Скворчиха ауыл советы (Ишембай районы)

Википедия — ирекле энциклопедия мәғлүмәте
Перейти к навигации Перейти к поиску
Скворчиха ауыл советы
Дәүләт Flag of Russia.svg Рәсәй
Административ үҙәк Скворчиха[1]
Административ-территориаль берәмек Ишембай районы
Халыҡ һаны 888 кеше (1 ғинуар 2018)[2]
Рәсми сайт skvorchiha.ru

Скворчиха ауыл советы — Башҡортостан Республикаһының Ишембай районы муниципаль берәмеге.

Тарихы[үҙгәртергә | вики-тексты үҙгәртергә]

Скворчиха ауыл советы БАССР-ҙың Ишембай районы Скворчиха ауыл советы булараҡ ВЦИК-тың 1930 йылдың 20 августағы[3] ҡарары нигеҙендә булдырыла.

2001 йылдың 20 февралендә Башҡортостан Республикаһы Салауат ҡала советының түбәндәге ҡарары сыға: «Башҡортостан Республикаһы Ишембай районының Алаҡай, Кинйәкәй, Юлдаш, Михайловка ауылдарын, уларға ҡараған биләмәләре һәм „Маяҡ“ ауыл хужалығы производство кооперативы ерҙәре менән бергә Салауат ҡалаһына тапшырыу тураһында»:

Граждандар — Башҡортостан Республикаһы Ишембай районының Алаҡай, Кинйәкәй, Юлдаш, Михайловка ауылдарында йәшәүселәр сходының ҡарарын (2001 йылдың 10 февралендәге протоколдар), Башҡортостан Республикуаһы Министрҙар Советының 2001 йылдың 16 февралендәге № 145-р һанлы «Санкт-Петербург ҡалаһы Ҡала төҙөлөшө НИИИП-һының Салауат ҡалаһының Генераль планын раҫлау тураһындағы» күрһәтмәһен иғтибарға алып, Башҡортостан Республикаһының «Башҡортостан Республикаһының административ-территориаль ҡоролошо тураһындағы» Законының 15-се статьяһына ярашлы Салауат ҡала советы түбәндәгене ҡарар итә:

1. Башҡортостан Республикаһы Ишембай районы Скворчиха ауыл советының Алаҡай, Кинйәкәй, Юлдаш, Михайловка ауылдарын, уларға ҡараған территориялары, ҡайтанан бүлеү фонды, «Маяҡ» СПК-һы ерҙәре һәм башҡа ер файҙаланыусыларҙың ошо хужалыҡ биләмәләренә ингән ерҙәрен Салауат ҡалаһына тапшырыу тураһында Ишембай ҡала советына юллау йүнәлтергә. 2. Башҡортостан Республикаһы Дәүләт Йыйылышы — Ҡоролтайынан был халыҡ йәшәгән ауылдарҙы Салауат ҡалаһына, ҡала составында Кинйәкәй ауыл советын булдырып, тапшырыуын үтенергә. Салауат ҡала советы рәйесе А. Т. Ғәлиев[4][5].

Был ҡарар тормошҡа ашырылманы, сөнки урындағы халыҡ (Алаҡай ауылы) был ҡарарға ҡаршы сыҡты, ерҙәрен һаҡлап ҡалыу теләге менән Урындағы йәмғиәт үҙидаралығы (ТОС) ойошторҙо.

«Башҡортостан Республикаһында муниципаль берәмектәрҙең сиктәре, статусы һәм административ үҙәктәре тураһындағы» законға ярашлы (Башҡортостан Республикаһының 20.07.2005 й. № 211-З, 21.06.2006 й. № 329-З, 29.12.2006 й. № 404-З һанлы Закондарына ярашлы) Скворчиха ауыл советы ауыл биләмәһе статусына эйә.

Халҡы[үҙгәртергә | вики-тексты үҙгәртергә]

Халыҡ иҫәбе
2002[6]2009[6]2010[7]2012[8]2013[9]2014[10]2015[11]
10021078986968978972918

Ауыл биләмәһенең составы[үҙгәртергә | вики-тексты үҙгәртергә]

АуылТөрөХалҡы
1 Скворчиха село, административный центр 459[7]
2 Кинзекеево село 261[7]
3 Алакаево деревня 119[7]
4 Новониколаевка деревня 67[7]
5 Осиповка деревня 21[7]
6 Юлдашево деревня 16[7]
7 Слободка хутор 12[7]
8 Лесное деревня 11[7]
9 Яшельтау деревня 9[7]
10 Торгаска хутор 8[7]
11 Михайловка деревня 3[7]

Урындағы үҙидара[үҙгәртергә | вики-тексты үҙгәртергә]

Хакимиәттең адресы: Рәсәй, 453226, Башҡортостан Республикаһы, Ишембай районы, Скворчиха ауылы, Үҙәк урам, 20[12].

