Шуров Дмитрий Игоревич

Википедия — ирекле энциклопедия мәғлүмәте
Перейти к навигации Перейти к поиску
Шуров Дмитрий Игоревич
укр. Дмитро Ігорович Шуров
Рәсем
Заты ир-ат
Гражданлығы Flag of Ukraine.svg Украина
Тыуған ваҡыттағы исеме укр. Дмитро Ігорович Шуров
Тыуған көнө 31 октябрь 1981({{padleft:1981|4|0}}-{{padleft:10|2|0}}-{{padleft:31|2|0}}) (38 йәш)
Тыуған урыны СССР, Украина Совет Социалистик Республикаһы, Винница
Бер туғандары Шурова Ольга Игоревна[d]
Хәләл ефете Шурова Ольга Владимировна[d]
Балалары Шуров, Лев Дмитриевич[d]
Һөнәр төрө пианист, йырҙар авторы, композитор, йырсы
Ойошма йәки клуб ағзаһы Pianoбой[d], Океан Ельзи[d] һәм Esthetic Education[d]
Уҡыу йорто Киевский национальный лингвистический университет[d]
Әүҙемлек осороноң башланыуы Ошибка Lua в Модуль:Wikidata на строке 199: Функция для отображения свойства не найдена.
Музыка ҡоралы фортепиано, ударный музыкальный инструмент[d], гитара һәм вокал[d]
Рәсми сайт dmitryshurov.com
Commons-logo.svg Шуров Дмитрий Игоревич Викимилектә

Шуров Дмитрий Игоревич (31 октябрь 1981 йыл) — украин музыканты, 2009 йылдан Pianoбой проекты солисы

Дмитрий Шуров – "Кохання", "Родимки", "На Вершині" "Полуничне Небо", "Родина", "Все, Що Тебе Не Вбиває" хиттарының авторы һәм башҡарыусыһы булараҡ билдәле. Шулай уҡ Замандаш театрының «Золушка» спектакленә, «Вартові Мрия» 3D-шоуына, күп кинофильмдарға музыка авторы, улар араһында «Полина» (Жан Рено менән), «Хоттабыч», «Таинственный остров», «Давай неСьогодні» һәм башҡа фильмдар бар. 2015 йылда Дмитрий Квартал 95 студияһының «Слуга Народа» сериалы төп йырҙы яҙа. «Родина» йыры «Не зарекайся» сериалында һәм «Діти перемоги» документаль фильмында төп йыр кеүек яңғырай. Джамала һәм Андрей Хлывнюк менән берлектә яҙылған «Злива» йыры 2016 йылда YUNA премияһын ала, ә 2017 йылда Pianoбойҙың "На Вершині" йыры статуэтка ала.

2017 йылда Дмитрий Шуров СТБ телеканалында 8-се миҙгел Х-фактор проектының судьяһы була һәм шоуҙа тәрбиәләнеүсеһе Миша Панчишин менән еңеү яулай. Шунан һуң 9-сы миҙгелдә йондоҙло судья була. Элек — Океан Ельзи (2001 йылдан 2004 йылға тиклем) һәм Esthetic Education (2004 йылдан 2008 йылға тиклем) төркөмдәренең пианисы, 2006—2009 йылдарҙа Земфира төркөмөндә пианист була.

Биографияһы[үҙгәртергә | вики-тексты үҙгәртергә]

Иртә йылдары[үҙгәртергә | вики-тексты үҙгәртергә]

Дмитирий Шуров 1981 йылда ябай уҡытыусылар ғаиләһендә Винницала тыуған. Һуңғараҡ Диманың атаһы, Игорь Шуров, Винница гәзиттәрендә һәм телевидениеһында, шулай уҡ 1+1 театрында сценарий яҙыусы булып эшләй. Хәҙер Игорь Шуров яҙыусы, шағир һәм рәссам булараҡ билдәле.

Дмитрий Винницаның 21-се мәктәбендә уҡый. 13 йәшендә студенттар менән алмашыу буйынса Лимож ҡалаһының француз колледжына уҡырға бара, унда FLEX программаһына - алмашыу программаһына ҡатмарлы конкурсты үтеүе тураһында белә, уның буйынса ул бер йыл Юта штатының Прово ҡалаһында уҡый. Дмитрий йәшәгән ғаиләлә, үҙҙәренең ике балаһынан тыш, уллыҡҡа алынған һәм едти неврологик ауырыу менән ауырыған тағы өс бала була, Дмитрийға уларҙы ла тәрбиәләшергә тура килә. Инглиз һәм француз телдәрендә иркен һөйләшә.


