Сан-Фелипе Нери майҙаны

Википедия — ирекле энциклопедия мәғлүмәте
Перейти к навигации Перейти к поиску
Сан-Фелипе Нери майҙаны
Рәсем
Дәүләт Flag of Spain.svg Испания
Административ-территориаль берәмек Барселона
Commons-logo.svg Сан-Фелипе Нери майҙаны Викимилектә

Сан-Фелипе Нери майҙаны (кат. Plaça de Sant Felip Neri) — Иҫке Барселона районының Готика кварталындағы бәләкәй майҙан. Уның исеме янындағы Сан-Фелипе Нери сиркәүе исеменән алынған. Сиркәүҙән уң яҡта Сан-Фелипе Нери мәктәбе урынлашҡан. Мәктәп майҙанды уйын майҙансығы сифатында файҙалана[1]. Сиркәүҙең һул яғында ораторианецтар йорто тора. Майҙан үҙәгендә тормош символын кәүҙәләндергән һигеҙ мөйөшлө фонтан. Бинаның архитектураһы урта быуаттарҙағы барокко стилендә[2] төҙөлгән.

Тарих[үҙгәртергә | вики-тексты үҙгәртергә]

Бомбанан зыян күргән сиркәү стенаһы.

Ҡасандыр майҙанда 1752 йылда төҙөлгән Нери һарайы урынлашҡан. XX быуат уртаһында готик биналар бер ташын да ҡалдырмайынса майҙанға күсерелә. Neri ҡунаҡханаһы төҙөлгәс, ул, майҙандағы готик ҡоролмаларға оҡшатып, тыштан готик таш плитәләр менән көпләнә[3]. 1938 йылда Испанияла барған Граждандар һуғышында Франсиско Франко Барселонаны ҡамай. 1938 йылдың 30 ғинуарында франкистарҙың бомбаһы сиркәүгә төшә, һөҙөмтәлә 30 кеше һәләк була, уларҙың күбеһе Сан-Фелипе Нери мәктәбендә уҡыусы балалар, ә уларҙың ҡайһы берҙәре Мадридтан Барселонаға ҡасып килгән, сиркәү улар өсөн ваҡытлыса приют булған. Емереклектәр аҫтында тере ҡалған кешеләрҙе табып сығарған саҡта, икенсе бомба төшә һәм тағы 12 кеше үлә, шулай итеп бында һәләк булғандарҙың һаны 42-гә барып баҫа[4]. Шул ваҡиғаны раҫлаусы булып бомбанан зыян күргән сиркәү стенаһы тора[5]. Һуңынан франкистар власы сиркәү стенаһында сиркәү дин әһелдәрен язалап үлтергән анархистарҙың пуляларынан эҙҙәр ҡалған тигән миф тарата[6][4].

2015 йылға тиклем майҙанда торған аяҡ кейеме музейы ошо йылда ябыла[7].

Иҫкәрмәләр[үҙгәртергә | вики-тексты үҙгәртергә]

  1. Необходимо задать параметр title= в шаблоне {{cite web}}. Необходимо задать параметр url= в шаблоне {{cite web}}. .
  2. Необходимо задать параметр title= в шаблоне {{cite web}}. Необходимо задать параметр url= в шаблоне {{cite web}}. .
  3. Placa de Sant Felip Neri. Irbarcelona. 26 декабря 2018 тикшерелгән.
  4. 4,0 4,1 The Dark History of Plaça de Sant Felip Neri. Barcelona Lowdown. 26 декабря 2018 тикшерелгән.
  5. Plaza Sant Felip Neri. Next Point to go. 26 декабря 2018 тикшерелгән.
  6. Plaza Sant Felip Neri. Iberianature. 26 декабря 2018 тикшерелгән.
  7. Museu del Calcat. irbarcelona. 26 декабря 2018 тикшерелгән.