Портал:Ағымдағы ваҡиғалар/Беҙҙең берләшмә ваҡиғалары

Википедия — ирекле энциклопедия мәғлүмәте
Унда күсергә: төп йүнәлештәр, эҙләү
Башҡортостан викимедиасылары төркөмө
Ағымдағы ваҡиғалар порталына рәхим итегеҙ!


Ағымдағы ваҡиғалар   Киң мәғлүмәт саралары беҙҙең турала/ СМИ о нас/ Media about us   Матди ярҙам /кошелёк/ purse   ru:Текущие события   en:Current events
Архив
Фекер алышыу архивы:

2017[вики-тексты үҙгәртергә]

23 июль 2017[вики-тексты үҙгәртергә]

Табын-фест 2017 06.jpg

Архангел районының Абҙан шарлауығы янында Табын ырыуҙары берләшмәһе һәм Архангель муниципаль районы администрацияһы ойошторған «Табын-фест» йәштәр фестивале үтте. Фестивалгә Башҡортостандың Архангель, Ҡырмыҫҡалы, Ауырғазы, Ғафури, Ҡариҙел, Тәтешле райондарынан һәм Ырымбур өлкәһенән вәкилдәр килде. Фестивалдә халыҡ көнкүреше, кәсепселек, шәжәрә күргәҙмәләре ойошторолдо. Йәштәргә белем биреү маҡсатында экология, иҡтисад һәм башҡа йүнәлештә биш майҙансыҡ эшләне. Һанлы технологиялар майҙансығында Википедия тураһында Зөфәр Сәлихов һөйләне. Тыңлаусыларҙың барыһы ла Википедияның нимә икәнен, башҡорт бүлеге бар икәнен дә белә. Артабан спорт ярыштары үткәрелде. Фестиваль концерт менән тамамланды.

23 июнь 2017[вики-тексты үҙгәртергә]

20-21 июнь 2017[вики-тексты үҙгәртергә]

Башҡорт Википедияһына rita-akbulat етәкселегендә Башҡорт дәүләт педагогия университетында уҡыусы бер төркөм вики-сибәрҙәр килеп ҡушылды. Daniyar12, Агзамова, Иҡсанова Фәниә , Хәйбуллина Фәнүзә, Юлиә Рәфил ҡыҙы, Хамматова Рәхилә, Красавица1993, Рәғинә ханым, Нурсилә Данияр ҡыҙы, Әҡлимә12 менән З. ӘЙЛЕ һәм Рөстәм Нурыев осрашып, Википедия менән таныштырып үтте.

Bashkir wiki beauties 03.jpg
Bashkir wiki beauties 05.jpg
Bashkir wiki beauties 07.jpg
Bashkir wiki beauties 08.jpg
Bashkir wiki beauties 10.jpg
Башҡорт дәүләт педагогия университеты талиптары, викисибәрҙәр менән осрашыу

21 май 2017[вики-тексты үҙгәртергә]

Башҡорт Википедияһында 39 000-се — Халиҡова Рәйсә Хәлил ҡыҙы мәҡәләһе Таңһылыу Ҡыуандыҡова тарафынан яҙылды.

15 май 2017[вики-тексты үҙгәртергә]

«Рәсәйҙе бел. Дондан башла» конкурсына йомғаҡ яһалды. Башҡорт Википедияһы вәкилдәре төрлө кимәлдәге сараларҙа ҡатнашырға лайыҡлы икәндәрен тағы бер тапҡыр иҫбатланы. Сит телдәрҙәге мәҡәләләр номинацияһындағы ете урындың өсәүһен Башҡорт Википедияһы ирекмәндәре яуланы! Икенсе урында Банат Валеева-Яубасарова, дүртенсе урында Таңһылыу һәм алтынсы урында З. ӘЙЛЕ. Еңеүселәрҙе ысын күңелдән ҡотлайбыҙ! Артабан да көслө һәм эшһөйәр төркөм булып үҫербеҙ тип ышанабыҙ.

