Троодос

Троодос тауҙары
грек Τρόοδος
Горы Троодос
Бейек нөктәләре
Иң бейек түбәһе	Олимбос
Абсолют бейеклеге	1952 м
Урынлашыуы
34°55′ т. к. 32°50′ кс. о.
Ил	Кипр Республикаһы
Троодос тауҙары
Троодос Викимилектә

Тро́одос (юнан. Τρόοδος) — Кипр утрауының иң ҙур тау системаһы. Иң бейек нөктәһе — Олимбос тауы (1952 м).

Троодос тауҙары Кипрҙың көнбайыш өлөшөндә урынлашҡан. Тау курорттары, матур тау ауылдары һәм Византия монастырҙары һәм сиркәүҙәре менән билдәле, уларҙың араһында иң билдәлеһе — XI быуатта нигеҙләнгән Кикк монастыры.

Климаты

Троодос тау массивының климаты, дөйөм алғанда Кипр кеүек үк, Урта диңгеҙ климаты: йәй көндәре — ҡоро, эҫе һәм ҡыш — һалҡын һәм дымлы. Бейеклеге һәм таулы рельефы арҡаһында Троодоста яуым-төшөм күп була, айырым йылдарҙа 1000 мм-дан артып китә. Ҡыш ҡарлы, ә Олимбос түбәһе тирәләй ҡар япмаһы йылына 3—4 ай һаҡлана. 1991 йылдан 2005 йылға тиклем күҙәтеү осоронда төбәктә теркәлгән минималь температура — −10,2 °C, максималь температура — +35,4 °C тәшкил итә.

Тәбиғәте

Троодос тауҙары тәбиғәте ҙур урман массивтары һәм эндемик үҫемлектәр күп булған бай флораһы характерлана, мәҫәлән, кипр кедры күпләп үҫә. Һирәк осраған хайуандар араһында айырыуса эндемик кипр тау һарығы — муфлоны ҡыҙыҡлы. Һуңғы йылдарҙа уны һунар итеү хөкүмәт тарафынан тыйыла. Тауҙарҙың урман зонаһында төлкөләр һәм ҡуяндар йәшәй.

Иҡтисады

Төбәк иҡтисады башлыса ауыл хужалығына (емеш-еләк һәм йөҙөм үҫтереү һәм шарап етештереүгә) нигеҙләнә. Баҡыр мәғдәне сикләнгән күләмдә сығарыла, өҫтәүенә ул бында антик дәүерҙә үк алып табылған. Ул ваҡытта Кипр баҡыр сығарыу өсөн шул тиклем мөһим урын була, хатта был металдың латинса атамаһы ла (лат. cuprum) утрау исеменән килеп сыҡҡан.

Галерея

• 
  Троодос тауҙары битләүендәге ҡара ҡарағайҙар урманы
• 
  Троодос битләүҙәрендә ылыҫлы урман
• 
  Троодос тауҙарында Педулаc ауылы
• 
  Троодос тауҙарында йәй
• 
  Троодос битләүҙәрендә ҡышҡы урман

Һылтанмалар

• Панорамный виртуальный тур по горам Троодос (ингл.). Архивировано из оригинала 3 июнь 2009 года.