Шаһиев Мөнир Әхмәтйән улы
| Шаһиев Мөнир Әхмәтйән улы | |
| Зат | ир-ат |
|---|---|
| Гражданлыҡ |
.svg){kind=small} РСФСР СССР |
| Тыуған көнө | 2 февраль 1929 (95 йәш) |
| Тыуған урыны | Ҡоншаҡ районы, СССР |
| Һөнәр төрө | уҡытыусы, партия эшмәкәре, йәмәғәт эшмәкәре |
| Маҡтаулы исемдәре һәм башҡа бүләктәре | |
Шаһиев Мөнир Әхмәтйән улы (2 февраль 1929 йыл) — уҡытыусы, совет һәм партия органдары хеҙмәткәре, йәмәғәтсе. Башҡортостан Республикаһының атҡаҙанған мәҙәниәт хеҙмәткәре (1995), Ҡоншаҡ районының почётлы гражданы (2000)[1].
Биографияһы[үҙгәртергә | сығанаҡты үҙгәртеү]
Мөнир Әхмәтйән улы Шаһиев 1929 йылдың 2 февралендә Башҡорт АССР-ының Арғаяш кантоны (хәҙер Силәбе өлкәһе Ҡоншаҡ районы) Биктимер ауылында тыуған. 1973 йылда Силәбе дәүләт педагогия институтын тамамлай.
Үҫмер егет 1943 йылдан ололар менән бер рәттән «Коммуна» колхозында (Солтанай ауылы) төрлө эштәрҙә хеҙмәт һала.
1945—1989 йылдарҙа район мәктәптәрендә башланғыс синыфтар һәм тарих уҡытыусыһы, Күлмәк ауыл Советы рәйесе, КПСС-тың Ҡоншаҡ район комитетының инструкторы, «Ҡояш» совхозы партия комитеты секретары була.
1993 йылда Мөнир Әхмәтйән улы Ҡоншаҡ районын тергеҙеү буйынса милли программаны эшләүселәрҙең береһе. Күп тапҡырҙар йәмәғәт сараларын, шул иҫәптән Силәбе өлкәһендә Башҡорт мәҙәниәте һәм ижады көндәрен үткәреүҙе, Силәбелә, Өфөлә, Арғаяш районында һ.б. Ҡоншаҡ көндәрен, Һабантуй милли байрамын, Ҡоншаҡ районы башлығын дин общиналар етәкселәре менән осрашыуҙы ойоштора. Ҡоншаҡ, Бәғерәктамаҡ, Ҡараболаҡ, Хәлит ауыл Советтарында ҡатын-ҡыҙҙар клубын, башҡорт-татар мәҙәни үҙәктәрен (1990-сы йылдар башынан уның рәйесе була) ойоштороусыларҙың береһе. Татарҙарҙың 1-се Бөтә донъя конгресы, башҡорттарҙың 1-се Бөтә донъя ҡоролтайы делегаты.
Иҫкәрмәләр[үҙгәртергә | сығанаҡты үҙгәртеү]
Һылтанмалар[үҙгәртергә | сығанаҡты үҙгәртеү]
- Портал Челябинской области. Шагеев Мунир Ахметьянович (рус.) (Тикшерелеү көнө: 24 февраль 2021)
| «Шәхестәр» порталы |