12-13 май 2017[вики-тексты үҙгәртергә]

Өфө районының Жуково ауылы википедистары

Өфө районының Жуково ауылында Аҡҡашҡа ойошторған вики-осрашыуҙа З. ӘЙЛЕ вики-клуб ағзалары өсөн практик вики-дәрес үткәрҙе. Алдан теркәлеүселәр: Аҡҡашҡа, Зөләйха белемдәрен камиллаштырһа, теркәлеп тә, эш башларға йөръәт итмәүсе rita-akbulat, Таналыҡ, шулай уҡ яңы теркәлеүселәр Нурһылыу, Рита Усманова тәүге аҙымдарын яһаны, мәҡәләләр тәржемә итеп ҡараны. Сарала ҡатнашыусылар белдереүенсә, Википедия менән хеҙмәттәшлек — ҡыҙыҡлы ғына түгел, файҙалы шөғөл, уны тулыландырыу менән бер рәттән, белемеңде лә арттырырға мөмкин. Шулай уҡ википедистар онлайн дәрестәргә ҡарағанда, күҙмә-күҙ ҡарап белем алыуҙың күпкә һөҙөмтәлерәк икәнлеген билдәләне.

4-7 май 2017[вики-тексты үҙгәртергә]

Logo YouTube por Hernando.svg[1] Эстон Википедияһы һәм МАФУН ултырышы. Башҡорт Википедияһы тураһында 28:30 минутта.

24 апрель 2017[вики-тексты үҙгәртергә]

2017 йылдың 24 апрелендә Менәүерә Бохарбаева менән Ләйсән Хәйбулла районы Маҡан ауылында үткән башҡорт теле уҡытыусылары йыйылышында ҡатнашты. Башҡорт телен уҡытыуҙа яңы алымдар ҡулланғанда, Википедияның да ярҙамы тураһында Ләйсән һөйләне. Башҡорт Википедияһында эшләү, мәҡәләләр яҙыу һәм мөхәррирләү күрһәтелде.

23 апрель 2017[вики-тексты үҙгәртергә]

Wiki-award 2017 (2017-04-25) 106.jpg

2017 йылдың 23 апрелендә тантаналы рәүештә сираттағы «Ирекле белем» һәм «Вики-премия 2017» тапшырылды. Уңышлы эшләгән ҡатнашыусыларға премия етенсе тапҡыр тапшырыла. Премия тапшырыу тантанаһы «Экстрополис» Яндекс конференц-үҙәгендә үтте. Коммерцияға ҡарамаған Викимедиа партнёрлығы директоры Владимир Медейко инеш һүҙ менән сығыш яһаны. Кисәне радиожурналист Александр Плющев алып барҙы. Викимедианың төрлө проекттары буйынса премиялар тапшырылды. Рәсәй телдәре номинацияһында Башҡорт Википедияһынан Ryanag лайыҡ булды. Ул 2016 йылда 7196 төҙәтеү эшләгән. Ҡатнашыусы килә алмау сәбәпле, премия Зөфәр Сәлиховҡа тапшырылды. Форсаттан файҙаланып «Башҡортостан 100» беренсе этабында еңгән һәм Башҡорт Википедияһына ярҙам иткән DonSimon, Soul Train, Erzianj jurnalist, JukoFF приздар тапшырылды.

22 апрель 2017[вики-тексты үҙгәртергә]

22 апрелдә Бөрйән районы муниципаль бюджет дөйөм белем биреү учреждениеһы Иҫке Собханғол урта дөйөм белем биреү мәктәбендә Башҡорт Википедияһының Бөрйән районы вики-клубы етәкселәре, әүҙем вики-өләсәйҙәр Һәҙиә, Рәшиҙә Ғизәтуллина иницативаһы менән осрашыу ойошторолдо. Унда Өфөнән З. ӘЙЛЕ ҡатнашты, БашВики хакимы Рөстәм Нурыев менән онлайн конференция үткәрелде. Уҡыусыларға Википедия эшмәкәрлеге тураһында мәғлүмәт бирелгәндән һәм Башҡорт Википедияһы эшмәкәрлегенә презентация үткәрелгәндән һуң, теләүселәр өсөн оҫталыҡ дәресе ойошторолдо. Яңы ҡатнашыусылар Zul8390 һәм Laluu33 теркәлде, техник сәбәптәр арҡаһында барлыҡ теләүселәр теркәлә алманы. Улар менән онлайн дәрестәр үткәрергә килешенде. Осрашыуҙа шулай уҡ бөрйәндәр вики-клуб эшен йәнләндереү, уның ағзалары һанын арттырыу, Википедияла Бөрйән районы порталын булдырыу тураһында ҡарар ителде. Республикала Башҡорт Википедияһына етди иғтибар һәм осрашыу үткәреү өсөн урын биргән уҡыу йорто директоры Гәрәй Миңлеғәле улы Йомағоловҡа, информатика уҡытыусыһы Рөстәм Рәхимйән улы Вәлиуллинға һәм, ғөмүмән, уҡытыусылар коллективына ҙур рәхмәтебеҙҙе белдерәбеҙ һәм артабанғы тығыҙ, емешле хеҙмәттәшлеккә өмөт итәбеҙ. Сараны мәңгеләштергән Айнур Маликовҡа айырым рәхмәт!!!

