Шакирова Зөлфиә Мәскүр ҡыҙы

Википедия — ирекле энциклопедия мәғлүмәте
Перейти к навигации Перейти к поиску
Шакирова Зөлфиә Мәскүр ҡыҙы
Заты ҡатын-ҡыҙ
Гражданлығы Flag of the Soviet Union.svg СССР
Flag of Russia.svg Рәсәй
Тыуған көнө 5 июнь 1965({{padleft:1965|4|0}}-{{padleft:6|2|0}}-{{padleft:5|2|0}}) (55 йәш)
Тыуған урыны СССР, РСФСР, Башҡорт АССР-ы, Саҡмағош районы, Үрге Аташ
Һөнәр төрө йырсы
Уҡыу йорто Өфө сәнғәт училищеһы
Мифтахетдин Аҡмулла исемендәге Башҡорт дәүләт педагогия университеты

Шакирова Зөлфиә Мәскүр ҡыҙы (1965 йыл, (5 июнь,Үрге Аташ ауылы, Саҡмағош районы, Башҡорт АССР-ы)- совет, Рәсәй эстрада йырсыһы. Татарстан Республикаһының атҡаҙанған артисы (2001). Татарстандың халыҡ артисы(2012). Башҡортостан Республикаһының атҡаҙанған артисы (2012)[1].

Биографияһы[үҙгәртергә | вики-тексты үҙгәртергә]

Шакирова Зөлфиә Мәскүр ҡыҙы 1965 йылдың 5 июнендә Башҡорт АССР-ы Саҡмағош районы Үрге Аташ ауылында тыуған[2].

Башҡортостандың Саҡмағош районы

Зөлфиә Мәскүр ҡыҙы бала саҡтан уҡ йырсы булырға хыялланған.

Үҙ ауылында мәктәп тамамлағандан һуң ул Өфө сәнғәт училищеһына уҡырға инә, 1982 йылда уны уңышлы тамамлай (хәҙер ӨДСИ профессоры Сәғитова Фәрзәнә Фәтҡулла ҡыҙы класы). Шул уҡ йылда Өфө дәүләт сәнғәт институтының вокал бүлегенә уҡырға инә. 1983 йылда Стәрлетамаҡ мәҙәниәт-ағартыу училищеһын тамамлап,Ҡазанда Ғәлиәскәр Камал исемендәге драма театрында эшләп йөрөгән яҡташы Жәүит Шакировҡа кейәүгә сыға. Зөлфиә Шакирова Ҡазан консерваторияһында профессор Зөләйха Хисмәтуллина класында уҡыуын дауам итә. Уҡытыусыһы З.Шакироваға филармонияла эшләй башларға кәңәш итә, сөнки уны инде өлгөрөп еткән эстрада йырсыһы итеп күрә.

Шакировтар ғаиләһендә улдары Илһам менән Искәндәр тыуа.

1990 йылдарҙа Жәүит менән Зөлфиә Шакировтар «Илһам» театр-студияһын булдырып, үҙ аллы ижади эшмәкәрлек менән шөғөлләнә башлай. Зөлфия Шакированың матур тауышы, килешле ҡиәфәте тамашасыларҙың күңелен яуларға ярҙам итә. Бынан тыш ул репертуарын да төрләндерергә тырыша— Зөлфиә Шакирова башҡорт халыҡ йырҙары «Бейеш», «Карауанһарай», «Уйыл», «Шаһибәрәк», «Элмәлек» һәм татар халыҡ йырҙары «Гөлъямал», «Йома», «Шахта» һәм башҡаларҙы оҫта башҡара.

Шакировтар ике күрше республика буйлап гастролдәргә йөрөй, радио, телевдивениела сығыш яһай. Тырышлыҡ һәм ныҡышмалылыҡ һөҙөмтәһеҙ ҡалмай- уларҙы тамашасылар һәр саҡ көтөп ала.

Зөлфиә Шакирова күп кенә йырҙар авторы булараҡ та билдәле. Уның Жәүит Шакиров, башҡа шағирҙар (Ә.Атнабаев, Х.Мөхәммәҙиева, Ф.Тереғолова, Р.Хәкимйән) һүҙҙәренә яҙылған йөҙҙән артыҡ йырын унан башҡа Рөстәм Асаев, Зөһрә Шәрәфуллина, Бәширә Насырова, Нәзифә Ҡадирова кеүек Татарстан һәм Башҡортостан йырсылары башҡара.

2005 йылда Зөлфиә Мәскүр ҡыҙы Шакирова Мифтахетдин Аҡмулла исемендәге Башҡорт дәүләт педагогия университетын тамамланы (музыка белгесе).

З.Шакирова Рәсәй буйлап гастролдәрҙә йөрөй. Ғ.Әлмөхәмәтов исемендәге призға Башҡортостан республикаһының йәш йырсылар конкурсы (Өфө, 1983), «Татар йыры» халыҡ-ара конкурсы лауреаты (Ҡазан, 1993). Татарстан Республикаһы халыҡ артисы (2012). Татарстан Республикаһы атҡаҙанған артисы(2001). Башҡортостан Республикаһы атҡаҙанған артисы (2012).

Әҫәрҙәре[үҙгәртергә | вики-тексты үҙгәртергә]

  • Син — яфрак, ә мин — чәчәк (йырҙар). Ҡазан, 2015.

Һылтанмалар[үҙгәртергә | вики-тексты үҙгәртергә]

Иҫкәрмәләр[үҙгәртергә | вики-тексты үҙгәртергә]