Шәкүров Рәшит Закир улы: өлгөләр араһындағы айырма

Википедия — ирекле энциклопедия мәғлүмәте
Эстәлек юйылған Эстәлек өҫтәлгән
Айсар (фекер алышыу | өлөш)
аныҡлаштырыу
әҮҙгәртеү аңлатмаһы юҡ
2 юл: 2 юл:
|Имя = Рәшит Шәкүр
|Имя = Рәшит Шәкүр
|Оригинал имени = Шәкүров Рәшит Закир улы
|Оригинал имени = Шәкүров Рәшит Закир улы
| Изображение = Рашит-шакур.jpg
| Изображение = Рашит-шакур.jpg
|Ширина =
|Ширина =
|Подпись =
|Подпись =

15:17, 23 ноябрь 2016 өлгөһө

Рәшит Шәкүр
Шәкүров Рәшит Закир улы
Тыуған көнө

11 ғинуар 1937({{padleft:1937|4|0}}-{{padleft:1|2|0}}-{{padleft:11|2|0}}) (87 йәш)

Тыуған урыны

Башҡорт АССР-ы Әлшәй районы[1] Яңы Абдрахман (Түбәнге Сумар) ауылы

Ил

СССРРәсәй флагы

Ғилми даирәһе

Филология

Ғилми дәрәжәһе

Филология фәндәре докторы

Ғилми исеме

Профессор

Награда һәм премиялары
Салауат Юлаев ордены
Салауат Юлаев исемендәге премияһы
Салауат Юлаев исемендәге премияһы
Зәйнәб Биишева исемендәге премия лауреаты
Зәйнәб Биишева исемендәге премия лауреаты

Рәшит Шәкүр (тулы исеме — Рәшит Закир улы Шәкүров, 11 ғинуар 1937 — башҡорт шағиры, тел һәм әҙәбиәт белгесе, публицист; Башҡортостан Республикаһының Салауат Юлаев исемендәге дәүләт премияһы лауреаты (2012), Салауат Юлаев ордены кавалеры (2007), Башҡортостан Республикаһының атҡаҙанған фән эшмәкәре (1997). 1961 йылдан СССР-ҙың Журналистар, 1978 йылдан — Яҙыусылар союздары ағзаһы.

Тормошо

1937 йылдың 11 ғинуарында Әлшәй[1] районы Яңы Абдрахман (Түбәнге Сумар) ауылында тыуған.

Ауылда ете йыллыҡ мәктәпте тамамлағас, нефть техникумында уҡый, промыслыла оператор булып эшләй, армияла хеҙмәт итә. 1965 йылда Башҡорт дәүләт университетын ҡыҙыл дипломға тамамлай. Һуңынан СССР Фәндәр академияһының Тел ғилеме институтында аспирантурала уҡый һәм 1974 йылда кандидатлыҡ, һуңынан докторлыҡ диссертацияһын яҡлай.

«Башҡортостан» гәзитендә әҙәбиәт һәм сәнғәт бүлеге мөдире, Рәсәй Фәндәр академияһы Өфө ғилми үҙәгенең Тарих, тел һәм әҙәбиәт институтында өлкән ғилми хеҙмәткәр булып эшләй. БАССР Яҙыусылар союзы идараһында, «Ағиҙел» журналы, «Башҡорт энциклопедияһы» ғилми нәшриәтендә яуаплы вазифалар башҡара. 1992 йылда Башҡортостанда энциклопедия төҙөү эшен йәнлендереп ебәрә. «Башҡорт энциклопедияһы» ғилми нәшриәте директоры булып эшләй. Уның редакцияһында «Башҡортостан: Ҡыҫҡаса энциклопедия» сыҡты, ул шулай уҡ алты томлыҡ «Башҡорт әҙәбиәте тарихы» авторҙарының береһе.

Ғилми хеҙмәттәре

Рәшит Шәкүр — 180-дән артыҡ ғилми хеҙмәт авторы. Уның фәнни эҙләнеүҙәре Башҡортостан топономикаһын өйрәнеүгә бағышланған. 1998 йылдан бөгөнгө көнгә тиклем М. Аҡмулла исемендәге Башҡорт дәүләт педагогия университетының башҡорт теле кафедраһы профессоры.

Әҙип, публицист һәм ғалим булараҡ, өс тиҫтәгә яҡын китап сығарған, шул иҫәптән: 10 шиғыр һәм публицистика йыйынтығы; 7 башҡорт әҙәбиәте, фольклоры, топонимияһы һәм диалектологияһы буйынса монография; күп һанлы ғилми-популяр хеҙмәттәр. 1996 һәм 1997 йылдарҙа уның мөхәррирлеге аҫтында башҡорт һәм урыҫ телдәрендә «Башҡортостан» ҡыҫҡа энциклопедияһы донъя күрҙе.

Рәшит Шәкүр бөйөк башҡорт шағиры һәм мәғрифәтсеһе Аҡмулланың ижадын һәм тормошон өйрәнеп «Шиғриәт йондоҙо: Мифтахетдин Аҡмулла» (1981) тигән монография яҙҙы.

Башҡорт фольлоры тураһында «Сыңрау торналар иле» (1996) тигән китабы донъя күрҙе, уның шиғри шәлкемдәре, төрлө темаға яҙылған публицистик һәм ғилми мәҡәләләре республика гәзит һәм журналдарында даими баҫылып тора.

2012 йылда «Ыласындар оса бейектә» китабы өсөн Рәшит Шәкүргә Башҡортостан Республикаһының Салауат Юлаев исемендәге дәүләт премияһы (2012) бирелде. Ул шулай уҡ Салауат Юлаев ордены кавалеры (2007).

Шиғри йыйнтыҡтары

  • «Йөрәгемдә - ҡояш» (1970)
  • «Шиғриәт йондоҙо» (1981, 1996, 2006)
  • «Тауҙарым, далаларым» (1982)
  • «Ерҙең хәтер китабы» (1984)
  • «По следам географических названий» (1986)
  • «Заманалар юлында» (1988)
  • «Исемдәрҙә - ил тарихы» (1993)
  • «Сыңрау торналар иле. Мәҡәләләр һәм очерктар» (1996)
  • «Башкортостан: Краткая энциклопедия» (1996)
  • «Башҡортостан: Ҡыҫҡаса энциклопедия» (1997)
  • «Малин-ҡала» (1997)
  • «Арҙаҡлы башҡорттар» (1998, 2006)
  • «Быуаттар аманаты» (2002)
  • «Истоки духовности. Исследования. Публицистика» (2009)
  • «Ыласындар оса бейектә» (2011)
  • «Башҡорт диалектологияһы» (2011)

Маҡтаулы исемдәре һәм башҡа бүләктәре

Иҫкәрмәләр

Сығанаҡтар