Октябрь районының Тарихи-крайҙы өйрәнеү халыҡ музейы

Википедия — ирекле энциклопедия мәғлүмәте
Унда күсергә: төп йүнәлештәр, эҙләү
Октябрь районының Тарихи-крайҙы өйрәнеү халыҡ музейы
Асылған ваҡыты 1967 йыл
Урынлашыуы Ростов өлкәһе, Октябрь районы, Каменоломни ҡасабаһы
Директор Кислякова Оксана Викторовна

Октябрь районының Тарихи-крайҙы өйрәнеү халыҡ музейыРостов өлкәһе Октябрь районының Каменоломни ҡасабаһы музейы.

Адресы: 346480, Ростов өлкәһе, Октябрь районы, Каменоломни ҡасабаһы, Шоссейная тыҡырығы, 10.

Тарихы һәм һүрәтләнеше[үҙгәртергә | вики-тексты үҙгәртергә]

1967 йылдың 9 майында Ростов өлкәһенең КПСС райкомы бюроһы һәм Октябрь районы райисполкомы ҡарарына ярашлы, Каменоломни ҡасабаһында Хәрби дан музейы ойошторола. Ул Тимер юлсылар мәҙәниәт йортоноң бер бүлмәһендә урынлаша. Ул ваҡытта музейҙа пионерға һәм ВЛКСМ сафына ҡабул итеү тантаналары үткәрелә. Йәмәғәт башланғысында музей менән Н. Г. Суворов етәкселек итә һәм 10 йыл дауамында (19671977 йылдың октябре) уның директоры була, экспонаттар һәм материалдар йыйыу буйынса ҙур эш башҡара.

Һуңынан ҡасабала музей өсөн яңы бина төҙөлә. 1978 йылда Г. Н. Суворов вафат булғандан һуң, музей ҡараусыһыҙ ҡала, һөҙөмтәлә бик күп экспонаттар һәм документтар юғала.

1987 йылда музей ҡабаттан асыла. Директор итеп Тимофей Петрович Присухин тәғәйенләнә. Коллекцияны тергеҙеүҙә уға элеккесә хәрби комиссар, подполковник И. Н. Касьянов ярҙам итә. 1987 йылдың майынан алып музей экспозицияһы ике тапҡыр киңәйтелә, ә 1996 йылда музей өсөн өҫтәмә рәүештә яңы бина бүленә.

Хәҙерге ваҡытта музей ике залында урынлашҡан: тарихи һәм хәрби хеҙмәт даны залы, тарих залы. Музейҙа 9 өыҙыл байраҡ һаҡлана, уның төп фондында 860 һаҡлау берәмеге иҫәпләнә.

Музейҙа бер нисә коллекция тупланған:

  • «Яҙма сығанаҡтар». 19411945 йылдарҙағы Бөйөк Ватан һуғышы наградалары документтары, фронт хаттары, Октябрь районы тарихы тураһында материалдар.
  • «Фотографиялар». Һуғышҡа тиклемге һәм совет осоро фотолары, шәхси фотоальбомдар.
  • «Нумизматика» коллекцияһы. Бөйөк Ватан һуғышының ордендары һәм миҙалдары, ҡатнашыусы билдәләре һ. б.
  • «Тарихи-көнкүреш әйберҙәре» коллекцияһы. Дон казактарының шөғөлө, ғөрөф-ғәҙәттәре тураһында һөйләгән предметтар.
  • «Ҡорал» коллекцияһы. Бөйөк Ватан һуғышы осорондағы ҡорал һәм боеприпастар өлгөләре. Уларҙың барыһы ла Октябрь районы территорияһында табылған.
  • «Сәнғәт» коллекцияһы. Шағирә һәм рәссам А. Д. Киселева картиналары.

1992 йылда Рәсәй Федерацияһының Мәҙәниәт министрлығы музейға «Халыҡ музейы» исемен бирә. Хәҙер ул — «Октябрь (ауыл) районының Тарихи-крайҙы өйрәнеү халыҡ музейы».

Музей эҙәрмәнлек, йәштәрҙе хәрби-патриотик тәрбиәләү буйынса эштәр алып бара. Эш һөҙөмтәһе булып «Беҙҙең бәләкәй Ватан» (Каменоломни ҡасабаһы тураһында), "Дон алды фажиғәһе " (1943 йылдың 14 ғинуарында совет яугирҙары отрядтарының фашистар менән алышы тураһында), «1943 йылда Октябрь (ауыл) районын азат итеү», «Ҡәҙерле яҡташтарым» очерктар баҫмалары тора.

Һылтанмалар[үҙгәртергә | вики-тексты үҙгәртергә]