Киев сит теле һәм "ОЭ"

Украинаға ҡайтыу менән Дмитрий Киев лингвистика университетына уҡырға инә, сөнки үҙе хыялланған Киев-Могилян академияһына бюджетҡа инеү өсөн бер балл тулмай. Курста шул ваҡытта андерграундтың башҡа билдәле шәхестәре - Ирэна Карпа, Каша Сальцова, Дмитрий Остроушко менән бергә уҡый. "ОЭ" ҡалын тауышлы йырсыһы Юрий Хусточаның дуҫтарының береһе джаз пианисы Дмитрий Шуровтың акт залында роялдә уйнағанын ишетеп ҡала һәм уны төркөмдә тыңларға кәңәш итә. Шулай итеп, 18 йәшендә, Дмитрий "Эльза Океанына" эләгә һәм гастролдәрҙең бик күп булыуы арҡаһында уҡыуын ташлай.

2000 йылда уға «Ельзи Океаны» төркөмөнә ҡушылырға тәҡдим итәләр. «Океан» менән өйрәнгән беренсе йыры — «Ото була весна», ул украин халыҡ йырҙары «Веснянка» йыйынтығы өсөн планлаштырыла. Был йыйынтыҡ донъя күрмәй, ә йырҙың үҙен Tvій формат акустик альбомында һәм 1221 йыйынтығында табырға мөмкин. Шуров йырҙың авторҙашы булараҡ күрһәтелгән. «Океан» составында уның беренсе тапҡыр сығышы 2000 йылдың 1 апрелендә Одессала үтә. 2001 йылдың 20 апрелендә Шуров төркөм составына даими нигеҙҙә ҡабул ителә. «Океан» составында ул ике студия альбомы төҙөүҙә ҡатнаша, Украина һәм БДБ илдәре буйлап өс тур концерттарҙа ҡатнаша («Вимагай більшого», 2001, «Тур Суперсиметрія», 2003, «Тихий океан», 2004, «Кращі пісні за 10 років», 2004). Коллективтың стиленә һәм тауышына тос йоғонто яһай.

Education Esthetic һәм Земфира[үҙгәртергә | вики-тексты үҙгәртергә]

2004 йылда Юрий Хусточка менән бергә "ОЭ" төркөмөнән китә һәм өсөнсө ҡатнашыусы белгиялы режиссер Луи Франк менән бергә Education Esthetic инди-төркөмөн ойоштора. Ике Face Reading һәм Werewolf альбомын сығара, улар менән киләһе быуын инди-музыкаға нигеҙ һала. Әммә төркөм ҙур коммерция уңышы ҡаҙанмай, ҡатнашыусылар бәйләнеште юғалта һәм проект тулыһынса 2011 йылда тарҡала.

2007 — 2008 йылдарҙа Дмитрий Шуров Земфира менән хеҙмәттәшлек итә. Ул уның "Спасибо" альбомын продюсерлай һәм йырсының яҡын фекерҙәше була. Шулай уҡ Дмитрий пианист булараҡ альбомға ярҙам итеү йөҙөнән ҙур концерт турында уйнай — 100-гә яҡын концерт була, уларҙың береһе һуңыраҡ DVD-ла барлыҡҡа килә. Уның режиссёры булып Рената Литвинова тора, концерт Мәскәүҙә Йәшел театрҙа үтә һәм «Земфираның йәшел театры» исемен ала.

Pianoбой[үҙгәртергә | вики-тексты үҙгәртергә]

2009 йыл башында Шуров «Лев и Лея» операһы өҫтөндә эшләй башлай, уның бер өлөшө Парижда фэшн-дизайнсы Алена Ахмадуллинаның кейемдәр күрһәтеүендә яңғырай. Эш барышында Шуровтың үҙ төркөмөн булдырыу идеяһы барлыҡҡа килә. «Pianoбой» исеме алған проект өҫтөндә эшләүҙә Киев лингвистика университетын тамамлаған апаһы Ольга Шурова ярҙам итә[1].

