Сокчхо

Википедия — ирекле энциклопедия мәғлүмәте
Перейти к навигации Перейти к поиску
Сокчхо
Рәсем
Дәүләт Flag of South Korea.svg Көньяҡ Корея
Административ-территориаль берәмек Канвондо[d]
Халыҡ һаны 79 846 кеше (2015)
Диңгеҙ кимәленән бейеклек 2 метр
Сәғәт бүлкәте UTC+09:00[d]
Туғандаш ҡала Йонаго[d], Грешем[d] һәм Чонып[d]
Майҙан 105,25 км²
Рәсми сайт sokcho.gangwon.kr/foreig…
Урынлашыу картаһы
Commons-logo.svg Сокчхо Викимилектә

Сокчхо (кор.속초시?, 束草市?, Sokcho-si) — Көньяҡ Кореяның Канвондо провинцияһындағы ҡала. Илдең төньяҡ-көнсығыш өлөшөндә Көнсығыш диңгеҙе яры буйында урынлашҡан.

Тарихы[үҙгәртергә | вики-тексты үҙгәртергә]

Ҡала эсендәге боронғо ултыраҡтар бронза быуатына ҡарай. Борон хәҙерге Сокчхо биләмәһе Корея дәүләте Когурьёға ҡараған, ә VI быуатта Силла дәүләте контроле аҫтына күскән. 757 йылғы административ реформаларҙан һуң бында Иннёнхён (Иннён районы) административ берәмек барлыҡҡа килә. 1221 йылда (Корё династияһы) биләмә Янджа составына инә.

Сокчхо тураһында 1760 йылда телгә алына — Чосон дәүләте картаһына индерелгән була.

1945 йылдың 24 авгусынан алып 1951 йылдың 8 ғинуарына тиклем Сокчхо төньяҡ коммунистик хөкүмәт хакимлығы аҫтында була, унан һуң көньяҡ корея ғәскәрҙәре тарафынан яулап алына.

Сокчхоға 1963 йылда ҡала статусы бирелә[1].

Географияһы[үҙгәртергә | вики-тексты үҙгәртергә]

Сокчхо Япон диңгеҙе ярында Демилитаризациялы зонанан көньяҡҡа ҡарай 62 километр алыҫлыҡта урынлашҡан һәм Сораксан милли паркына ҡапҡалар булып тора. Сокчхоны Приморье крайы менән тоташтырыусы паром кисеүе бар.

Сокчхо климаты Кореяның континенталь өлөшөнән бер аҙ айырыла. Ҡала көнбайыштан тауҙар менән уратып алынған һәм диңгеҙ буйында ята, шуға күрә климаты океан йоғонтоһо аҫтына эләгә. Йыллыҡ уртаса температура — 11,8 °C, уртаса йыллыҡ яуым — төшөм күләме 1300 мм. Елдең уртаса тиҙлеге — 3,1 м/с[2].

Халҡы[үҙгәртергә | вики-тексты үҙгәртергә]

Йылдар буйынса халыҡ һаны динамикаһы:

1970 1975 1980 1985 1990 1995 2000 2005 2010
024 73 351 71 759 65 430 69 758 73 979 81 880 87 706 84 80 505

Административ бүленеше[үҙгәртергә | вики-тексты үҙгәртергә]

Исеме Хангыль Майҙаны, км² Халыҡ, кеше
Йоннандон 영랑동 7,60 6217
Кедон 교동 0,75 13 066
Кымходон 금호동 1,43 7976
Нохактон 노학동 22,29 412 23
Тонмендон 동명동 0,78 4360
Тэпходон 대포동 65,89 3933
Чояндон 조양동 5,62 915 20
Чхонходон 청호동 0,94 4720

Иҡтисады[үҙгәртергә | вики-тексты үҙгәртергә]

Бюджетын барлыҡҡа килтереүсе тармаҡ булып туризм тора. Пляждар һәм йәнәшәләге билдәле Сораксан тауҙары һыҙаты ҡалаға Көньяҡ Кореянан да, шулай уҡ сит илдәрҙән дә күп туристарҙы йәлеп итә.

