Әхмәтов Мөхәмәтхәй Әхмәт улы

Википедия — ирекле энциклопедия мәғлүмәте
(Мөхәмәтхәй Әхмәт улы Әхмәтов битенән йүнәлтелде)
Перейти к навигации Перейти к поиску
Әхмәтов Мөхәмәтхәй Әхмәт улы
Тыуған көнө:

1942({{padleft:1942|4|0}})

Тыуған урыны:

БАССР, Ҡыйғы районы, Аблай ауылы

Вафат булыу көнө:

1995({{padleft:1995|4|0}})

Гражданлығы:

СССР, Россия

Ғилми өлкәһе:

башҡорт теле

Ғилми дәрәжәһе:

филология фәндәре кандидаты

Ғилми исеме:

доцент

Уҡыу йорто:

Башҡорт дәүләт университеты

Мөхәмәтхәй Әхмәт улы Әхмәтов (1942—1995) филология фәндәре кандидаты, доцент.

Биографияһы[үҙгәртергә | вики-тексты үҙгәртергә]

Башҡортостандың, Ҡыйғы районы Аблай ауылында урман эше хеҙмәткәре ғаиләһендә донъяға килә. Ауылында урта мәктәпте тамамлай, 1959 йылда Башҡорт дәүләт университетының башҡорт-рус бүлегенә уҡырға инә. 1964 йыл университетты уңышлы тамамлай һәм үҙҙөренең районына уҡытыусылыҡ эшенә ебәрелә. Ике йыл эшләгәс, ул армия сафына алына, унда бер йыл хеҙмәт иткәндән һуң, ҡайтып үҙ ауылында эшләй башлай.

1967 йыл Башҡорт дәүләт университетының башҡорт теле кафедраһына аспирантураға саҡырыла һәм боронғо төрки тамға яҙыуҙы өйрәнеү маҡсатында уҡырға Алма-Атаға, Ҡаҙагстан академияһының Тел ғилми-тикшеренеү институтына ебәрелә. 1970 йыл кандидатлыҡ дәрәжәһенә ваҡытынан алда диссертация яҡлап университетҡа ҡайта. Университеттың башҡорт теле кафедраһында 25 йыл буйына студенттарға тәрән йөкмәткеле лекциялар уҡый, уларҙың диплом эштәренә етәкселек итә.

М. Ә. Әхмәтов «Орхон-Йәнәсәй яҙма телендә ҡылым һәм башҡорт теленә мөнәсәбәте» исемле рус телендә монография сығарҙы. Ул Волга буйы һәм Урал регионында Орхон-Йәнәсәй тамға яҙыуы буйынса берҙән-бер уникаль белгес булды.

Әҙәбиәт[үҙгәртергә | вики-тексты үҙгәртергә]

«Башҡортостан. Ҡыҫҡаса энциклопедия».