Таныш ир кеше (хикәйә)
| Таныш ир кеше | |
| Жанр | |
|---|---|
| Автор | |
| Төп нөхсә теле |
урыҫ |
| Ижат ителгән ваҡыты | |
| Тәүге тапғып нәшер ителгән |
1886 йылдың 20 апрелендә |
Таныш ир кеше — Антон Павлович Чехов хикәйәһе. 1886 йылда яҙыла, тәүге тапҡыр ошо уҡ йылдың 20 апрелендә «Осколки» йыйынтығында баҫыла.
Тарихы[үҙгәртергә | сығанаҡты үҙгәртеү]
А. П. Чеховтың «Таныш ир кеше» хикәйәһе 1886 йылда яҙылған, тәүге тапҡыр 1886 йылдың 20 апрелендә аҙналыҡ юмористик әҙәби-нәфис Осколки журналында (№ 18), «Немножко боли» башы менән А. Чехонте ҡултамғаһы аҫтында баҫыла. Шул уҡ йылдың 6 июлендә хикәйә бер ниндәй үҙгәртеүһеҙ Көндәлек яңылыҡтар гәзитендә донъя күрә. Нәшерсе Адольф Маркс 1899-1901 йылдарҙа баҫтырған Чехов әҫәрҙәре йыйынтығының беренсе томына яңы атама Чеховтың үҙ ҡулы менән төҙәтелеп индерелә.
Антон Чехов тере саҡта хикәйә болгар, венгр, немец, поляк, румын, серб-хорват һәм чех телдәренә тәржемә ителә.
Фон[үҙгәртергә | сығанаҡты үҙгәртеү]
Хикәйәнең сюжетын Чеховҡа Виктор Билибин тәҡдим итә.
1886 йылдың 6 апрелендә В. В. Билибин Чеховҡа хатында: «Тормош ауырлығы кисергән тәрбиәле кешенең үҙ әшнәһенә бурысҡа аҡса һорарға килеүен яҙығыҙсы. Бының ниндәй ояты бар? Ләкин аҡса һорарға килеүсегә был шул тиклем оят булып тойола, шунлыҡтан ул әшнәһе менән осрашҡанда бөтөнләй икенсе әйберҙәр тураһында һөйләй ҙә, аҡса тураһында һүҙ ҙә әйтмәй сығып китә», - тип яҙа[1].
Сюжет[үҙгәртергә | сығанаҡты үҙгәртеү]
Ванда исемле ҡатындың дауаханан сыҡҡанда кеҫәһендә бер тин аҡсаһы булмай. Ул яңыраҡ ҡына кафела осратҡан бер кешегә аҡса һорап барырға була. Финкель исемле был стамотолог ир, йомош менән килгән Ванданы теш креслоһына ултырта ла, уның тештәренең торошон ҡарарға керешә. Финкелдең уға иғтибар итмәүенә иҫе киткән ҡатын, көҙгөләге үҙенең күренекһеҙ йөҙөн күреп, ир кешенән бурысҡа аҡса һорамай, ә, киреһенсә, һурылған сирле теше өсөн стоматологҡа фирүзә ташлы йөҙөгөн һатып тапҡан һуңғы бер һум аҡсаһын биреп сығып китә. Бәхетенә күрә, икенсе көндө Ванда шул уҡ кафела икенсе бер бай ирҙе осрата һәм унан бурысҡа аҡса алып тора.
Әҙәбиәт[үҙгәртергә | сығанаҡты үҙгәртеү]
- Чехов А. П. Знакомый мужчина // Чехов А. П. Полное собрание сочинений и писем: В 30 т. Сочинения: В 18 т. / АН СССР. Ин-т мировой лит. им. А. М. Горького. — М.: Наука, 1974—1982.
- Журнал «Нива», «Ежемесячные приложения», 1903, № 10, с. {0}[13]{/0}} (1936)
Иҫкәрмәләр[үҙгәртергә | сығанаҡты үҙгәртеү]
- ↑ Рассказ Знакомый мужчина. Иҫкәрмәләр 2017 йыл 12 май архивланған.
Һылтанмалар[үҙгәртергә | сығанаҡты үҙгәртеү]
- Знакомый мужчина. Оригинальный русский текст, в Lib.ru