Ҡыҙылғанат

Ҡыҙылғанат —(рус. Краснопёрка, сороча, краснопёрая плотва, краснокры́лики красногла́зка) (лат. Scardinius erythrophthalmus) һаҙандар төркөмөнә ҡараған, йылыраҡ һыуҙы яратыусы, йылға балығы. Европа һәм Урта Азияла киң таралған. Төняҡ, Балтик, Ҡара, Каспий, Арал диңгеҙҙәренә ҡойған йылға-күлдәрҙә йәшәй. Башҡортостандың көньяҡ райондарында йышыраҡ осрай. Себерҙә осрамай.

Яңы Зеландияла һәм Канадала урындағы балыҡтарҙы бөтөрөүсе зарарлы балыҡ тип иҫәпләйҙәр.

Ҡыҙылғанат матур балыҡ, ҡанаттары ҡып-ҡыҙыл, арҡаһы ҡара йәшел, эреләренең тәңкәләре һарғылтыраҡ төҫтә була. Был балыҡ, бөжәктәр менән туйына. Оҙонлоғо 51 см-ға, ауырлығы 2 кг-дан артып китеүе мөмкин.