Сайранова Сәрүәр Фәйзрахман ҡыҙы

Википедия — ирекле энциклопедия мәғлүмәте
Перейти к навигации Перейти к поиску
Викидатала элемент тултырылмаған

Сайранова Сәрүәр Файзрахман ҡыҙы (17.01.1918, Башҡорт АССР-ы Күгәрсен районы Теләүембәт ауылы—2006, Ишембай ҡалаһы), Ишембай ҡалаһы башҡорт халыҡ театрының 1948—1973 йылдарҙағы режиссёры. «Почёт Билдәһе» ордены кавалеры,Башҡорт АССР-ының атҡаҙанған артисы (1961). Ишембай ҡалаһы һәм Ишембай районының почётлы гражданы (1999). Советтар Союзы Геройы Садиҡ Уйылдан улы Сайрановтың (Саҙиҡ Сайранов) тормош иптәше. Ишембай ҡалаһы Мәҙәниәт һарайының Сәрүәр Сайранова исемендәге Башҡорт халыҡ театры уның исемен йөрөтә[1].

Сәрүәр Фәйзрәхман ҡыҙыр Сайранова

Биографияһы[үҙгәртергә | вики-тексты үҙгәртергә]

Сайранова (Фәррәхова) Сәрүәр Фәйзрахман ҡыҙы Йомағужа районы Теләүмбәт ауылында мәктәпте тамамлағас, актриса булыу теләге менән Өфөгә юллана, Башҡорт дәүләт сәнғәт училищеһына (һуңыраҡ уның нигеҙендә ике уҡыу йорто асыла- музыка училищеһы һәм театр-художество техникумы) уҡырға инә. Хажи Бохарский, Абдулла Шакиров кеүек данлыҡлы сәхнә оҫталары уның педагогтары була.

1938 йылда Башҡортостан театр- художество техникумын тамамлағас, Башҡорт дәүләт академия драма театры актрисаһы булып эш башлай. Сәрүәр Фәррәхованың театрҙағы тәүге роле А.Островскийҙың «Ғәйепһеҙҙән ғәйеплеләр» пьесаһы буйынса ҡуйылған спектаклендә Крушкина роле була.

Бер аҙҙан Сәрүәр тормош иптәше хеҙмәт иткән ергә, Белоруссияға китә. Ләкин 1941 йылда башланған Бөйөк Ватан һуғышы йәштәрҙең бөтә уй-хыялдарын юҡҡа сығара. Тормош иптәше һуғышта һәләк була. Сәрүәр Фәйзрахман ҡыҙы ике балаһы менән тыуған ауылында, ата-әсәһе янында йәшәй башлай.

1942 йылдан Теләүембәт ауыл советы секретаре,

1944 йылдан Йомағужа район Советының (хәҙерге Күгәрсен районы) сауҙа бүлеге мөдире булып эшләй. 1945 йылда уны яңыраҡ һуғыштан ҡайтҡан Саҙиҡ Сайранов күреп, ғашиҡ була һәм тормош юлын бергә үтергә тәҡдим яһай.


1946 йылда Сәрүәр Фәйзрахман ҡыҙы Садиҡ Уйылдан улы Сайрановҡа тормошҡа сығып, Ишембай ҡалаһында йәшәй һәм эшләй башлай[2].

1947 йылда Сайрановтарҙың улдары тыуа.

1948-1973 йылдарҙа Ишембай ҡалаһы С.М.Киров исемендәге Мәҙәниәт һарайының Башҡорт драма коллективы (Башҡорт халыҡ театры) художество етәксеһе. Мәҙәниәт һарайының Башҡорт халыҡ театры был йылдарҙа бик күп әҫәрҙәрҙе - Мостай Кәримдең «Айгөл иле», Ю.Әминевтың «Гөлсәсәк» , Сәғит Мифтаховтың «Һаҡмар» кеүек пьесаларҙы сәхнәгә сығара. Сәрүәр Сайранова бик күп таланттарҙы аса, уларҙа ижадҡа ҡанат ҡуя. Хөсәйен Мәжитов,Шәмсиә Нагаева, Марат Солтанов,Тәнзилә Хисамова,Асия Смаҡова, Наил Тибеев, Римма Зәйнулла ҡыҙы Ниғмәтуллина кеүек сәхнә оҫталарының ижадының инеше Сәрүәр Сайранова Ишембайҙа ойошторған түңәрәктәрҙә һәм театрҙа башлана.

Ишимбайский дворец культуры

1999 йыл- Сәрүәр Сайрановаға Ишембай ҡалаһының Почетлы гражданы исеме бирелә.

Ғаиләһе[үҙгәртергә | вики-тексты үҙгәртергә]

Тормош иптәше- Саҙиҡ Уйылдан улы Сайранов, Советтар Союзы Геройы[3][4].

Әҙәбиәт[үҙгәртергә | вики-тексты үҙгәртергә]

Һылтанмалар[үҙгәртергә | вики-тексты үҙгәртергә]

  1. www.ishimbai-kultura.ru/index.php/...07.../241-sajranova-sarvar-fajzrakhmanovna
  2. vatandash.ru/pics/pdf/2605.pd
  3. www.warheroes.ru/hero/hero.asp?Hero_id=2125
  4. башкирская-энциклопедия.рф/index.php/2-statya/4815-sajranov-sadyk-uildanovich