2003 йылда ҡала бюджеты 160,700 вон миллиард тәшкил (яҡынса 150 миллион доллар)[3] иткән.

Туризмы һәм иҫтәлекле урындары[үҙгәртергә | вики-тексты үҙгәртергә]

Тарихи:

  • Будда Синхынса монастыры 1750 йылда төҙөлгән. Илдә иң ҙур будда ғибәҙәтханаһы һанала.
  • Силли дәүләте дәүерендәге өс ҡатлы Хянсонсаджи пагодаһы (VIII быуат) бар.

Тәбиғи:

  • Сораксан милли паркы. Сораксан тауындағы милли парктан тыш боронғо ҡомартҡылар һәм күп һанлы туристик маршруттар бар.
  • Бирён һәм Товансон шарлауыҡтары.
  • Чхоксан ҡайнар сығанаҡтары. Хәҙер был сығанаҡтар урынында ҙур спа-курорт урынлашҡан.
  • Йонгаранхо күле — күл 1140 км² майҙанды тәшкил итә. Яр буйында күп ресторан һәм ҡунаҡханалар урынлашҡан[4].

Фестивалдәр:

  • Корея халыҡ сәнғәте фестивале. Йыл һайын сентябрь аҙағында — октябрь башында 3 көн дауамында үтә.
  • Сораксан тауында ҡар бөртөктәре фестивале.
  • Таңды ҡаршылауҙың яңы йыл байрамы (Сокчхола географик урынлашыуы арҡаһында ҡояш Кореяның башҡа төбәктәренә ҡарағанда иртәрәк ҡалҡа)[5].

Символдары[үҙгәртергә | вики-тексты үҙгәртергә]

Илдәге бөтә ҡалалар һәм өйәҙҙәр кеүек үк Сокчхоның да үҙенең бер нисә символы бар[6]:

  • Сәскә: хризантема — ҡала халҡының байлығын һәм именлеген символлаштыра.
  • Ағас: гингко — өҙлөкһөҙ үҫеште символлаштыра.
  • Ҡоштар: күгәрсен — ҡала халҡы араһында дуҫлыҡ һәм тыныслыҡты символлаштыра.

Туғандаш ҡалалар[үҙгәртергә | вики-тексты үҙгәртергә]

Сокчхоның бер нисә туғандаш ҡалаһы бар[7]:

Галереяһы[үҙгәртергә | вики-тексты үҙгәртергә]

Шулай уҡ ҡарағыҙ[үҙгәртергә | вики-тексты үҙгәртергә]

  • Города Южной Кореи

Иҫкәрмәләр[үҙгәртергә | вики-тексты үҙгәртергә]

  1. История Сокчхо.  (инг.). Тәүге сығанаҡтан архивланған 2 июнь 2012. 18 декабрь 2009 тикшерелгән.
  2. География Сокчхо.  (инг.). Тәүге сығанаҡтан архивланған 25 декабрь 2009. 18 декабрь 2009 тикшерелгән.
  3. Экономика Сокчхо.  (инг.). Тәүге сығанаҡтан архивланған 2 июнь 2012. 18 декабрь 2009 тикшерелгән.
  4. Достопримечательности Сокчхо.  (инг.). Тәүге сығанаҡтан архивланған 2 июнь 2012. 18 декабрь 2009 тикшерелгән.
  5. Туризм в Сокчхо.  (инг.). Тәүге сығанаҡтан архивланған 2 июнь 2012. 18 декабрь 2009 тикшерелгән.
  6. Символы Сокчхо.. Тәүге сығанаҡтан архивланған 2 июнь 2012. 18 декабрь 2009 тикшерелгән.
  7. Города-побратимы Сокчхо.  (инг.). Тәүге сығанаҡтан архивланған 2 июнь 2012. 18 декабрь 2009 тикшерелгән.

Һылтанмалар[үҙгәртергә | вики-тексты үҙгәртергә]