Матсалу (милли парк)
| Матсалу милли паркы | |
|---|---|
| эст. Matsalu rahvuspark | |
 Матсалу ҡултығына күренеш | |
| Төп мәғлүмәт | |
| Майҙаны | 486,1 |
| Нигеҙләнгән ваҡыты | 1957 йыл |
| Урынлашыуы | |
| 58°45′36″ т. к. 23°35′49″ кс. о.HGЯO | |
| Яҡындағы ҡала | Лихула |
keskkonnaamet.ee/matsa-e… | |
 Матсалу Викимилектә | |
Матсалу милли паркы — Эстонияның көнбайыш өлөшөндә, Казари йылғаһының түбәнге ағымында, Балтик диңгеҙенең Матсалу ҡултығының яр буйы һыҙатында һәм Моонзунд архипелагының 50 утрауында урынлашҡан милли парк.
Тарихы
[үҙгәртергә | сығанаҡты үҙгәртеү]Матсалу милли паркына тәбиғәт комплекстарын һәм ҡоштарҙың төрлө фаунаһын һаҡлау өсөн орнитология заказнигы һәм һунарсылыҡ буйынса уҡыу-тәжрибә хужалығы (тәүҙә ҡурсаулыҡ булараҡ) базаһында 1957 йылда нигеҙ һалына (яҡынса 280 төрө, шул иҫәптән 160-тан ашыуы оя ҡора). Парктың хәҙерге биләмәһендә орнитологик тикшеренеүҙәр 1870 йылдан алып барыла.
Географияһы
[үҙгәртергә | сығанаҡты үҙгәртеү]
Матсалу милли паркы илдең көнбайыш өлөшөндә урынлашҡан. Парктың территорияһы 486,1 км2 тәшкил итә. Парк үҙ эсенә Матсалу ҡултығын, Казари йылғаһы дельтаһын һәм түбәнге ағымын, тирә-яҡ яр буйы болондарын, ҡамышлы ҡыуаҡлыҡтарҙы һәм урмандарҙы ала[1]. Ҡултыҡтың оҙонлоғо — 18 км, киңлеге — 6 км, әммә тәрәнлеге 1,5 метрҙан артмай[2].
Төрҙәр төрлөлөгө
[үҙгәртергә | сығанаҡты үҙгәртеү]Парктың фаунаһында 275 төр[2] ҡош, 49 төр балыҡ һәм 47 төр имеҙеүселәр иҫәпләнә. Матсалула 772 төр көпшәле үҫемлектәр үҫә.
Көнбайыш Эстония яры буйлап күсмә ҡоштарҙың мөһим миграция маршруттарының береһе үтә. Ҡурсаулыҡта бигерәк тә һыу ҡоштары һәм һаҙ ҡоштары күп. Унда ҡаңғылдаҡ аҡҡоштар, төньяҡ өйрәктәре һәм ваҡ сарлаҡтар осоп үтә. Урман ҡамыштарында ышылдаҡ аҡҡош, ала ҡаҙ оя ҡора. Үләнле болондарҙа йылға өйрәктәре оя ҡора, куликтар күп. Утрауҙарҙа гага, ала өйрәк, аласабыр, аҡсарлаҡ һәм сарлаҡтартар һәм башҡалар оя ҡора.
Галерея
[үҙгәртергә | сығанаҡты үҙгәртеү]
Ҡоштарҙы күҙәтеү станцияһы
Матсалу милли паркы
Ҡоштар яр буйында
Иҫкәрмәләр
[үҙгәртергә | сығанаҡты үҙгәртеү]- ↑ Matsalu rahvuspark | Kaitsealad. kaitsealad.ee. Дата обращения: 10 сентябрь 2020. Архивировано 9 сентябрь 2020 года.
- 1 2 Национальный парк Матсалу // 501 уголок дикой природы, который надо посетить. — Москва: Арт-Родник, 2010. — 544 с. — ISBN 978-5-404-00261-4.
Әҙәбиәт
[үҙгәртергә | сығанаҡты үҙгәртеү]- Матсалуские луга, острова и птицы: (Матсалуский заповедник) / Пер. с эст. М. Вавик; Обложка В. Тыниссона; Глав. упр. лесного хозяйства и охраны природы Совета министров Эстонской ССР. — Таллин: Эстонское гос. изд-во, 1964. — 48 с. — 10 000 экз.
- Заповедник Матсалу // Заповедники Прибалтики и Белоруссии / В. Г. Виноградов, Е. М. Голубева, А. А. Куллапере и др.; Отв. ред.: В. Е. Соколов, Е. Е. Сыроечковский. — М.: Мысль, 1989. — 320 с. — (Заповедники СССР). — ISBN 5-244-00317-8.
Һылтанмалар
[үҙгәртергә | сығанаҡты үҙгәртеү]- matsalu.ee — Матсалу (милли парк) рәсми сайты
- Карта парка 2007 йыл 29 сентябрь архивланған.
- Фестиваль фильмов о природе в Матсалу. Архивировано из оригинала 18 август 2007 года.
- Птицы (PDF). Архивировано из оригинала 29 сентябрь 2007 года.
- Растения парка (PDF). Архивировано из оригинала 25 февраль 2009 года.
- Туризм в парке. Архивировано из оригинала 14 сентябрь 2011 года.
