Сәйәхәт

Испанияның Овьедо ҡалаһындағы «Сәйәхәтсе» статуяһы

Сәйәхәт — ниндәй ҙә булһа бер биләмә (территория) йәки акватория буйлап уларҙы өйрәнеү, үҙенсәлектәре менән танышыу маҡсатында йөрөү (хәрәкәт итеү). Сәйәхәттең маҡсаттары башҡа төрлө лә булырға мөмкин. Сәйәхәт яһаусы йәки яһаған кеше сәйәхәтсе атамаһын алған.

XIX быуатҡа тиклем теге йәки был ил тураһында мәғлүмәт алыуҙың төп сығанағы нәҡ сәйәхәт булған. Уның ярҙамында Ерҙең төрлө өлөштәре хаҡында бөгөн беҙ ҡулланған белем тупланған. Сәйәхәтселәр төрлө дәүләттәрҙең тарихы һәм тәбиғәте, халҡы һәм уның күп яҡлы эшмәкәрлеге тураһында белешмә менән таныша ала.

Антика дәүеренән, мәҫәлән, Боронғо Греция тарихсыһы Геродоттың (б. э. т. 484 — б. э. т. 425), Искәндәр Зөлҡәрнәйҙе (Александр Македонский) хәрби походтарында оҙатып йөрөгән ғалимдарҙың сәйәхәт тасуирламалары һаҡланып ҡалған.

Хәҙерге заман сәйәхәттәре күп төрлө һәм махсус телетапшырыуҙарҙа («Клуб путешественников»), документаль фильмдарҙа һәм сериалдарҙа («Одноэтажная Америка») яҡтыртыла.

Шулай уҡ ҡарағыҙ

• Туризм

Һылтанмалар

• Б. Успенский. Дуалистический характер русской средневековой культуры (на материале «Хожения за три моря» Афанасия Никитина) // Успенский Б. А. Избранные труды. Т. 1. Семиотика истории. Семиотика культуры. — М.: «Гнозис», 1994, с. 254—297
• Е. Скворцова. Понятие «Митиноку» как физическое и духовное путешествие художника (Япония) // География искусства. Сборник статей. Вып. II. М., 1998, с. 9-25