Салауат мәмерйәһе
| Салауат мәмерйәһе | |
|---|---|
 | |
| Тәрәнлеге | 6 м |
| Оҙонлоғо | 35 м |
| һыйҙырышлы тоҡомдар | известняк |
 | |
 Салауат мәмерйәһе Викимилектә | |
Салауат Юлаев мәмерйәһе (Силәбе өлкәһенең Ҡатау-Тамаҡ ҡалаһындағы Салауат мәмерйәһе менән бутамаҫҡа) — Башҡортостандың Ишембай районында урынлашҡан тәбиғәт ҡомартҡыһы
Кәлимосҡан ҡаяһында урынлашҡан. Ул мәмерйә менән бергә 1985 йылда тәбиғәт ҡомартҡыһы тип иғлан ителә. Туризм урыны.
Урынлашыуы
[үҙгәртергә | сығанаҡты үҙгәртеү]Маҡар ауылынан ете километр алыҫлыҡта, Ҡолғона ауылына барған юлда урынлашҡан. Урынының рәсми адресы — Маҡар урман хужалығы, лесхоз, Шихан урмансылығы, кварталдар - 46 (19, 27, 28), 47 ( 26, 36, 37).
Һаҡлау предметы
[үҙгәртергә | сығанаҡты үҙгәртеү]- Ҡаяла урынлашҡан иҫ киткес мәмерйә.
- Һирәк төр үҫемлектәр (аҡтамыр, Шиверекия үләне, Гельм астрагалы, кәзә һаҡалы һ. б.).
- Яланға яраҡлашҡан ҡарағайҙар.
Һүрәтләнеше
[үҙгәртергә | сығанаҡты үҙгәртеү]Кәлимосҡан ҡаяһын Һикәҙе йылғыһы йыуа. Салауат Юлаев мәмерйәһенең ауыҙы («Салауат Юлаев» фильмы төшөрөлгәндән һуң халыҡ уны шулай атап йөрөтә) йылғанан алты метр самаһы бейеклектә урынлашҡан. Мәмерйә өс кимәлле, аҫҡы кимәле башҡаларына ҡарағанда киңерәк. Һул яҡтан бәләкәй генә залға инергә мөмкин. Уның түбәһенән икенсе ҡатҡа менергә була. Артабан тар ғына ярыҡ мәмерйәнең өҫкө ҡатына алып китә, арыраҡ — тағы бер, 60-70 сантиметр диаметрлы, тәрән тар ярыҡ бар.
Шулай уҡ ҡарағыҙ
[үҙгәртергә | сығанаҡты үҙгәртеү]- Аҫҡын боҙ мәмерйәһе
- Шүлгәнташ мәмерйәһе
- Лаҡлы мәмерйәһе
- Сыңғырауыҡ мәмерйәһе