  • P.S. Көндөң икенсе яртыһында әүҙем ирекмәндәр Таңһылыу менән Вәлимә, тәүге мәҡәлә яҙыусы Резеда29 шәхси консультациялар алды.
Зал тулы.jpg
Рәшиҙә Ғизәтуллина сығыш яһай.jpg
Һәҙиә (Көнһылыу апай) телмәр тота.jpg
"Спекулирую" честными именами Азата Алтынчурина, Семена Красоткина, Олега Абарникова и Дмитрия Ерохина).jpg
Оҫталыҡ дәресе.jpg
Бөрйән районында вики-осрашыу

7 апрель 2017[вики-тексты үҙгәртергә]

V Международный туристический форум "Большой Урал" 07.jpg

7-8 апрелдә «Екатеринбург-ЭКСПО» халыҡ-ара күргәҙмә залында «Ҙур Урал» V Халыҡ-ара туризм форумы үтте. Мәртәбәле оло форумға власть органдарынан, туризм-мәғлүмәт үҙәктәренән вәкилдәр, туризм буйынса Рәсәй һәм сит ил эксперттары, эске һәм тышҡы туризм буйынса туроператорҙар йыйылды. Пленар ултырышта төрлө төбәктәрҙән һәм сит илдәрҙән 3 меңдән ашыу делегат ҡатнашты. Форумға Рәсәй википедистары ла саҡырылғайны. Екатеринбуг, Ҡурған өлкәһе вәкилдәре менән берлектә Башҡорстостандан Зөфәр Сәлихов булды. Пленар ултырышта «Викимедиа РУ» йәмғиәт ойошмаһы ағзаһы Николай Литвинов Уралды популярлаштырыуҙа Википедияның әһәмиәте тураһында сығыш яһаны, «Вики Урал» халыҡ-ара конкурсының I этабы еңеүселәрен бүләкләне. Конкурстың Башҡорт Википедияһындағы өлөшө өсөн бүләктәр Зөфәр Сәлиховҡа тапшырылды.

Форум барышында ваҡиғалар менән бәйле, экологик, эшлекле туризм, һөнәри белем даирәһенә туристик ҡунаҡсыллыҡ системаһын индереү мәсьәләләре күтәрелде. Форум барышында «Ҙур Урал — „Турист сувениры“» фестиваль-конкурсына йомғаҡ яһалды. Финалға 10 сувенир етештереүсе һайлап алынған. Улар араһында башҡорт дебет шәлен етештереүселәр, Силәбе өлкәһе Ҡоншаҡ районында башҡорт милли кейемен кейҙереп, ҡурсаҡ эшләүселәр булды. Туроператорҙар залында ла Башҡортостан үҙ экспозицияһын ҡуйған ине. Байрамды Өфө сәнғәт училищеһынан килгән «Ләйсән» ансамбле башҡорт бейеүҙәре, йыр-моңдары менән биҙәне.

V Международный туристический форум "Большой Урал" 01.jpg
V Международный туристический форум "Большой Урал" 08.jpg
V Международный туристический форум "Большой Урал" 06.jpg
V Международный туристический форум "Большой Урал" 04.jpg
V Международный туристический форум "Большой Урал" 02.jpg
«Ҙур Урал» V Халыҡ-ара туризм форумында

30 март — 2 апрель[вики-тексты үҙгәртергә]

Башҡортостан ирекмәндәре тураһында мәғлүмәт конференцияла ҡатнашыусылар диуарында

Башҡортостан викимедиасыларының ике вәкиле — З. ӘЙЛЕ һәм Visem Берлин ҡалаһында Викимедиа конференцияһында ҡатнашты.

