Проект:Юбилярға Википедия бүләге
Юбилярға Википедия бүләге — Башҡортостандың һәм башҡорт халҡының дәүләт йәки йәмғиәт тарафынан танылыу алған шәхестәрен юбилейлы тыуған көндәре менән ҡотлау, арабыҙҙан киткәндәрҙе иҫкә алыу маҡсатында ойошторолған махсус Википедия проекты. Исемлеккә шәхестәр 50 йәштән башлап индерелә. Ниндәйҙер сәбәп менән исемлеккә инмәгән юбиляр хаҡында проект буйынса фекерләшеү битендә тәҡдим яҙырға кәрәк. Юбилярҙар тураһында быға тиклем яҙылған (тәржемә ителгән) мәҡәлә булмаған осраҡта (ҡыҙыл һылтанма) мәҡәлә төҙөргә, булған хәлдә (зәңгәр һылтанма) мәҡәләне тулыландырырға тәҡдим ителә.
Юбилей айында йәки бер ай алда яҙылған (тулыландырылған) мәҡәлә бүләк булып иҫәпләнә. Бүләк иҫәбенә яңы мәҡәлә яҙғанда {{Юбилярға Википедия бүләге|Ҡатнашыусы исеме}} ҡалыбын, ә тулыландырғанда — {{Юбилярға Википедия бүләге яҡшыртылған|Ҡатнашыусы исеме}} ҡалыбын мәҡәләнең фекерләшеү битенә ҡуйығыҙ.
Проектта теләге һәм һәләте булған һәр кем ҡатнаша ала.
- Нимә эшләй алаһығыҙ?
- Йыл календары аша көн мәҡәләһенә инеп исемлеккә инмәгән юбиляр тураһында мәғлүмәт өҫтәгеҙ
- Исемлектә ҡыҙыл һылтанма менән булған шәхес тураһында мәҡәлә төҙөгәҙ
- Исемлектә зәңгәр һылтама менән булған шәхес мәҡәләһенә мәғлүмәт өҫтәгеҙ йәки булғанын аныҡлағыҙ
- Үҙегеҙ булдыра алмаһағыҙ, йәки һорау-тәҡдимдәрегеҙ булһа проект кураторы Айсарға мөрәжәғәт итегеҙ
