Рябов Фёдор Андреевич

Рябов Фёдор Андреевич
	Рябов Фёдор Андреевич
Зат	ир-ат
Гражданлыҡ	СССР
Тыуған көнө	20 ғинуар 1914
Тыуған урыны	Тартыш ауылы, Бөрө өйәҙе, Өфө губернаһы, Рәсәй империяһы
Вафат булған көнө	5 февраль 1962 (48 йәш)
Вафат булған урыны	Тартыш ауылы, Бөрө районы, Башҡорт АССР-ы, РСФСР, СССР
Маҡтаулы исемдәре һәм башҡа бүләктәре

Рябов Фёдор Андреевич (20 ғинуар 1914 йыл — 5 февраль 1962 йыл) — ауыл хужалығы алдынғыһы. Бөйөк Ватан һуғышында ҡатнашыусы. Башҡорт АССР-ының өсөнсө саҡырылыш Юғары Советы депутаты (1951—1955). Социалистик Хеҙмәт Геройы (1948).

Биографияһы

Фёдор Андреевич Рябов 1914 йылдың 20 ғинуарында Өфө губернаһының Бөрө өйәҙе^[1] Тартыш ауылында тыуған. Башланғыс белемле.

Хеҙмәт эшмәкәрлеген 1929 йылда Бөрө районы «Ҡыҙыл түбәләр» колхозында башлай. 1937—1938 йылдарҙа Базан МТС-ының тракторсылар курсында уҡый. 1938 йылдан бригадир ярҙамсыһы, Базан МТС-ының трактор бригадаһы бригадиры булып эшләй.

1942 йылдың сентябрендә Федор Рябов Ҡыҙыл Армия сафына саҡырыла, Бөйөк Ватан һуғышында ҡатнаша, Ленинград фронтында һуғыша. 1944 йылдың майынан, демобилизацияланғандан һуң, Базан машина-трактор станцияһында тракторсылар бригадаһы менән етәкселек итә.

1946 йылда «Көрәшсе» һәм «Сулпан» колхоздарында бригада планға ярашлы 180 гектар урынына 240 гектар ер һөрә, яҡшы агротехник мөҙҙәттә, 1 августан алып 10 августҡа тиклем, ужым культураларын сәсә. Туңға һөрөүҙә 90 гектар урынына 180 гектарға еткерә. 1947 йылда ялан эштәре үҙ ваҡытына — 24 апрелдән 15 майға тиклем үтәлә. Бригадаға беркетелгән «Көрәшсе» һәм «Сулпан» колхоздары баҫыуҙарында, уңыш гектарынан 15,8 центнер тәшкил итә, ә 183 гектар майҙанда һәр гектарынан 22,07 центнер уңыш йыйыла.

183 гектар майҙанда һәр гектарынан 22,07 центнер арыш уңышы алған өсөн СССР Юғары Советы Президиумының 1948 йылдың 2 апрелендәге Указы менән Федор Андреевич Рябовҡа «Социалистик Хеҙмәт Геройы» исеме бирелә.

1962 йылға тиклем Бөрө районының Ильич исемендәге колхозда трактор бригадаһы бригадиры булып эшләй.

Башҡорт АССР-ының өсөнсө саҡырылыш Юғары Советы депутаты (1951—1955).

Башҡортостан Республикаһының Бөрө районы Ильич исемендәге колхоз идараһы хеҙмәт коллективтарын дәртләндереү маҡсатында Ф. А. Рябов исемендәге кубок булдырған.

Рябов Фёдор Андреевич 1962 йылдың 5 февралендә вафат була.

Маҡтаулы исемдәре һәм башҡа бүләктәре

Социалистик Хеҙмәт Геройы (1948)
Ленин ордены (1948)

Иҫкәрмәләр

↑ Хәҙер Башҡортостан Республикаһының Бөрө районы

Һылтанмалар

Рябов Фёдор Андреевич // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 10 ғинуар 2019)

Әҙәбиәт

Герои труда / сост. Р. А. Валишин [и др.]. — Уфа : Китап, 2011. — 432 с. : ил. -ISBN 978-5-295-05228-6.

[1] Хәҙер Башҡортостан Республикаһының Бөрө районы

[1]