Молодцов Геннадий Порфирьевич

Википедия — ирекле энциклопедия мәғлүмәте
Унда күсергә: төп йүнәлештәр, эҙләү
Молодцов Геннадий Порфирьевич
Тыуған көнө:

22 сентябрь 1926

Тыуған урыны:

БАССР-ҙың Стәрлетамаҡ кантоны (хәҙер Башҡортостан Республикаһының Ғафури районы) Михайловка ауылы

Вафат булған көнө:

8 сентябрь 1983

Вафат булған урыны:

ВҠалып:БУ

Гражданлығы:

Совет Социалистик Республикалар Союзы СССР
Рәсәй Рәсәй

Эшмәкәрлеге:

шағир

Молодцов Геннадий Порфирьевич (22 сентябрь 1926 — 8 сентябрь 1983) — шағир. СССР Яҙыусылар союзы ағзаһы (1966).

Биографияһы[үҙгәртергә | вики-тексты үҙгәртергә]

Молодцов Геннадий Порфирьевич 1926 йылдың 22 сентябрендә БАССР-ҙың Стәрлетамаҡ кантоны (хәҙер Башҡортостан Республикаһының Ғафури районы) Михайловка ауылында крәҫтиән ғаиләһендә тыуған. Уның үҫмер, мәктәп һәм талип булған сағы Өфөлә үтә.

Г. К. Орджоникидзе исемендәге Өфө нефть институтына уҡырға инә, әммә атаһының вафатынан һуң уҡыуын ҡалдырып, Ғафури районына ҡайта һәм мәктәптә уҡыта башлай[1]. Стәрлетамаҡ уҡытыусылар институтын ситтән тороп тамамлай (1954). 1948 йылдан алып Ғафури районының Ҡормантау тулы булмаған урта мәктәбендә уҡыта, артабан Ҡормантау тулы булмаған урта мәктәп директоры итеп тәғәйенләнә. Ғаиләһе (ҡатыны һәм ике балаһы) менән ябай ер өйҙә йәшәй. Мәктәп музейында 1949 йылғы фотография һаҡлана: Ҡормантай уҡытыусылары араһында Молодцов та бар[2]. 1954—1968 йылдарҙа Софья тулы булмаған урта мәктәбе директоры. Софья ауылында йәшәү өсөн шарттар яҡшыраҡ була, ғаиләлә тағы ла өс бала донъяға килә. Мәктәптә Геннадий Молодцов әҙәби түңәрәк ойоштора[3]. Софья ауылында шағирҙың илһам шишмәләре тулыша һәм бик күп ижад итә.

Ижады[үҙгәртергә | вики-тексты үҙгәртергә]

Геннадий Молодцовтың тәүге шиғырҙары Ғафури районының «Ударник» гәзитендә 1950 йылдарҙың башында күренә башлай. Ул шиғырҙары өҫтөндә бик оҙаҡ, ентекле эшләй. 1958 йылда Өфөлә «Йәштәргә — һүҙ» («Слово молодым») йыйынтығы сыға һәм унда Молодцовтың бер нисә шиғыры баҫыла. «Минең һуҡмағым» («Моя тропинка») исемле тәүге китабы 1959 йылда сыға. «Тоғролоҡ» («Верность»; 1964), «Бер ҡатлы йорт» («Одноэтажная улица»; 1966), «Бөгөл» («Излучина»; 1969) «Ете сәскә» («Семицветие»; 1971), «Ҡара-ҡаршы тороу» («Противостояние»; 1974) «Ҡайтыу» («Возвращение»; 1983) һәм башҡа шиғри йыйынтыҡтар авторы. Геннадий Порфирьевичтың ижады юғары гражданлыҡ һәм илһөйәрлек менән һуғарылған. Уның хәйләһеҙ һәм ихлас шиғырҙары тыуған ергә һөйөүҙе тасуирлай, ябай кешеләрҙең хеҙмәтен, эскерһеҙ дуҫлыҡ һәм иптәшлек хисен данлай, кеше һәм илдең яҙмыштары тураһында уйланыуҙарҙы үҙ эсенә ала.

Баязит Бикбай, Рәми Ғарипов, Ҡадир Даян, Сәйфи Ҡудаш һәм башҡа башҡорт шағирҙарының әҫәрҙәрен урыҫ теленә тәржемә иткән.

Геннадий Молодцов 1983 йылдың 8 сентябрендә Өфөлә вафат була.

Иҫкәрмәләр[үҙгәртергә | вики-тексты үҙгәртергә]

Һылтанмалар[үҙгәртергә | вики-тексты үҙгәртергә]

  • [3] Видные поэты Башкортостана: Геннадий Молодцов (К 90-летию со дня рождения).
  • [4] МОЛОДЦОВ ГЕННАДИЙ ПОРФИРЬЕВИЧ.