Норфолк (хәрби-диңгеҙ база)
| Норфолк | |
 | |
| Дәүләт |
 Америка Ҡушма Штаттары |
|---|---|
| Административ-территориаль берәмек | Норфолк |
| Обитатель | Командование сил флота США[d] |
| Рәсми сайт | cnic.navy.mil/norfolksta… |
| Осоу-ултырыу һыҙаты | 10/28 |
 | |
 Норфолк Викимилектә | |
«Норфолк» хәрби-диңгеҙ базаһы — АҠШ хәрби-диңгеҙ көстәре Атлантик флотының төп хәрби-диңгеҙ базаһы. Норфолк ҡалаһында урынлашҡан. Донъяла иң ҙур хәрби-диңгеҙ база булып тора: 2011 йылға унда 75 карап, шул иҫәптән 5 авиаташыусы урынлаша. База акваторияһы 2-се оператив флоттың яуаплылыҡ зонаһында ята.
Хәрби-диңгеҙ база акваторияһының һәм порттың майҙаны — 25,8 км², фарватерҙарҙың килеп инеү тәрәнлеге — 13,8 м тиклем. Фарватер тәрәнлеге хәрби-диңгеҙ базала бөтә кластағы караптарҙың, шул иҫәптән атом авиаташыусыларының да урынлашыуын тәьмин итә. База 20 км дөйөм оҙонлоҡтағы һәм причалдар янында 14 м тиклем тәрәнлектәге 10 причалға, тейәү-бушатыу сараларына, һуғыш кәрәк-яраҡтары складына, нефть һаҡлау урынына эйә.
Был хәрби-диңгеҙ базала АҠШ ҡораллы көстәре юғары командованиеһының һәм Атлантик флот баш командующийының штабы, хәрби-диңгеҙ уҡыу йорттары урынлашҡан. Базанан йыраҡ түгел ете ҡоро һәм өс йөҙмә доктар, шулай уҡ ун алты стапель менән 8 суднолар төҙөү һәм суднолар ремонтлау заводы урынлашҡан.
Әҙәбиәт
[үҙгәртергә | сығанаҡты үҙгәртеү]- Норфолк // Военно-морской словарь / Чернавин В. Н. — М.: Воениздат, 1990. — С. 275. — 511 с. — ISBN 5-203-00174-X.
Һылтанмалар
[үҙгәртергә | сығанаҡты үҙгәртеү]- Официальный сайт (инг.)
- NS Norfolk // globalsecurity.org (инг.)