Нурмөхәмәтов Әнүәр Әбүбәкер улы

Нурмөхәмәтов Әнүәр Әбүбәкер улы
	Нурмөхәмәтов Әнүәр Әбүбәкер улы
Зат	ир-ат
Гражданлыҡ	СССР; Рәсәй
Тыуған көнө	9 май 1943
Тыуған урыны	Башҡорт АССР-ы, РСФСР, СССР; Яңы Уҫман, Байғаҙы ауыл советы, Бөрйән районы, Башҡорт АССР-ы, РСФСР, СССР
Вафат булған көнө	17 март 2009 (65 йәш)
Һөнәр төрө	театр актёры, режиссёр, юғары мәктәп уҡытыусыһы
Уҡыу йорто	Заһир Исмәғилев исемендәге Өфө дәүләт сәнғәт институты
Маҡтаулы исемдәре һәм башҡа бүләктәре	БАССР-ҙың атҡаҙанған сәнғәт эшмәкәре.[d]

Нурмөхәмәтов Әнүәр Әбүбәкер улы (9 май 1943 йыл—17 март 2009 йыл) — театр актёры, режиссёр, юғары мәктәп уҡытыусыһы. 1969 йылдан СССР Театр эшмәкәрҙәре союзы ағзаһы^[1]. Башҡорт АССР‑ының атҡаҙанған сәнғәт эшмәкәре (1983), Башҡортостан комсомолының Ғәлимов Сәләм исемендәге йәштәр премияһы лауреаты (1980)^[2].

Биографияһы[үҙгәртергә | сығанаҡты үҙгәртеү]

Әнүәр Әбүбәкер улы Нурмөхәмәтов 1943 йылдың 9 майында Башҡорт АССР-ының Бөрйән районы Яңы Усман ауылында тыуа. Әнүәр Әбүбәкер улы 1965 йылда — Өфө сәнғәт училищеһын (Ш. Р.Рәхмәтуллин, Р. С. Сыртланов курсы), 1975 йылда Өфө дәүләт сәнғәт институтын (Ғ. Ғ. Ғиләжев курсы) уңышлы тамамлай^[1].

1965 һәм 1968 йылдарҙа — Салауат драма театры актёры, 1975 йылда — режиссёры, 1978 йылдан баш режиссёры, 1987—2004 йылдарҙа «Башҡортостан» ТРК-ның телевидение студияһы режиссёры, баш режиссёры, художество етәксеһе, бер үк ваҡытта 1990—1996 йылдарҙа Өфө дәүләт сәнғәт институты уҡытыусыһы булып эшләй^[3].

Башҡорт драма театры һәм Сибай драма театры сәхнәләрендә спектаклдәр ҡуйған^[3]. Төп ролдәре: Айтуған («Утлы өйөрмә»; дебют, 1965), Артур («Һалдат улы», икеһе лә — Ә. М. Мирзаһитов), Василий («Туй көнө» — «В день свадьбы», В. С. Розов) һ.б. образдар. Нурмөхәмәтов режиссёр эштәренә художество кәүҙәләнешенең ябайлығы, заман темаларына тартылыу, әүҙем гражданлыҡ позицияһы хас. Салауат башҡорт драма театрында — Ф. А. Әсәновтың «Тол ҡатын», Т. Ғ. Миңнуллиндың «Дуҫтар йыйылған ерҙә», Ф. Ә.И ҫәнғоловтың шул уҡ исемле романы буйынса «Арыш башағы»; Башҡорт драма театрында — Ә. Һ. Бикчәнтәевтең «Йәшенле таң» (дебют, 1974), М. Фәйзиҙең «Аҫылйәр»; Сибай башҡорт драма театрында Г. Д. Хугаевтың «Андро менән Сандро» («Андро и Сандро») пьесаһы б‑са «Күрше хаҡы» спектаклдәрен ҡуя. «Ырыуымдың бишек йыры» (1992), «Мине Матросов тип эҙләгеҙ» (2001), «Шәһит Хоҙайбирҙин» («Шагит Худайбердин»; 2006) документаль һәм «Миҙал» (2000) нәфис, шул иҫәптән күп сериялы «Һарығолаҡ» (1990, 1995), «Ай ҡыҙы» (2001, 2002; бөтәһе лә — «Башҡортостан» ТРК‑һы), фильмдары режиссёры^[1].

Бер үк ваҡытта Өфө дәүләт сәнғәт институтында уҡыта. Уның башланғысы менән бында нәфис тапшырыуҙар режиссерҙарын әҙерләү буйынса махсус курс асыла^[3].

2009 йылдың 17 мартында Өфө ҡалаһында вафат була.

Маҡтаулы исемдәре һәм башҡа бүләктәре[үҙгәртергә | сығанаҡты үҙгәртеү]

Башҡорт АССР-ының атҡаҙанған сәнғәт эшмәкәре.
Ғәлимов Сәләм исемендәге премия лауреаты (1980).

Шулай уҡ уҡығыҙ[үҙгәртергә | сығанаҡты үҙгәртеү]

Таң гәзите. 10 май 2023 йыл Табып алынған малай

Иҫкәрмәләр[үҙгәртергә | сығанаҡты үҙгәртеү]

↑ ^1,0 ^1,1 ^1,2 Нурмөхәмәтов Әнүәр Әбүбәкер улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.
↑ Нурмухаметов Анвар Абубакирович
↑ ^3,0 ^3,1 ^3,2 Нурмухаметов Анвар

Сығанаҡтар[үҙгәртергә | сығанаҡты үҙгәртеү]

Нурмөхәмәтов Әнүәр Әбүбәкер улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.

[БЭ-1] 1,0 ^1,1 ^1,2 Нурмөхәмәтов Әнүәр Әбүбәкер улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.

[2] Нурмухаметов Анвар Абубакирович

[Нурмухаметов-3] 3,0 ^3,1 ^3,2 Нурмухаметов Анвар

[1]

[2]

[3]