Wikimedia Conference 2017 – Group photo 1 (big).jpg
Wikimedia Conference 2017.4.jpg
Wikimedia Conference 2017.5.jpg
Wikimedia Conference 2017.7.jpg
Берлин викиконференцияһы 2017

23 март 2017 йыл[вики-тексты үҙгәртергә]

Башҡорт Википедияһында 38 меңенсе мәҡәлә яҙылды. «Асмандар гармонияһы» исемле мәҡәләне Әлфиә Аҡбутина тәржемәләй башланы.

12-13 март 2017 йыл[вики-тексты үҙгәртергә]

Бөрйән районы вики-өләсәйҙәре менән Байназар ауылында Ләйсән вики-дәрес үткәрҙе. Әүҙем википедистар Һәҙиә, Таңһылыу, Рәшиҙә Ғизәтуллина, Вәлимә, Магира 62, Ғәзизә60 Башҡорт Википедияһында мәҡәләләр яҙҙы, Эстәлек тәржемәсене ҡулланды, ҡуйылған мәҡәләне мөхәррирләне, категориялар, һылтанмалар ҡуйып ҡараны, оҫталығын үҫтерҙе. Вики-дәреслектә лә эшләнеләр. Рәшиҙә Ғизәтуллина менән Магира 62 Милеккә фотоһүрәттәрен тейәп, уны мәҡәләгә өҫтәне. Рустам1987 исемле ҡатнашыусы теркәлде. Ғәҙәти сәйләү үткәрелде. Байназар ауылына бәйле мәҡәләгә ҡуйыр өсөн фото төшөрөлдө.

Вики-урок.Бурзян1.jpg
Вики-урок.Бурзян2.jpg
Вики-урок.Бурзян3.jpg
Сәйләү.jpg
Бөрйәндә вики-дәрес

25 февраль 2017 йыл[вики-тексты үҙгәртергә]

Табын ырыуының IV йыйыны 63.jpg

Башҡорт халҡы составындағы иң ҙур һәм ҡеүәтле берләшмәне тәшкил иткән Табын ырыуҙары IV йыйынын үткәрҙе. Был берләшмәгә Ҡырмыҫҡалы, Ғафури, Архангел, Учалы, Балтас, Тәтешле, Ауырғазы, Благовар райондарының ҡайһы бер ауылдары ҡарай. Шулай уҡ Ырымбур, Свердловск, Ҡурған, Силәбе өлкәләрендә, Татарстан Рес­публикаһында ла табындар йәшәй. Эшлекле форумға һәм райондан, һәр төбәктән вәкилдәр саҡырылды.

Йыйын «Табын ырыуы вәкилдәре китап донъяһында», «Архив документтарында — Табын ырыуы» күргәҙмәһе менән асылды. Китап, кәсепселек әйберҙәре күргәҙмәһе һәм һатыу ойошторолдо. Шәжәрә байрамына һәр район иң яҡшы, иң төплө шәжәрәләрен алып килде. Йыйын барышында, ырыу тарихы, этносты һаҡлап ҡалыу буйынса төрлө сығыштар булды. Саҡырылған ҡунаҡтар, башҡа ырыуҙарҙың ҡорбаштары һүҙ алды. Википедия тураһында сығышты ла дәртләнеп тыңланылар, йылы ҡабул иттеләр. Һуңында резолюция ҡабул ителде. Йыйын тик табын ырыуҙары вәкилдәре әҙерләгән үҙенсәлекле концерт менән тамамланды.

22 февраль 2017 йыл[вики-тексты үҙгәртергә]

Аҡҡашҡа Дим районында Википедияны пропагандалау эшен ойошторҙо. Ағинәйҙәр ойошмаһының клуб ултырыштарында һәм башҡа төрлө сараларҙа Башҡорт Википедияһы менән таныштыра һәм яңы ҡатнашыусыларҙы саҡыра. Әлбиттә, әүҙем эшләп китерлек кешеләрҙе табыуы еңел түгел. 2016 йылдың декабренән бирле Өфө районы Яңы Жуково ауылында ла Вики-клуб башлап ебәрергә талпыналар. Яңы ҡатнашыусыларға эшләү серҙәрен өйрәтә. З.ӘЙЛЕ лә ярҙам итә, телефон аша консультациялар бирә. Википедия менән ир-аттар ҙа ҡыҙыҡһына.