Катя Осадчая менән интервью ваҡытында (2014)

Pianoбой ролендә Дмитрийҙың тәүге сығышы 2009 йылдың сентябрендә икенсе Moloko Music Fes сиктәрендә була[2]. 2009 йылдың ноябрендә беренсе «Смысла.нет» йырының премьераһы радиола һәм телевидениела була, ә 2009 йылдың 29 декабрендә Pianoбойҙың Киевта беренсе тулы соло концерты үтә, унда был йырға клип презентациялана[3]. 2010 йылдың ғинуарында Pianoбой дебютлы альбомын яҙа башлай, ә февраль аҙағында Украина буйлап клуб турын башлай[4].

2011 йылдың 13 декабрендә Святослав Вакарчук, Сергей Бабкин, Макс Малышев һәм Петр Чернявский менән бергә «Брюссель» альбомын презентациялай, был музыканттарҙың берлектәге проекты була. 2012 йылдың майында Риапобойҙың дебют альбомы — «Простые вещи», ә 2013 йылдың сентябрендә «Не прекращай мечтать» альбомы сыға. 2013 йылдың апрелендә Шуров «йырсы» номинацияһында ELLE Style Awards премияһын ала[5].

Дмитрий Шуров «Ельзи Океаны» төркөмөнөң иҫке составында 2013 йылдың 14 декабрендә Евромайҙанда[6] һәм 2014 йылдың 21 июнендә «Олимпийскийҙа» сығыш яһай. Шуров шулай уҡ Евгений Шварц пьесаһы мотивтары буйынса «Золушка» музыкаль спектакле өсөн музыка яҙа, ул 2014 йылдың апрелендә Мәскәү ҡалаһының «Замандаш театры сәхнәһендә ҡуйыла»[7].

Андрей Кузьменконың хәтер концертында (2015 йылдың 20 майында Киев спорт һарайында үтә) «Скрябін» төркөмөнөң музыканттары менән бергә «Шампанські очі» йырын башҡара[8].

Ғаиләһе[үҙгәртергә | вики-тексты үҙгәртергә]

Таракановская (Шурова) Ольгаға өйләнгән. Улдары — Лев Шуров (2003 йылда тыуған). Киевта ғаиләһе менән йәшәй.

Фильмографияһы[үҙгәртергә | вики-тексты үҙгәртергә]

2019 - Папик

Дискографияһы[үҙгәртергә | вики-тексты үҙгәртергә]

Океан Ельзи

  • «Модель» (2001)[9]
  • «Суперсиметрия» (2003)
  • «Tvій формат» (2003)

Esthetic Education

    • «Face Reading» (2004)
    • «Leave Us Alone» (2005)
    • «Live At Ring» (2006)
    • «Werewolf» (2007)

Земфира

  • «Спасибо» (2007)
  • «Зелёный театр в Земфире» (2008) (DVD)
  • «Z-Sides» (2009) (йыйынтыҡ)
  • «Земфира.Live2» (2010) (концерт альбомы)
  • «Крокус/Стрелка» (2010) (концерт альбомы) (бер нисә йырҙарҙа)

Святослав Вакарчук

  • «Брюссель» (2011)

Pianoбой

  • «Простые вещи» (2012)
  • «Не прекращай мечтать» (2013)
  • «Кохання» (2015)
  • «Take Off» (2015)

Иҫкәрмәләр[үҙгәртергә | вики-тексты үҙгәртергә]

  1. Дмитрий Шуров: «Мы настоящая банда и нас объединяет горячее желание играть», gorod.dp.ua (22 февраля 2010)
  2. Отчет на «Moloko Music Festival #2» от редакции music.open.ua Архивная копия от 19 сентябрь 2011 на Wayback Machine, Open.Music (25 сентября 2009)
  3. Pianoбой отправляется в тур по Украине(недоступная ссылка), Open.Music (16 февраля 2010)
  4. Pianoбой отправляется в тур по Украине(недоступная ссылка), Open.Music (16 февраля 2010)
  5. Победители ELLE Style Awards, ELLE Украина (25 апреля 2013)
  6. На Майдане выступит «Океан Эльзы» в старом составе, INSIDER (13 декабря 2013)
  7. «Современник» готовит спектакль на музыку Шурова, INSIDER (11 февраля 2014)
  8. Logo YouTube por Hernando.svg Дмитро Шуров (PianoБой) «Шампанські очі» — Скрябін. Концерт пам’яті
  9. Принимал участие в записи альбома в качестве сессионного музыканта

Һылтанмалар[үҙгәртергә | вики-тексты үҙгәртергә]