Телефон: +7 (34794) 7-41-28. Факс: +7 (34794) 7-41-19.

  • Алаҡай ауылы Урындағы йәмәғәт үҙидараһы (Территориальное общественное самоуправление) 2016 йылдан теркәлгән. Ауыл старостаһы — Герасименко Сәлимә Алтынтимер ҡыҙы.

Иҡтисады[үҙгәртергә | вики-тексты үҙгәртергә]

Ауыл хужалығы[үҙгәртергә | вики-тексты үҙгәртергә]

Ауыл хужалығы предприятиелары:

  • «Башаҡ» ЯСЙ-һы — Скворчиха ауылы;
  • «Межрегионбизнес-Агро» ЯСЙ-һы — Кинйәкәй ауылы;
  • «Колокольчик» КФХ-һы — Осиповка ауылы;
  • Яну С. А. КФХ-һы — «Заречный» ауыл хужалығы берләшмәһе районында.

Сауҙа[үҙгәртергә | вики-тексты үҙгәртергә]

3 кибет һәм 2 киоск халыҡҡа сауҙа хеҙмәте күрһәтә.

Транспорт һәм элемтә[үҙгәртергә | вики-тексты үҙгәртергә]

Скворчиха ауылында «Рәсәй Почтаһы» бүлексәһе бар.

Мәғариф[үҙгәртергә | вики-тексты үҙгәртергә]

  • Скворчиха урта дөйөм белем биреү мәктәбе (201 йылдан башланғыс мәктәп).
  • Кинйәкәй дөйөм белем биреү мәктәбе (201 йылдан башланғыс мәктәп) (филиалы Алаҡай башланғыс дөйөм белем биреү мәктәбе 2015 йылдан эшләмәй).

Һаулыҡ һағы[үҙгәртергә | вики-тексты үҙгәртергә]

Өс фельдшер-акушер пункты (ФАП): Скворчиха, Кинйәкәй, Алаҡай.

Мәҙәниәт һәм сәнғәт[үҙгәртергә | вики-тексты үҙгәртергә]

  • Скворчиха ауыл клубы.
  • Кинйәкәй Мәҙәниәт йорто.
  • Алаҡай ауыл клубы.
  • Ике ауыл китапханаһы: Скворчиха һәм Кинйәкәй.

Билдәле кешеләр[үҙгәртергә | вики-тексты үҙгәртергә]

  • Юлдашбаев Билал Хәмит улы — ғалим-тарихсы, тарих фәндәре докторы, XX быуат башы Башҡорт милли хәрәкәт документтарын нәшер итеүсе, ғалим-тарихсы Айһылыу Юнысованың (Юлдашбаева) атаһы, Алаҡай
  • Сәйетов Эрнст Миңләхмәт улы — рәссам, Юлдаш
  • Дауытов Вилләр Йомағол улы — журналист, БР-ҙың мҙәниәт министры, Башҡортостан масса-күләм сараларын ойоштороусы, Юлдаш
  • Әлмөхәмәтова Гөлшат Әмин ҡыҙы  — журналист, дәүләт эшмәкәре, Ишембай ҡала мәҙәниәт бүлеге мөдире,Юлдаш
  • Әлмөхәмәтов Азамат — журналист, Башҡортостан телерадиокампанияһы директоры, Гөлшат Әлмөхәмәтованың улы, Юлдаш
  • Мөлөков Вәсим Ҡасим улы — ауыл хужалығы эшсәне, билдәле комбайнер, Ленин ордены кавалеры, «Ағиҙел» колхозы бригадиры,Башҡорт АССР-ы Юғары Советы депутаты(1960-сы йылдарҙа), Ишембай районының почетлы гражданы, Алаҡай
  • Мәжитова Лена Арыҫланбәк ҡыҙы — табип-терапевт, баш табип В.Умов менән Ишембай район больницаһын 1965 йылда башлап ойоштороусы, Хеҙмәт Ҡыҙыл Байраҡ ордены кавалеры, Кинйәкәй ауылында 1941 й. тыуған, Алаҡай мәктәбе директоры Арыҫланбәк Ғүмәровтың ҡыҙы
  • Ишкинина Сәриә Фәйзулла ҡыҙы, педагог, Салауат ҡала башҡорт гимназияһы директоры, Кинйәкәй
  • Шәрипова Гөлсәсәк Тәбрис ҡыҙы — Салауат башҡорт драма театры артисы, йырсы, актрисалар Ләйсән менән Миләүшә Шәриповаларҙың әсәһе, Кинйәкәй
  • Сөйәрғолова Әнисә Сынбулат ҡыҙы — педагог, публицист, БР-ҙың атҡаҙанған уҡытыусыһы, Кинйәкәй
  • Моратова Венера Нәжип ҡыҙы — ғалим-тарихсы, БДУ-ның тарих факультеты Башҡортостан тарихы кафедраһы доценты, тормош иптәше- тарихсы Салауат Хәмиҙуллин, ата-әсәһе Юлдаш ауылынан

