Фәйзуллин Фәнил Сәйет улы

Фәнил Сәйет улы Фәйзуллин
Тыуған көнө	20 май 1942({{padleft:1942|4|0}}-{{padleft:5|2|0}}-{{padleft:20|2|0}}) (82 йәш)
Тыуған урыны	Башҡорт АССР-ы Өфө районы Яңы Ҡарашиҙе ауылы
Альма-матер	Башҡорт дәүләт университеты (1966)
Ғилми дәрәжәһе	философия фәндәре докторы (1983)
Ғилми исеме	профессор (1984); Башҡортостан Фәндәр Академияһы академигы (1991)
Награда һәм премиялары	Медаль «Ветеран труда»

Фәйзуллин Фәнил Сәйет улы (20 май 1942 йыл) — ғалим-философ, социолог, юғары мәктәп уҡытыусыһы. Философия фәндәре докторы (1983), профессор (1984). Башҡортостан Фәндәр Академияһы академигы (1991). Башҡорт АССР-ының атҡаҙанған фән эшмәкәре (1985), Рәсәй Федерацияһы юғары мәктәбенең атҡаҙанған хеҙмәткәре (2003). Н. А. Аитов исемендәге премия лауреаты (2015). Салауат Юлаев ордены кавалеры (2012).

Биографияһы

Фәнил Сәйет улы Фәйзуллин 1942 йылдың 20 майында БАССР-ҙың Өфө районы Яңы Ҡарашиҙе ауылында тыуған.

Хеҙмәт эшмәкәрлеген 1960 йылда Өфөләге «Синтезспирт» заводында апаратсы булып башлай.

1966 йылда Башҡорт дәүләт университетын тамамлай һәм Иглин районы Турбаҫлы урта мәктәбендә директор урынбаҫары була, 1967 йылдан Өфөнөң 10‑сы ПТУ‑һында уҡыта.

1969 йылдан Өфө авиация институтында, шул иҫәптән: 1972—1975 йылдарҙа философия кафедраһының өлкән уҡытыусыһы, 1975—1983 йылдарҙа — философия кафедраһы доценты, 1984 йылдан философия кафедраһы профессоры. 1983—2002 йылдар — ӨДАТУ-ның гуманитар факультеты деканы.

1995—2001 йылдарҙа Башҡортостан Республикаһы Министрҙар Кабинетының ғилми консультанты, 1998 йылдан хәҙерге көнгәсә ӨДАТУ-ның социалогик лаборотарияһы ғилми етәксеһе.

Һылтанмалар

• Фәйзуллин Фәнил Сәйет улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 19 май 2022)
• Алла Докучаева. Когда к таланту приложен труд (рус.) // Ватандаш : журнал.