Сәтләүек йорто

Википедия — ирекле энциклопедия мәғлүмәте
Перейти к навигации Перейти к поиску
Горіховий дім
Ореховый дом
Сәтләүек йорто
Тип

коммерцияға ҡарамаған ойошма

Нигеҙләү йылы

2011

Нигеҙләүселәр

Юрий Лопатинский, Остап Онышко и «Народная помощь»

Урыны

Львов, Украина

Эшмәкәрлек өлкәһе

кондитер изделиелары етештереү даирәһендә социаль эшҡыуарлыҡ

Сәтләүек йорто (укр. «Горіховий дім») — социаль икмәкхана, Львов ҡалаһында урынлашҡан. 2011 йылдың июлендә «Народна допомога» («Халыҡ ярҙамы») йәмәғәт ойошмаһы базаһында барлыҡҡа килә, хәҙер айырым предприятие булып эшләй. Украин, итальян һәм немец рецептары буйынса печенье, сырник, күмәс, бублик һәм башҡа төрлө ҡамыр аҙыҡтары етештерә. Ризыҡ һатыуҙан килгән аҡсаны икмәкхана Львов ҡатын-ҡыҙҙар интеграцияһы үҙәгенә күсерә. Үҙәк төрлө сәбәп менән урамда ҡалған ҡатын-ҡыҙҙарға ярҙам итә (гранттарға асылған үҙәктә 12 ҡатын-ҡыҙ йәшәй)[1][2][3][4][5][6][7].

Икмәкхана үҙенең производствоһында буяуҙар, еҫ өҫтәгестәр, эмульгаторҙар ҡулланмай, тәбиғи продукттар кимәленә сығырға тырыша, шунлыҡтан уның продукцияһы икмәк заводтарында етештерелгән шундай уҡ аҙыҡ төрҙәренә ҡарағанда ҡиммәтерәк. Башта урындағы кафелар, кондитер магазиндары икмәкхана клиенттары була, яйлап продукция магазиндар аша һатыла башлай (күмәстәрҙең бер аҙын икмәкхана үҙе бинаһын ҡуртымлаған тегеү фабрикаһы территорияһында һата). Бер аҙҙан икмәкхана Баҙар майҙанында, Бандинелли һарайы эргәһендә, үҙенең сауҙа нөктәһен аса, шулай уҡ тауарҙы өйгә илтеп биреү хеҙмәтен дә аса. Эшләй башлағандан һуң оҙаҡ та үтмәй, «Сәтләүек йорто» килемгә сыға[1][8][9].

Ҡатын-ҡыҙҙар өсөн ышыҡ биреү үҙәгенән тыш, икмәкхана «Халыҡ ярҙамы» йәмәғәт ойошмаһының «Социаль такси» тигән хеҙмәтен дә (сәләмәтлек мөмкинлектәре сикләнгән, инвалид пассажирҙарҙы ташыу) аса. «Халыҡ ярҙамы» ойошмаһы икмәкханала, үҙ йортонда көс ҡулланыуҙан йә берәҙәклек итеүҙән ҡотҡарылып, социаль реабилитация үтеүсе ҡатын-ҡыҙҙарҙы һөнәргә өйрәтеүҙе атҡара (теләге булһа, был ҡатын-ҡыҙҙар икмәкханала профессиональ икмәк һалыусыларға ярҙам итә ала)[2].

Иҫкәрмәләр[үҙгәртергә | вики-тексты үҙгәртергә]

  1. 1,0 1,1 "Горіховий дім" – львівське печиво зі смаком добра (укр). Твоє Місто. 28 май 2015 тикшерелгән.
  2. 2,0 2,1 ГО «Народна допомога» та соціальна пекарня «Горіховий дім» (Львів) (укр). Соціальне підприємництво в Україні. 28 май 2015 тикшерелгән.
  3. «Ми печемо більше печива, щоб створювати додаткові робочі місця» (укр). Велика Ідея. 28 май 2015 тикшерелгән.
  4. Печиво від Соціальної пекарні “Горіховий дім” (укр). Open Lviv. 28 май 2015 тикшерелгән.
  5. Горіховий дім (укр). Родинний центр "Мацьопа". 28 май 2015 тикшерелгән.
  6. Соціальна пекарня «Горіховий дім» (укр). Запорожский городской портал. 28 май 2015 тикшерелгән.
  7. Соціальна пекарня "Горіховий дім" (укр). Creative Cities в Україні. 28 май 2015 тикшерелгән.
  8. Печиво будеш? У Львові можна замовити випічку додому (укр). Львівський споживчий онлайн-журнал. 28 май 2015 тикшерелгән.
  9. У Львові можна скуштувати Добру справу (укр). Портал громадських організацій Львова – NGO. 28 май 2015 тикшерелгән.

Һылтанмалар[үҙгәртергә | вики-тексты үҙгәртергә]