Лилиә лә үҙенең туғандарын-яҡындарын Википедияға ҡоҙалап маташа. Яңы ҡатнашыусыларға айырым дәрес үткәрә, телефон аша ла ярҙам итә. Вики осрашыуҙан һуң ҡыҙҙар беренсе мәҡәләләрен ҡуйҙылар ҙа инде. Теркәлгән ҡатнашыусылар тырышып эшләй, осрашыуға ла килергә әҙерҙәр.

22 февраль 2017 йыл[вики-тексты үҙгәртергә]

Ҡатнашыусы:Һәҙиә 2017 йылдың ғинуар һәм февраль айҙарында Бөрйән википедистары төркөмөн ойоштороу юҫығында маҡсатлы эш алып барҙы. Яңы ҡатнашыусыларҙы Википедияла эшләргә өйрәтеү буйынса айырым (индивидуаль) дәрестәр үткәрҙе. Яңы ҡатнашыусылар теркәлде: Вәлимә, Лилиә98, Магира 62, Фәриҙә, Ғәзизә60.

21 февраль 2017 йыл[вики-тексты үҙгәртергә]

Белорет ҡалаһының 20-се мәктәбендә Халыҡ-ара туған телдәр кѳнѳнә ҡарата сара уҙҙы. Унда 70-ләп, атап әйткәндә, Белорет районының һәм Белорет ҡалаһының башҡорт теле һәм әҙәбиәте уҡытыусылары, ата-әсәләр, уҡыусылар ҡатнашты. Осрашыуға килеүселәргә башҡорт Википедияһы ирекмәне Эльза Мѳхәмәҙиева виртуаль энциклопедия тураһында дѳйѳм мәғлүмәт еткерҙе, ойошторолған конкурстар, марафондар, викиконференциялар тураһында һѳйләне. Ул башҡорт Википедияһына мәҡәләләр яҙған һәм үҙ тел бүлектәре аша Башҡортостан Республикаһының йәшәйеше, тарихы, йолалары, арҙаҡлы шәхестәре менән таныштырып, башҡорт милләтенең данын арттырған сит милләт ирекмәндәрен үрнәк итеп ҡуйҙы һәм барыһын да Википедияла эшләргә, Дәүләт Думаһы янындағы Йәштәр парламенты иғлан иткән «Бѳтә Рәсәй илһѳйәрҙәре» акцияһына ҡушылып, үҙебеҙҙең «Советтар Союзы Геройҙары», «Социалистик Хеҙмәт Геройҙары», «Рәсәй Федерацияһы Геройҙары», «Рәсәй Федерацияһы Хеҙмәт Геройҙары» тураһында яҙырға һәм шуның менән Википедияның башҡорт телендәге бүлеген артабан үҫтереүгә ниндәйҙер өлөш индерергә саҡырҙы.

20 февраль 2017 йыл[вики-тексты үҙгәртергә]

20 февраля 2017 года прошла встреча Гузаль Ситдыковой с учениками 131-й школы (Шакша). На встрече присутствовали учащиеся школы, изучающие башкирский язык (около 70 детей). Разговор шел о творческой деятельности, также было рассказано и о Башкирской Википедии, детей призвали участвовать в ее создании. Гүзәл Ситдиҡова (әңгәмә) 03:40, 22 февраль 2017 (UTC)

18 февраль 2017 йыл[вики-тексты үҙгәртергә]