Иҫкәрмәләр[үҙгәртергә | вики-тексты үҙгәртергә]

  1. ОКТМО
  2. 26. Численность постоянного населения Российской Федерации по муниципальным образованиям на 1 января 2018 годаРосстат.
  3. Отчет о работе администрации СП Скворчихинский с/с в 2010 году (doc). Официальный сайт администрации муниципального района Ишимбайский район. Тәүге сығанаҡтан архивланған 4 март 2012. 10 ноябрь 2011 тикшерелгән.
  4. Решение Салаватского городского Совета РБ от 20 февраля 2001 года «О передаче г. Салавату населённых пунктов д. Алакаево, д. Кинзякаево, д. Юлдашево, д. Михайловку Скворчихинского сельсовета Ишимбайского района Республики Башкортостан с принадлежащими им территориями и земель СПК „Маяк“». Региональное законодательство. Башкортостан. Тәүге сығанаҡтан архивланған 4 март 2012. 10 ноябрь 2011 тикшерелгән.
  5. Решение Салаватского городского Совета РБ от 20 февраля 2001 года «О передаче г. Салавату населённых пунктов д. Алакаево, д. Кинзякаево, д. Юлдашево, д. Михайловку Скворчихинского сельсовета Ишимбайского района Республики Башкортостан с принадлежащими им территориями и земель СПК „Маяк“». Правовой портал Башкортостана. Тәүге сығанаҡтан архивланған 4 март 2012. 10 ноябрь 2011 тикшерелгән.
  6. 6,0 6,1 Единый электронный справочник муниципальных районов Республики Башкортостан ВПН-2002 и 2009
  7. 7,00 7,01 7,02 7,03 7,04 7,05 7,06 7,07 7,08 7,09 7,10 7,11 Всероссийская перепись населения 2010 года. Численность населения по населённым пунктам Республики Башкортостан. Тәүге сығанаҡтан архивланған 20 август 2014. 20 август 2014 тикшерелгән.
  8. Численность населения Российской Федерации по муниципальным образованиям. Таблица 35. Оценка численности постоянного населения на 1 января 2012 года. Тәүге сығанаҡтан архивланған 31 май 2014. 31 май 2014 тикшерелгән.
  9. Численность населения Российской Федерации по муниципальным образованиям на 1 января 2013 года. — М.: Федеральная служба государственной статистики Росстат, 2013. — 528 с. (Табл. 33. Численность населения городских округов, муниципальных районов, городских и сельских поселений, городских населённых пунктов, сельских населённых пунктов). Тәүге сығанаҡтан архивланған 16 ноябрь 2013. 16 ноябрь 2013 тикшерелгән.
  10. Таблица 33. Численность населения Российской Федерации по муниципальным образованиям на 1 января 2014 года. Тәүге сығанаҡтан архивланған 2 август 2014. 2 август 2014 тикшерелгән.
  11. Численность населения Российской Федерации по муниципальным образованиям на 1 января 2015 года. Тәүге сығанаҡтан архивланған 6 август 2015. 6 август 2015 тикшерелгән.
  12. Администрация сельского поселения Скворчихинский сельсовет муниципального района Ишимбайский район. Официальный сайт администрации муниципального района Ишимбайский район. Тәүге сығанаҡтан архивланған 4 март 2012. 10 ноябрь 2011 тикшерелгән.