәй[үҙгәртергә | вики-тексты үҙгәртергә]

Сит ил дәүләттәре[үҙгәртергә | вики-тексты үҙгәртергә]

  • «Ватан алдындағы ҡаҙаныштары өсөн» алтын орден (Германия Демократик Республикаһы)
  • миҙалдар

Әҙәбиәт[үҙгәртергә | вики-тексты үҙгәртергә]

  • Военная энциклопедия в 8-ми томах. М.: Военное издательство, 1994—2004. — Т. 4.

Иҫкәрмәләр[үҙгәртергә | вики-тексты үҙгәртергә]

  1. http://www.assembly.coe.int/nw/xml/AssemblyList/MP-Details-EN.asp?MemberID=6092
  2. Указ Президента СССР «О назначении Лобова В. Н. начальником Генерального штаба Вооруженных Сил СССР — первым заместителем Министра обороны СССР» № УП-2450 от 23.08.1991.
  3. УКАЗ Президента СССР от 01_10_1991 N УП-2634
  4. Указ Президента СССР от 25 декабря 1991 года № УП—3162
  5. УКАЗ Президента СССР от 07_12_1991 N УП-3000
  6. Служить на благо Отечества

Һылтанмалар[үҙгәртергә | вики-тексты үҙгәртергә]