  1. Өфө ҡалаһында үткән сираттағы вики-осрашыуҙа барлығы 26 ирекмән ҡатнашты.
  2. 2016 йылға йомғаҡ яһалды һәм 2017 йылға аныҡ маҡсаттар билдәләнде.
  3. Википедия киңлектәрендә ойошторолған конкурс-марафондарҙың көҙгө-ҡышҡы миҙгел һөҙөмтәләре иғлан ителде.
  4. «Кулинария марафоны» һәм «Ҡышҡы БУМ» вики-бәйгеләре еңеүселәре бүләкләнде.
  5. Сибай ҡалаһы, Бөрйән һәм Өфө райондары вики-клубтарына ноутбуктар тапшырылды.
  6. Вики-йәштәрҙе википедистар йәмғиәтенә ҡабул итеү тантанаһы ойошторолдо.
  7. Танышырға килгән ирекмәндәргә Башҡорт Википедияһы ручкаһы һәм оло өмөт бүләк ителде.
  8. Улар Википедияға теркәлде.
  9. Сәй мәжлесе үткәрелде.
  10. Төрлө темаларға фекер алышыу булды.
  11. Бер төркөм википедистар Мәжит Ғафури исемендәге Башҡорт дәүләт академия драма театрының «Нәркәс» спектаклен ҡараны.
2016.02.20 WikiMeeting Ufa.jpg
2016.02.26 WikiMeeting Ufa.jpg
2016.02.38 WikiMeeting Ufa.jpg
2016.02.47 WikiMeeting Ufa.jpg
2016.02.48 WikiMeeting Ufa.jpg
2016.02.50 WikiMeeting Ufa.jpg
2017 йылдың 18 февралендә вики-осрашыу
2016.02.49 WikiMeeting Ufa.jpg
2016.02.31 WikiMeeting Ufa.jpg
2016.02.32 WikiMeeting Ufa.jpg
2016.02.30 WikiMeeting Ufa.jpg
2016.02.27 WikiMeeting Ufa.jpg
Селтәрҙән күстәнәс һәм яңы көстәр
2016.02.41 WikiMeeting Ufa.jpg
2016.02.42 WikiMeeting Ufa.jpg
2016.02.43 WikiMeeting Ufa.jpg
2016.02.44 WikiMeeting Ufa.jpg
2016.02.45 WikiMeeting Ufa.jpg
2016.02.46 WikiMeeting Ufa.jpg
Кулинария китабын яҙыусылар һәм «эш ҡорлалы» алыусылар

13 февраль 2017 йыл[вики-тексты үҙгәртергә]

2000 йылдан алып 21 февраль билдәләнгән Халыҡ-ара туған тел көнөнә арналған сара Сибай ҡалаһының балалар модель китапханаһында ойошторолдо. «Йыр булырлыҡ һүҙҙәр биргән, туған телем рәхмәт һиңә» исемле әҙәби-музыкаль кисәлә 9-сы лицейҙың 7 А класы уҡыусылары (18 бала, класс етәксеһе — М. З. Исхакова) теләк менән ҡатнашты. Башҡорт Википедияһы ирекмәне Ләйсән Аралбаева сығыш яһаны һәм уҡыусыларҙы, төркөмгә ҡушылып, бергә эшләргә саҡырҙы.

12 февраль 2017 йыл[вики-тексты үҙгәртергә]

Рәми Ғариповтың тыуыуына 85 йыл тулыуға бағышлап «Юбилярға Википедия бүләге» проекты рәсми иғлан ителде.
Көн һайын Башҡорт Википедияһының баш битендә ошо даталғы юбилярҙар исемлеге яңыртыла. Шәхес тураһында мәҡәлә булған осраҡта уның фамилияһы — зәңгәр, мәҡәлә булмаған осраҡта ҡыҙыл төҫтә күренә. Әлеге ваҡытта Википедияла бик күп танылған шәхестәр тураһында мәҡәлә юҡ, шуға күрә исемлек башлыса ҡыҙыл төҫлө. Теләге һәм һәләте булған һәр кем үҙ аллы йәки әүҙем вики ирекмәндәр ярҙамында яңы мәҡәлә яҙа, элек яҙылған мәҡәләләргә мәғлүмәт өҫтәй ала.
Юбилей айында йәки бер ай алда яҙылған (тулыландырылған) мәҡәлә бүләк тип һанала. Бүләк иҫәбенә яңы мәҡәлә яҙғанда {{Юбилярға Википедия бүләге|Ҡатнашыусы исеме}} ҡалыбы, ә тулыландырғанда {{Юбилярға Википедия бүләге яҡшыртылған|Ҡатнашыусы исеме}} ҡалыбы мәҡәләнең фекерләшеү битенә ҡуйыла.

