Муратов Александр Александрович (гинеколог)

Википедия — ирекле энциклопедия мәғлүмәте
Перейти к навигации Перейти к поиску
Муратов Александр Александрович (гинеколог)
Рәсем
Заты ир-ат
Гражданлығы Flag of Russia.svg Рәсәй империяһы
Тыуған көнө 18 июль 1851({{padleft:1851|4|0}}-{{padleft:7|2|0}}-{{padleft:18|2|0}})
Тыуған урыны Рәсәй империяһы, Рязань губернаһы[d]
Вафат булған көнө 1918
Һөнәр төрө гинеколог
Эшмәкәрлек төрө гинекология[d]
Эш биреүсе Дерптский университет[d]
Мәскәү император университеты[d]
Изге Владимир Император университеты[d]
Уҡыу йорто М. В. Ломоносов исемендәге Мәскәү дәүләт университеты
Мәскәү университетының медицина факультеты[d]
Ғилми дәрәжә медицина докторы[d]
Маҡтаулы исемдәре һәм башҡа бүләктәре
орден Святой Анны II степени орден Святого Станислава II степени орден Святого Владимира III степени

Муратова Александр Александрович (1851—1918) — урыҫ акушеры һәм гинекологы, Киев университетының атҡаҙанған профессоры.

Биографияһы[үҙгәртергә | вики-тексты үҙгәртергә]

Гимназияны һәм Мәскәү университетының медицина факультетын (1875) тамамлай. Университетты тамамлағандан һуң, университеттың акушерлыҡ клиникаһының штаттағы ординаторы итеп һайлана. 1877—1878 йылдарҙағы рус-төрөк һуғышы ваҡытында Лефортово госпиталендә ординатор була.

1879 йылда «Материалы для акушерской статистики города Москвы» темаһына диссертация яҡлай һәм медицина докторы дәрәжәһе ала. 1886 йылда Мәскәү университетының акушерлыҡ һәм гинекология кафедраһы буйынса приват-доцент итеп тәғәйенләнә. 1891 йылда Екатерина дауаханаһында гинекология бүлеген етәкләй, унда үҙенең уҡытыусылыҡ эшмәкәрлеген күсерә.

1898 йылда Юрьев университетының акушерлыҡ һәм гинекология кафедраһы буйынса экстраординар профессор итеп тәғәйенләнә, ә 1901 йылда — Изге Владимирҙың Киев университетына күсерелә. 1917 йылға тиклем акушерлыҡ һәм гинекология кафедраһын етәкләй, атҡаҙанған ординар профессор исеменә лайыҡ була (1912). Шулай уҡ медицина факультеты секретары була. Тулы хоҡуҡлы статский советник чинына ирешә (1907). 2-се дәрәжә Изге Станислав (1900), 2-се дәрәжә Изге Анна (1904) һәм 3-се дәрәжә Изге Владимир (1911) ордендарына лайыҡ була.

Университеттан тыш Самарит ҡатын-ҡыҙҙар курсында уҡыта, Киевта Юғары ҡатын-ҡыҙҙар курстарының медицина бүлеген асыу инициаторҙарының береһе була. Шулай уҡ Киев университеты ҡарамағындағы акушерлыҡ-гинекология клиникаһы һәм акушерлыҡ мәктәбе директоры. Бынан тыш, университет янындағы физика-медицина йәмғиәте рәйесе, акушер-гинекология йәмғиәте рәйесе, йоғошло ауырыуҙар менән көрәшеү йәмғиәте рәйесе ярҙамсыһы, хайуандарҙы яҡлау йәмғиәтенең Киев бүлеге вице-рәйесе, халыҡ-ара акушерлыҡ һәм гинекология конгресының ғүмерлек ағзаһы булып тора. Киев урыҫ милләтселеге клубының тулы хоҡуҡлы ағзаһы була (1912).

1917 йылдан һуң яҙмышы билдәһеҙ.

Хеҙмәттәре[үҙгәртергә | вики-тексты үҙгәртергә]

  • Материалы для акушерской статистики города Москвы. — М., 1879;
  • К учению о внематочной яичниковой беременности // «Журнал акушерства и женских болезней». — 1889, № 6;
  • К лечению внематочной беременности в начальных стадиях её развития. — М., 1893;
  • К вопросу о различных изменениях в организме женщин после удаления маточных придатков. — М., 1894;
  • Очерки клинических наблюдений над внематочной беременностью. — СПб., 1896;
  • Введение в курс акушерства и гинекологии в связи с клиническими методами преподавания. — Юрьев, 1898;
  • Клинические лекции по акушерству и гинекологии, читанные студентам Императорского Юрьевского университета. — Юрьев, 1900;
  • К вопросу о пределах хирургического вмешательства в области гинекологии и акушерства. — Киев, 1901;
  • К вопросу об образовании мужской уретры у больной эписпадией, соединенной с расщеплением лонного соединения // Русский Врач. — 1902;
  • Причины сравнительной слабости организма современной женщины. — Киев, 1904.

Сығанағы[үҙгәртергә | вики-тексты үҙгәртергә]