Шапкина Людмила Васильевна

Википедия — ирекле энциклопедия мәғлүмәте
Перейти к навигации Перейти к поиску
Шапкина Людмила Васильевна
Заты ҡатын-ҡыҙ
Гражданлығы Flag of the Soviet Union.svg СССР
Flag of Russia.svg Рәсәй
Тыуған көнө 4 март 1952({{padleft:1952|4|0}}-{{padleft:3|2|0}}-{{padleft:4|2|0}}) (68 йәш)
Тыуған урыны СССР, РСФСР, Хабаровск
Һөнәр төрө балерина
Уҡыу йорто Пермский государственный хореографический колледж[d]

Шапкина Людмила Васильевна (4 март 1952 йыл, Хабаровск) — совет һәм Рәсәй балет артисы, педагог. Башҡортостан Республикаһының халыҡ артисы (1994), БАССР‑ҙың атҡаҙанған артисы (1985). Театр эшмәкәрҙәре берлеге ағзаһы (1990)[1].

Биографияһы[үҙгәртергә | вики-тексты үҙгәртергә]

Людмила Шапкина 1952 йылдың 4 мартында Хабаровск ҡалаһында тыуа.

1970 йылда Пермь хореография училищеһын тамамлай (педагогы Л. П. Сахарова). Шунан һуң Башҡорт дәүләт опера һәм балет театрына эшкә килә, театр солисы була.

1998 йылдан ошо уҡ театрҙа педагог‑репетитор булып эшләй, 1987 йылдан Рудольф Нуриев исемендәге Башҡортостан хореография колледжында ла уҡыта.

Людмила Васильевна ижад юлының оҙон ғүмерле булыуын (28 йыл) ябай ғына итеп аңлата: 1990-сы йылдар уртаһында төп партияларҙы башҡарырлыҡ кеше ҡалмағас, солистарҙы үҙенә тәрбиәләргә тура килә.

Шапкинаның башҡарыу сәнғәтенә экспрессия, музыкаллек хас була, ул классик бейеүҙәрҙе саф техника менән башҡара. Һикерештәре юғары, хәрәкәттәре ҡоласлы, әйләнештәре динамикалы була.

Шапкина СССР‑ҙың Ҙур театры сәхнәһендә бейей. СССР‑ҙың халыҡ артистары В. М. Гордеев, Е. С. Максимова, Н. В. Павлова, РСФСР‑ҙың атҡаҙанған артисы В. М. Панов һәм башҡалар менән бергә сығыш яһай. Рәсәй, АҠШ, Голландия, ГФР, Ҡытай, Таиланд буйлап гастролдәрҙә була.

Людмила Шапкинаның тәрбиәләнеүселәре араһында Башҡорт дәүләт опера һәм балет театрының прима-балеринаһы, Рәсәй Федерацияһының атҡаҙанған артисы, Башҡортостандың халыҡ артисы, халыҡ-ара конкурстар лауреаты, Башҡортостан Республикаһының Салауат Юлаев исемендәге дәүләт премияһы һәм Республика Шәйехзада Бабич исемендәге йәштәр премияһы лауреаты Гүзәл Сөләймәнова, Башҡортостандың атҡаҙанған артисы, Бөтә Рәсәй конкурсы лауреаты, халыҡ-ара конкурс дипломанты Валерия Исаева, Башҡортостандың атҡаҙанған артисы Артур Новичков, шулай уҡ театр артистары Арыҫлан Әсфәтуллин, Ирина Чьюнг һәм башҡалар бар.

«Училищела уҡығанымда мине бөтә һигеҙ йыл буйы Людмила Васильевна Шапкина — уникаль ҡатын-ҡыҙ — уҡытты! Ул минең менән әле лә эшләй. Людмила Васильевна балетҡа фанатиктарса ғашиҡ, беҙҙе яуаплылыҡҡа, тәрбиәлелеккә өйрәтте… Людмила Васильевна булмаһа, бәлки, балет минең профессияма әүерелмәҫ тә ине…» Гүзәл Сөләймәнова

Төп партиялары[үҙгәртергә | вики-тексты үҙгәртергә]

  • Мари («Щелкунчик», П. И. Чайковский; дебют, 1971)
  • Одетта—Одиллия («Аҡҡош күле», П. И. Чайковский)
  • Зәйтүнгөл («Сыңрау торна»)
  • Жизель һәм Мирта («Жизель», А. Адан)
  • Лиза («Файҙаһыҙ һаҡлыҡ», П. Гертель)
  • Шәфәҡ («Ай тотолған төндә»), был партияны тәүге башҡарыусы
  • Китри («Дон Кихот», Л. Ф. Минкус) — ижадында иң яҡшы эштәрҙең береһе[2].


Маҡтаулы исемдәре һәм бүләктәре[үҙгәртергә | вики-тексты үҙгәртергә]

  • «Заслуженная артистка Республики Башкортостан»(1985)
  • «Народная артистка Республики Башкортостан» (1994)
  • Лауреат премии Союза театральных деятелей Республики Башкортостан имени Бедер Юсуповой (1994)
  • Лауреат премии Союза театральных деятелей России имени Екатерины Максимовой (2011)

Иҫкәрмәләр[үҙгәртергә | вики-тексты үҙгәртергә]


Әҙәбиәт[үҙгәртергә | вики-тексты үҙгәртергә]

Жиленко Н. Антре Людмилы Шапкиной //Гран‑па башкирского балета. Уфа, 2007.

Һылтанмалар[үҙгәртергә | вики-тексты үҙгәртергә]