11 февраль 2017 йыл[вики-тексты үҙгәртергә]

Башҡорт википедияһы ирекмәне Эльза Мухамадеева «Иҙел башы» Белорет яҙыусылар ойошмаһы ағзалары менән вики-осрашыу уҙғарҙы. Унда Учалы, Белорет һәм Әбйәлил райондарынан 30-65 йәштәге 50-гә яҡын кеше ҡатнашты.

Ижад менән шөғөлләнеүселәргә википедия тураһында дөйөм мәғлүмәт бирелде, унда теркәлеү, эшләү нескәлектәре күрһәтелде. Әңгәмә барышында барыһының да тиерлек виртуаль энциклопедия тураһында әҙ мәғлүмәтле булыуы, уны Башҡорт википедияһы төркөмө менән бутауҙары, проектта ирекмәндәр түгел, ә ғалимдар, төрлө өлкә белгестәре генә эшләй тип яңылыш аңлауҙары асыҡланды.

21 февралдә, Бөтә донъя Халыҡ-ара туған телдәр көнөнә арналған район һәм ҡала кимәлендә үтәсәк сарала ла, википедия тураһында мәғлүмәт бирергә тип планлаштырылды.

Бынан тыш, Белорет ҡалаһы һәм районы мәктәптәре башҡорт теле һәм әҙәбиәте уҡытыусыларының методик берекмәһенең март айында уҙғарыласаҡ ултырышында ла википедияны файҙаланыу, уны дәрес менән бәйләү алымдары буйынса фекер алышыу өсөн тағы бер һөйләшеү ойоштороласаҡ.

1 февраль 2017 йыл[вики-тексты үҙгәртергә]

Белорет ҡалаһының Яныбай Хамматов исемендәге башҡорт гимназияһында район һәм ҡаланың абруйлы кешеләре, башҡорт теле һәм әҙәбиәте уҡытыусылары, мәктәп уҡыусылары менән викиосрашыу уҙҙы. Башҡорт Википедияһы ирекмәне Эльза Мухамадеева йыйылғандарға виртуаль энциклопедия тураһында ентекле мәғлүмәт бирҙе, унда теркәлеү, мәҡәләләр яҙыу, тәржемәләр эшләү нескәлектәре менән таныштырҙы. Уҡытыусылар дәрестәрҙе нисегерәк итеп википедия менән бәйләү, интегратив нигеҙҙә уҡытыу, проектлау, компьютер технологияларын ҡулланыу буйынса тәҡдим-кәңәштәр алды. Уларға Черкассы өлкәһе Шендеровка ауылының әҙәбиәт уҡытыусыһы Валентина Кодоланың уҡытыу процесында файҙаланған эш алымдары миҫал итеп килтерелде. Осрашыуҙа Инйәр 2-се башҡорт мәктәбе уҡытыусыһы Саматова Әлиә Марс ҡыҙы VIII, IX, X класс уҡыусылары менән класс сәғәте үткәрергә планлаштырҙы, Абҙаҡ урта мәктәбендә викиосрашыу уҙғарырға тип хәл ителде. Шулай уҡ, 17-се гимназия уҡытыусыһы Р. З. Әҡсәнова, башҡорт гимназияһы уҡытыусыһы С. М. Ҡаһарманова яҡын арала википедияға теркәлеп, үҙ дәрестәрен википедия менән бәйләп үткәрергә тип ҡарар итте.

28 ғинуар 2017 йыл[вики-тексты үҙгәртергә]

Бөрйән районының Иҫке Собханғол ауылында семинар һәм вики-осрашыу булды. Рөстәм Нурыев һәм З. ӘЙЛЕ лекция һөйләп, оҫталыҡ дәресе үткәрҙе. Урындағы йәмәғәтселек ҙур ҡыҙыҡһыныу менән семинарға килде. Барыһы 18 кеше ҡатнашты, шул иҫәптән яңы иҫәп яҙмаһын булдырҙылар: Серлебикә‎, Зөһрә Йәнбирҙина, Сәлиә58‎, , Дамир Аллабирҙин‎, ДинарБадамшин‎, Роза79‎, Клара Ямгурсина, Рүзилә.

Бөрйәндә вики-семинар 01.jpg
Бөрйәндә вики-семинар 02.jpg
Бөрйәндә вики-семинар